NGÚERUÜ̃ 03

Na nüü̃́ cuyaõü̃ eꞌna i Tupanaarü Ore?

NAPAÜ

Rü Tupanaarü Ore namaã nanguꞌẽẽtae i ngẽma taꞌacü meü̃ ngupetüü̃ tá rü ta nangẽma i meü̃ ucuẽꞌgü. Bemana nüü̃ cucuaꞌtchaü̃ i ngẽma taꞌacütchiga na Tupanaarü Ore yadeaü̃ notürü ngürüü̃tchi cugüãẽwa cugüna cuca: Ngẽma popera nũcümaü̃tchi naümatü, rü eꞌna norü ucuẽꞌgügu tchayaõü̃? Rü eꞌna norü nguꞌẽẽtaegü rü tchoü̃ narüngü̃ẽẽ na tchataãẽü̃caꞌ rü nhuꞌma i wipeꞌewa? Muü̃tchima i duü̃ü̃gü rü Tupanaarü Oregu nayaõgü. Cuma rü tá nagu cuyaõ?

1. Rü eꞌna i taꞌacü Tupanaarü Ore nüü̃ niu rü marü nangupetü?

Rü yema yatügü ümatüü̃ ga Tupanaarü Ore rü naweꞌguü̃. (Eclesiastés 12:10) Rü Tupanaarü Ore nüü̃ niu taꞌacü marü ngupetü rü ta muü̃tchi ga duü̃ü̃güarü oretchiga na aicuma niĩ. (Nawa naugütae Luca 1:3, 4 rü 3:1, 2.) Rü nhuꞌma yatügü nũcüma i orearü ümatüü̃rüü̃ rü arqueólogogü rü norü nguꞌgü nanaweꞌ na taꞌacü Tupanaarü Ore nüü̃ iu rü aicuma niĩ natchiga datas, rü duü̃ü̃gü rü natchica.

2. Woo na Tupanaarü Ore nũcümaü̃ yiĩü̃ rü tüꞌcüü̃ nagu tayaõgü?

Woo na Tupanaarü Ore nũcüma naümatü rü guü̃guma nüü̃ yauü̃ i taꞌacütchiga i nangupetügü i wipeꞌewa. Cuaꞌãtchiruü̃ ngẽguma nüü̃ yaugu i ciênciatchiga. Yeguma nüü̃ yaugu i ngẽmatchiga rü duü̃ü̃gü rü tama nagu nayaõgü. Notürü nhuꞌma i ciência nanaweꞌ na Tupanaarü Ore aicuma niĩ. Ngẽmacaꞌ i Salmowa nüü̃ niu na Tupanaarü Ore rü taguma inayarüoü̃ rü guü̃guma aicumaü̃ naweꞌgu. — Salmo 111:8.

3. Tüꞌcüü̃ i nagu tayaõgü i profeciagü?

Rü nangẽma i profeciagü marü nangupetü rü togü nayanguẽẽ tá. (Isaías 46:10) a (Nüü̃ nadau i nhatügu wüü̃.) Rü poperagüarü orewa nanaweꞌ na muü̃ma ngẽma profeciagü marü nangupetü. Rü nũcüma ümatüü̃ ga Tupanaarü Ore ga taꞌacü nhuꞌma nangupetüü̃tchiga. Ngẽma ngúeruü̃wa nüü̃ cucuaꞌü̃ tá ngẽma profeciagütchiga. Rü ngẽmamaã cubaiãtchiãẽ tá!

YEERA NÜÜ̃ CUCUAꞌ

Nüü̃ cudau i taꞌacü Tupanaarü Ore nüü̃ yau i ciênciatchiga. Rü cunangugü i profeciagütchiga.

4. Rü ciência na yangicu i taꞌacümaã i Tupanaarü Ore nüü̃ niu

Nũcümaü̃tchima muü̃ma i duü̃ü̃gü nagu narüĩnüẽgü i naeü̃gü na Naaneü̃ iyayauãtchi. Nüü̃ cudau i VÍDEO.

VÍDEO: Rü natauma teé i Naaneü̃ iyauãtchi (1:13)

Nüü̃ cudau i Jóarü poperawa i taꞌacütchiga marü 3.500 taunecü na Moiché naümatüü̃. Nawa naugütae Jó 26:7. Yicama pegümaã pideagü ngẽmatchiga:

Rü Tupanaarü Ore nüü̃ niu natauma teé i Naane iyauãtchi, tüꞌcüü̃ ngẽmamaã nabaiãtchiãẽ?

Rü wigutaaꞌ marü 200 taunecügü duü̃ü̃gü nüü̃ nacuaꞌmare na taꞌacü pucümaã ngupetüü̃. Notürü nüü̃ cudau i taꞌacü Tupanaarü Ore marü nüü̃ yau i ngẽmatchiga Jó 36:27, 28wa: ‘Nüma rü daunawa nanatu i deáarü tchurugü. Rü caianeü̃ rü nügü nanutaqueꞌe ega naputchaü̃gu. Rü nhuꞌmatchi pucü nanaba rü nayawaiẽẽ naanecü̃ãꞌü̃.’ Yicama pegümaã pideagü ngẽmatchiga:

Rü nüü̃ nacuaꞌ natchiga i taꞌacü pucümaã ngupetüü̃ rü tüꞌcüü̃ ngẽmamaã nabaiãtchiãẽ?
Tüꞌcüü̃ ngẽma Tupanaarü Orearü wetchicurugü ãũrima cuyaõü̃?

5. Rü Tupanaarü Ore nüü̃ niu naü̃pa i taꞌacü ngupetü

Nawa naugütae Isaías 44:27–45:2. Yicama pegümaã pideagü ngẽmatchiga:

Rü marü ga 200 taunecügü naü̃pa, taꞌacü i Tupanaarü Ore nüü̃ niu rü ĩãne Babiróniamaã nangupetüü̃?

Nüü̃ cudau i VÍDEO.

VÍDEO: Rü naü̃pa i taꞌacü Tupanaarü Ore nüü̃ niu rü ĩãne Babiróniamaã nangupetüü̃ (0:58)

Rü orearü poperagüwa nanaweꞌ na Chíru ga Pérchiaanecü̃ãꞌarü ãẽꞌgacü norü tchuraragümaã ga ĩãne Babiróniaü̃ narüporamaegü rü 539 taunecügü naü̃pa ya Cristu. Rü nümagü natüarü deá inarüĩ ga ĩãne ínanapoü̃. Rü nitchocu ga ĩãnegu yerü norü ĩã tama narüwãta rü ngẽmacaꞌ nüü̃ natautcha ga ĩãne Babiróniaü̃ narüporamaegüü̃. Nhuꞌma rü 2.500 taunecügüwena rü ĩãne Babirónia marü natauma. Nüü̃ cudau i taꞌacü Tupanaarü Ore yau.

Nawa naugütae Isaías 13:19, 20. Yicama pegümaã pideagü ngẽmatchiga:

Nhuãcü i ngẽma profecia nayanguẽẽ?

Rü ĩãne Babirónia marü natauma na nhuꞌma Iraque niĩ

6. Rü Tupanaarü Ore marü nanaweꞌ i taꞌacü i nhuꞌma ngupetütchiga

Rü Tupanaarü Ore tüü̃ nanaweꞌ na nhuãcü namaẽ i duü̃ü̃gü “nagútchaü̃gu i naane”. (2 Timúteu 3:1) Nüü̃ cudau i taꞌacü Tupanaarü Ore yau ngẽma nguneü̃gütchiga:

Nawa naugütae Mateu 24:6, 7. Yicama pegümaã pideagü ngẽmatchiga:

Ngẽguma nagútchaü̃gu i naane i Tupanaarü Ore nüü̃ niu taꞌacü ngupetüü̃ tá?

Nawa naugütae 2 Timúteu 3:1-5. Yicama pegümaã pideagü ngẽmatchiga:

Ngẽguma nagútchaü̃gu i Naane i nhuãcü tá i duü̃ü̃gücümagü?
Ngeü̃rüüü̃ i ngẽma nüü̃ cudau i marü ngupetüü̃?

NÜMAÜ̃ DUÜ̃Ü̃GÜ NÜÜ̃ NIU: “Rü Tupanaarü Ore wüi popera i nũcümaü̃ü̃ i ore iumareü̃ niĩ.”

Taꞌacügu curüĩnü? Tüꞌcüü̃ nagu cuyaõ i Tupanaarü Ore?

TAꞌACÜ MARÜ NÜÜ̃ CUCUAꞌ?

Rü Ore i ciência rü profeciagü nanaweꞌ na nagu cuyaõü̃ i Tupanaarü Ore.

Ngeü̃rüüü̃ i curü ngãü̃?

Taꞌacü Tupanaarü Ore nüü̃ niu eꞌna marü nangupetüü̃?
Rü ciência yangicu i taꞌacümaã i Tupanaarü Ore nüü̃ niu, ngeü̃rüüü̃ niĩ cuaꞌruü̃gü?
Rü Tupanaarü Ore nüü̃ niu i taꞌacü ngupetüü̃ wipeꞌewa ngẽmagu cuyaõ? Rü Tüꞌcüü̃?

Nhaa ngúeruü̃ rü nagu niguꞌ nguneü̃́:

Ngẽma naü

Curü õ naporaü̃caꞌ rü naugütae i poperagü urü nüü̃ cudau i vídeo.

Rü to:

Ngema nawa nangutchaü̃ü̃