Tupanaarü Ore nucümaü̃tchima marü nüü̃ niu i nhaã i nhuma i Naanewa ngupetügü. Tupanaarü Ore nüü̃ niu na duü̃ü̃gü norü dĩẽruguꞌama ta narüꞌĩnüẽ, rü tautama nanatüga rü naẽga naꞌinüẽtchaü̃, rü ta nitchiecümagü rü ta norü ngutchaü̃caꞌama nadaugü.

Tupanaarü Ore nüü̃ ta niu na guü̃ma i Naanewa poraãcü ta naꞌĩãꞌãtchiane, rü wüi i natchiü̃anewa rü to i natchiü̃anemaã ta nügü nadaigü, rü poraãcü ta nanguꞌ i taiya rü ta nataütchi i daweane. Guü̃ma i ngemagü inangupetügü i nhuma.

Ngetchutchu nüü̃ ta niu na duü̃ü̃gü guü̃ma i Naanewa Tupanaarü Ãẽꞌgacütchiga rü meü̃gü i oretchiga niugügü. (Mateu 24:14)

Yeuwa paꞌama guü̃ma i tchieü̃gü nadai ta.

Tchatana rü ãĩyu tchieü̃gü narütauꞌeꞌgü ta.

Teꞌe Tupanaga inüe Naanewa tamaꞌü̃ ta rü duü̃ü̃gü nügümaã meã namaꞌẽgü ta. Rü tautama nügü namuü̃ꞌẽ ta rü nügü nangetchaü̃gü ta rü nügüꞌü̃ nayaꞌõgü ta.