NATCHIPEE 12
Nhuãcü i cutanüꞌü̃gü aicuma nataãẽgüü̃ ta?
Natanüꞌü̃gü i nügü ngetchaü̃güü̃ rü nataãẽgü ta. Epéchiucü̃ãꞌ 5:33
Name niꞌĩ i wüi ya yatü rü wüie ya nge ya ngĩgüü̃ erü ngema niꞌĩ i Tupanaarü mu.
Yatü ya naꞌmaꞌ ngetchaü̃cü rü meã tüna nadau rü tümaarü gutchaü̃ nacuaꞌ.
Name niꞌĩ ya nge tümateꞌü̃ tarü ngüẽü̃.
Name niꞌĩ i penatügüga peꞌinüẽü̃ rü tama name niꞌĩ i petchoü̃gawaeꞌü̃.
Name niꞌĩ ya yatügü naꞌmaꞌgümaã namecümagüü̃ rü name niꞌĩ ya yatü ta nawüiemaꞌ. Corochacü̃ãꞌ 3:5, 8-10
Tupanaarü mugüwa nüü̃ niu na wüitchigü ya yatü rü naꞌmaꞌ nangetchaü̃ nhama nügüüne nangetchaü̃rüü̃tama. Rü ngegumarüü̃ ta i pema pa ngegü petega peꞌinüẽgü.
Tama name niꞌĩ i wüi ya yatü rü wüie ya nge nügüüne nacuaꞌgü ngeguma tama nügümaã ya ngĩgügu. Name niꞌĩ i wüitchigü ya yatü nawüiemaꞌ rü tümamaã ya ngĩ.
Tupanaarü Ore guü̃ma i natanüꞌü̃gü nangueꞌẽ ngemacaꞌ nataãẽgüü̃caꞌ.
Tocaꞌ cuü̃ name i ngẽma
POPERA MUÁTÜGÜ RÜ POPERA NOREÁTÜGÜ
Taꞌacü I nacaꞌ Cuwaü̃ Na Cutanüꞌü̃ Nataãẽü̃caꞌ?
Tümaü̃ẽ nüü̃ cuaꞌgurü dĩẽru niꞌĩ taãẽ tümatanüꞌü̃na ãü̃, notürü ngema aicuma eꞌna niꞌĩ?
