Yeuwa tamaã nataãẽgüegagu, name niꞌĩ i nanega i inü. Yeuwa tauta ga Adãũ naügu, dauü̃guü̃ i naanewa rü Yeuwa wüi ga ãĩyu poracü naü.

Muü̃magü ga taunecügü üpetü, Yeuwa nua ga Naanewa nanamu ga nane rü ĩãne ga Bereü̃gu nabu. Naẽrü wüie ga nge ga tauguma yatüꞌü̃ cuaꞌcü iyiꞌĩ rü tümaega Maria niꞌĩ. Naega i Ngetchutchu nüna naãgü. (Juã́ũ 6:⁠38)

Tupanarüü̃, Ngetchutchu ngeguma nhaã ga Naanewa nangemagu, namecüma rü duẽꞌẽgüꞌü̃ nangetchaü̃. Ngemacaꞌ duẽꞌẽgü yecü naꞌü̃tawa tangemagüetcha. Tama muꞌũãcü, nüma duẽꞌẽgüꞌü̃ nangue i ngema aicuma Yeuwatchiga iꞌĩꞌmaã.

Ãẽꞌgacügü ga yaꞌõgüü̃ Ngetchutchutchi naꞌaie erü Ngetchutchu nanawe na doratarica niugü rü tchieü̃rica naügü.

Ngetchutchu wena tüü̃ namaꞌẽ yiema ga yeguma marütchire yuegüe rü tüü̃ narü meꞌẽ ga yiema ga idawegüe.

Ãẽꞌgacügü ga yaꞌõgüü̃ dora iꞌĩꞌü̃ i Ngetchutchutchiga niugü Romaarü ãẽꞌgacügümaã. Ngemacaꞌ Ngetchutchuꞌü̃ nacuaiꞌgü rü nayamaꞌgü.