Ngegumatchi nüü̃ i ngetchaü̃gügu ya Yeuwa, tamatchi tanaügü i ngema natchigagü naꞌai.

Yeuwa tama nanawaeꞌ na ingitaꞌagüü̃, rü bai na ingaẽü̃ rü bai na yimarüne i yigüü̃ rü bai na pori i yigüü̃.

Tupana natchi naꞌai na imawaegü, rü natchi naꞌai ta mama tügü timaꞌãcüü̃. Tupana natchi naꞌai ta nügü rü yatüꞌü̃ rü nügü rü ngeꞌü̃. Tupana ta tama nanawaeꞌ na dĩẽruꞌü̃ i pengetchaü̃güü̃ rü bai na pegü i pedaigü.

Tama name niꞌĩ i wüi i natchicünaãmare icuaꞌügüü̃ rü bai na yuümaã i puracüü̃ rü bai na ingoꞌgüwaeꞌü̃.

Duü̃ü̃gü i ngema tchieü̃ ügüü̃ rü tautama Meẽtchiü̃ i Naanewa namaꞌẽ.

Tupanaꞌü̃ cutaãẽꞌẽgagu, name niꞌĩ i norü nacüma i cuü.

Duü̃ü̃gümaã namecüma rü nangauwaeꞌ erü ngemaãcü ta ngetchaü̃ cuwe.

Weguꞌü̃rica naü rü Tupanaga naꞌinü.

Togümaã nüü̃ iꞌu i Yeuwatchiga rü norü ngueꞌẽtaetchiga ta nüü̃ iꞌu. (Romacü̃ãꞌ 10:⁠13-15)

Woo teꞌe cumaã gutchinügu, tüü̃ nangetchaü̃ꞌãma.