NGÚERUÜ̃ 02
Rü Tupanaarü unetagü tüna naã i aicuma i taãẽ
Guü̃ma i Naanewa i duü̃ü̃gü naoégaãẽgü rü nangetchaü̃tchi rü ngúü̃ nüü̃ nangẽma. Rü ngẽma marü cuü̃ nangupetü rü bemana marü namaã quidaꞌawe urü i duü̃ü̃ cungetchaü̃tchiü̃ rü marü yue. Rü cugüãẽwa cugüna cuca: ‘Eꞌna ngẽmagü tchieü̃gü yaguꞌü̃ tá?’ Rü Tupanaarü Ore ngẽma ca nanangãü̃.
1. Taꞌacü Tupanaarü unetagü tüna naã i wipeꞌewa?
Rü Tupanaarü Ore meã nüü̃ niu na tüꞌcüü̃ guü̃ i Naanewa nangẽmaü̃ muü̃tchi gutchaü̃gü. Notürü nangẽma deagü megüü̃, na guü̃ma ngẽma gutchaü̃gü wipeꞌewa rü yaguꞌü̃ tá. Rü Tupanaarü Oregu ümatügüü̃ norü unetagü rü tüna nanaã i ‘wüi taãẽ i aicuma iĩü̃’. (Nawa naugütae Jeremias 29:11, 12.) Rü tüü̃ narüngü̃ẽẽ ngẽguma gutchaü̃gü naüpetügügu na itaãẽü̃tchiü̃caꞌ. Rü nhuꞌma i Tupanaarü Ore nüü̃ narüngü̃ẽẽ i taãẽ niĩ rü ngẽma taãẽ rü taguma inayaguꞌ.
2. Ngeü̃rüüü̃ niĩ i Tupanaarü unetagü i wipeꞌewa ngupetüü̃?
Rü Tupanaarü Ore nüü̃ niu ‘rü marü tãũü̃táma teé tayu, rü teé tümaarü ngetchaü̃maã taau, rü teé ngúü̃ tingegü’. (Nawa naugütae Apocaríchiu 21:4.) Rü yu, rü ngearü dĩẽruã, rü ngetchaü̃, rü ngúü̃gü rü guü̃ma i ngẽmagü nayaguꞌ tá. Rü Tupanaarü unetagü nüü̃ niu na wipeꞌewa i duü̃ü̃gü rü taãẽ maü̃ i taguma gúü̃ i nhama i Naanewa nayaugü.
3. Tüꞌcüü̃ name na nagu cuyaõ i Tupanaarü Ore nüü̃ iuü̃?
Muü̃ma i duü̃ü̃gü nanawaꞌe na meü̃ nüü̃ ngupetüü̃ notürü tama nüü̃ nacuaꞌgü na ngẽma tá nüü̃ ngupetüü̃. Nhuꞌmatchi i Tupanaarü Ore nananguꞌẽẽ na taꞌacü tá ngupetüü̃. Notürü ngẽmagu cuyaõü̃caꞌ rü name niĩ na poraãcü ‘Tupanaarü Ore ga ümatüü̃wa cunguꞌ na meã nüü̃ cucuaꞌü̃caꞌ’. (Puracügü 17:11) Ngẽma tá cuü̃ narüngü̃ẽẽ na meã nagu curüĩnü urü norü nguꞌẽẽtaegu cuyaõü̃ urü tama.
YEERA NÜÜ̃ CUCUAꞌ
Nüü̃ tadau i taꞌacütchiga i Tupanaarü Ore yau ngẽma ngupetüü̃ tá rü ta nhuãcü i Tupanaarü unetagü muü̃ma i duü̃ü̃güü̃ narüngü̃ẽẽ.
4. Rü Tupanaarü Ore nüü̃ niu na taũtáma tioeẽgüü̃ rü maü̃ i taguma gúü̃ tüü̃ nangẽmaü̃ tá
Nhaãtüwa cudawenü i Tupanaarü unetagü, ngeü̃rüüü̃ i cucaꞌ meẽtchi niĩ? Tüꞌcüü̃ ngẽmaü̃ quideetchi?
Naugütae wüitchigü i wetchicurugü na naweꞌ i Tupanaarü unetagü. Yicama pegümaã pideagü ngẽmatchiga:
-
Ngẽma Tupanaarü unetagü rü tüna nanaã i taãẽ taꞌacü nagu curüĩnü? Eꞌna ngẽma unetagü rü tá wüi duü̃ü̃ cupatacü̃ãꞌü̃ urü cumücüü̃ narüngü̃ẽẽ?
Meã nagu curüĩnü na cumaü̃ i meẽtchiü̃ i Naanewa:
|
TAꞌACÜ TÁ TAMA CUMAÃ NGUPETÜÜ̃? |
TAꞌACÜ TÁ CUMAÃ NGUPETÜÜ̃? |
|---|---|
|
|
|
|
|
|
|
|
|
|
5. Rü Tupanaarü unetagü cuü̃ narüngü̃ẽẽ tá
Nhuꞌma guü̃ma i Naanewa muü̃ma i gutchaü̃gü nangẽmaü̃. Nhaãcü duü̃ü̃güü̃ nangetchaü̃güe urü nananuẽẽ erü ngẽma gutchaü̃gü tama nanameẽẽ. Notürü nüü̃ cudau nhuãcü i Tupanaarü unetagü i duü̃ü̃güü̃ narüngü̃ẽẽ. Nüü̃ cudau i VÍDEO. Yicama pegümaã pideagü ngẽmatchiga:
-
Vídeowa i taꞌacümaã Rafika naoégaãẽ?
-
Rafika tümaarü oégaãẽ taũta naguꞌ rü notürü nhuãcü i Tupanaarü Ore Rafikaü̃ narüngü̃ẽẽ?
Ngẽguma i gutchaü̃gü tamaã nangupetügu rü Tupanaarü unetagü toü̃ naporaẽẽ. Nawa naugütae Provérbios 17:22 rü Romacü̃ãꞌ 12:12. Yicama pegümaã pideagü ngẽmatchiga:
-
Cucaꞌ rüeꞌna ngẽma Tupanaarü unetagü rü cuü̃ tá narüngü̃ẽẽ? Tüꞌcüü̃ i nagu curüĩnü i ngẽma?
NÜMAÜ̃ DUÜ̃Ü̃GÜ NÜÜ̃ NIU: “Eꞌna ngẽma Tupanaarü unetagü rü aicuma yiĩü̃.”
-
Tüꞌcüü̃ nameü̃ na nüü̃ cucuaꞌ i aicuma i ngẽmatchiga?
TAꞌACÜ MARÜ NÜÜ̃ CUCUAꞌ?
Rü Tupanaarü unetagü tüna nanaã i taãẽ. Ngẽguma i gutchaü̃gü tüü̃ ngupetügügu ngẽma unetagü tüü̃ narüngü̃ẽẽ tá.
Ngeü̃rüüü̃ i curü ngãü̃?
-
Tüꞌcüü̃ i duü̃ü̃gü nanawaꞌegüü̃ i meü̃ i unetagü?
-
Ngeü̃rüüü̃ Tupanaarü unetagü i wipeꞌewa ngupetüü̃?
-
Nhuãcü i Tupanaarü unetagü cuü̃ narüngü̃ẽẽü̃ tá?
YEERA NACAꞌ NADAU
Nataãẽ i Tupanaarü unetagümaã.
“Rü Tupanaarü unetagü — Ngeta nacaꞌ cudau?” (Despertai!, 22 abriuarü 2004gu)
Nüü̃ nadau nhuãcü i Tupanaarü unetagü i duü̃ü̃güü̃ narüngü̃ẽẽ ngẽguma daꞌawegü nüü̃ nangẽmagügu.
“Tchi quidaꞌawegu rü nhuãcü i Tupanaarü Ore cuü̃ narüngü̃ẽẽü̃ tá?” (Artchigu nawa: jw.org)
Ngẽguma nüü̃ cudaugu i ngẽma vídeoarü wiyae nagu curüĩnü na cuma rü cupatacü̃ãꞌmaã i meẽtchi i Naanewa namaẽ.
Nawa naugütae i wüi ya yatütchiga ga naü̃pa naẽü̃gü rü naanearü poü̃wa puracücü. Nhuãcü norü maü̃ natoraü̃ yicama naca nanguꞌ i Tupanaarü unetagütchiga.
“Rü tama tchanawaꞌe rü naaneü̃ natoraẽẽ.” (A Sentinela, 1 yuliuarü 2013gu)
