NATCHIPEE 6
Taꞌacü nawa i cuaꞌ ga taütchicü ga mucü ga yeguma Noe maꞌü̃gu?
Tupana nanadaigü ga guü̃ma ga duü̃ü̃gü ga tchieü̃gü. Rü Noe rü natanüꞌü̃maã namaꞌẽ. Gênesis 7:11, 12, 23
Rü 40 ga nguneü̃ rü 40 ga tchütaü̃ napuꞌetcha i nhaã ga Naanewa rü nanguane i guü̃ i nhaã ga Naanewa ta. Guü̃ma ga duü̃ü̃gü ga tchieü̃ nayuegü.
Ãĩyugü tama Tupanaga inüẽgü inanawogü ga naünegü namatchi iꞌĩꞌü̃ rü ãĩyugü ga tchieü̃gü nicaꞌitchigü.
Teꞌe ga yiema wapuru ga taütchinewa ngemagüe tamaꞌẽgü. Yicama na muü̃magü ga taunecügü üpetüü̃, Noe rü natanüꞌü̃maã nayuegü. Woo nayuegü, Tupana ta wenaꞌãrü nanamaꞌẽgü rü tauguma nayuegü ta.
Tupana wenaꞌãrü duü̃ü̃gü i tchieü̃gü nadai ta rü meã i maꞌẽü̃ namaꞌẽ ta. Mateu 24:37-39
Nhuma Tchatana rü norü ãĩyugü i tchieü̃gümaã, duü̃ü̃gü inawomüꞌẽ.
Yeguma ga Noe maꞌü̃gurüü̃, nhuma muü̃ma i duü̃ü̃gü tama Yeuwaarü ucuꞌẽgü i ngetchaü̃ãcü naãü̃ naꞌinüẽgü. Paꞌama, Yeuwa guü̃ma i duü̃ü̃gü i tchieü̃gü nadai ta. (2 Pedru 2:5, 6)
Nhuma nhure i duü̃ü̃gü Noerüü̃ niꞌĩgü. Ngema i duü̃ü̃gü Tupanaga naꞌinüẽgü rü nüma nanawaeꞌü̃rica niꞌĩ naügü. Ngema i duü̃ü̃gü Yeuwaarü Orearü Uruü̃gü niꞌĩgü..
Tocaꞌ cuü̃ name i ngẽma
POPERA MUÁTÜGÜ RÜ POPERA NOREÁTÜGÜ
Teꞌe Tiꞌĩ Ya Aicuma Naanearü Ãẽꞌgacü?
Beꞌmana namaã cutaãẽ ta i Tupanaarü Orearü ngaü̃. Nüü̃ nadau tüꞌcüü̃ name niꞌĩ ngema ngaü̃ü̃ i cuaꞌ rü nhuãcü ta i ngema cuü̃ narüngüꞌẽẽü̃.
