NATCHIPEE 3
Nhuãcü niꞌĩ ga nucüma i maꞌü̃ ga Edeü̃wa?
Yeuwa muü̃ma i guü̃ma i meü̃ Adãũna rü Ewana naã. Gênesis 1:28
Tüira ga nge ga Yeuwa tüü̃ üꞌe tümaega Ewa niꞌĩ. Rü yiema nge rü Adãũ na tüü̃ naã na Adãũ tümamaã ya ngiü̃caꞌ. (Gênesis 2:21, 22)
Yeguma ga Adãũ rü Ewa naügu ya Yeuwa, Adãũüne rü Ewaüne memareãcü naü rü norü ĩnügü ngemaãcü ta naü.
Meẽtchiü̃ ga naane ga Edeü̃gu niꞌĩ napeꞌgüü̃. Wüi ga natchica naeꞌü̃gü rü natü rü naĩ oꞌgüü̃ nawa ngemagüü̃.
Yeuwa rü nideꞌaü̃ Adãũmaã rü Ewamaã rü nüü̃gü nanguegüaü̃. Ngegumatchi Yeuwaga naꞌinüẽgügu maꞌü̃ i tauguma i guꞌü̃ i nayaugütchi nua i Naanewa.
Tupana rü Adãũmaã rü Ewamaã nüü̃ niu na tama nanangõꞌgüü̃caꞌ i wüi ga naĩarü oꞌ. Gênesis 2:16, 17
Wüi i ãĩyu tama Tupanaga inücü. Yima ãĩyu rü tchiri Tupanatchiga nideꞌa. Nüma rü Tchatana niꞌĩ.
Meẽtchiü̃ ga naane ga Edeü̃wa Yeuwa wüi i naĩ Adãũꞌü̃ rü Ewaꞌü̃ nawe. Ngegumatchi ngema naĩarü oꞌ nangõꞌgügutchi nayuegütchi.
Tchatana tama nanawaeꞌ na Adãũ rü Ewa Yeuwaga naꞌinüẽgü. Ngemacaꞌ wüi i ãtapeꞌmaã Ewaꞌü̃ nawomüꞌẽ, ngegumatchi tanangõꞌgu i ngema naĩarü oꞌ taugutchi tayu rü Tupanamaã tawüigutchi. Guü̃ma i ngema Tchatanaarü doramare niꞌĩ. (Gênesis 3:1-5)
