NATCHIPEE 11
Tü̃ eꞌna naꞌinüü̃ ya Yeuwa?
Tupana aicuma eꞌna torü yumaẽgü naꞌinü? 1 Pedru 3:12
Yeuwa rü yumaẽarü inürũ niꞌĩ. (Salmo 65:2) Nüma nanawaeꞌ na namaã nüü̃ iꞌu i ngema torü maꞌü̃newa ngemaü̃.
Yeuwacaꞌ nayumaẽ rü tauecama.
Name niꞌĩ i torü yumaẽwa guü̃ma i tüü̃ ngupetüü̃ Tupanamaã nüü̃ iꞌuü̃. 1 Juã́ũ 5:14
Nayumaẽ norü ngutchaü̃ nhaã i Naanewa naüü̃caꞌ ya Tupana erü dauü̃guü̃ i naanewa rü norü ngutchaü̃ marü naü.
Curü yumaẽwa, Yeuwamaã ideꞌa rü ngüecaꞌ inacaꞌ na meü̃ cuüü̃caꞌ. Curü yumaẽwa, õnacaꞌ rü puracücaꞌ, rü ĩpatacaꞌ rü natchirucaꞌ inacaꞌ. Rü curü yumaẽwa ta poracaꞌ inacaꞌ ngeguma yaꞌna namaã cuꞌinüü̃caꞌ i curü dawe.
Ngetchutchuegagu yumaẽ naü. Ngemaãcü nüü̃ cunawe ta rü nüü̃ curü moẽ erü meü̃ cucaꞌ naü.
