NATCHIPEE 8
Tüꞌcüü̃ ga Ngetchutchu nayu?
Ngetchutchu nayu na duẽꞌẽgü tüü̃ nangemaü̃caꞌ i maꞌü̃ i tauguma i guꞌü̃. Juã́ũ 3:16
Tamaꞌẽpü ga nguneü̃wena nayugu ga Ngetchutchu, ngegü aꞌ itidaugü inataü̃wa rü tama naüne ngema tadaugü. Yeuwa yeguma wena nanamaꞌẽ ga Ngetchutchu.
Rü yicama ga Ngetchutchu rü norü ngueꞌü̃gücaꞌ nangoꞌ.
Ngetchutchu wenaꞌãrü namaꞌü̃, notürü tama taünerüü̃ iꞌĩꞌü̃maã. Yeuwa wüi i naüne ãĩyugüarürüü̃ iꞌĩꞌü̃ Ngetchutchu na naã. Ngetchutchuarü ngueꞌü̃gü nuü̃ nadaugü yeguma dauü̃guü̃ i naanewa naꞌũgu. Ngetchutchu nhuma rü wüi i ãĩyu poracü niꞌĩ rü taugutama nayu.
Yeuwa wenaꞌãrü Ngetchutchu namaꞌẽ rü nüma nüü̃ naꞌuneta Tupanaarü Ãẽꞌgacüwa Ãẽꞌgacü yiĩꞌü̃caꞌ. Apocaríchiu 11:15
Ngetchutchu nayu na tüü̃ inanguꞌü̃ꞌẽü̃caꞌ nawa i pecadu rü yu. (Mateu 20:28) Ngemagagu, Tupana tüna na naã ta i maꞌü̃ i tauguma i guꞌü̃.
Ngetchutchu Naanearü ãẽꞌgacü niꞌĩ ta erü Yeuwa nüü̃ naꞌuneta. Ngetchutchuꞌü̃ tawa nangemagü ta 144.000 i duü̃ü̃gü Tupanaga inüẽgü. Rü wena namaꞌẽgü ta dauü̃guü̃ i naanewa ya Ngetchutchumaã. Ngema Tupanaarü Ãẽꞌgacü i meü̃ niꞌĩ. (Apocaríchiu 14:1-3)
Nhaã i Naanemaã, Tupanaarü Ãẽꞌgacü rü wüi i Meẽtchiü̃ i Naane namaã i naü ta. Rü narü oꞌgüta i daiꞌü̃, rü tchieü̃, rü ngearü dĩẽruãẽ rü taiya tüü̃ ngemaẽ. Guü̃ma i duü̃ü̃gü aicuma nataãẽgü ta. (Salmo 145:16)
Tocaꞌ cuü̃ name i ngẽma
NGUTAQUEꞌE YA NGETCHUTCHUARÜ YUNA CUAꞌÃTCHIÜ̃
Nüna nacuaʼãtchi i norü yu i Ngetchutchu
Wüi taãẽ niʼĩ na cuna tauu na toü̃tawa cungemaü̃caʼ naca i ngema ngutaqueʼe i meetchiü̃. Cuma rü ta nüü̃ cucuaʼ nhuãcü i norü maʼü yu i Ngetchutchu cuü̃ narüngüʼẽẽü̃.
POPERA MUÁTÜGÜ RÜ POPERA NOREÁTÜGÜ
Wenataarü Namaꞌẽü̃ Ta Eꞌna I Yueü̃?
Marü tangema ya tümaü̃ẽ ya yue ya tüü̃ cungetchaü̃ẽ? Taꞌacü i Tupanaarü Ore nüü̃ iꞌu i nügü inguü̃ ta rü tüü̃ nataãẽꞌẽẽ.
