Nhuãcü tá i nhaa popera cuü̃ narüngü̃ẽẽ?
Nanguꞌ Yeuwaarü Orearü Uruü̃tawa: Rü nacaꞌ inaca na Tupanaarü Ore cunguꞌü̃caꞌ naü̃tawa ngẽma duü̃ü̃ i nhaa popera cuna ãü̃ urü nacaꞌ inaca torü sitewa jw.org.
NÜÍRA ÜYE
Nawa naugütae i wüitchigü i natchimaü̃ i cagü (A). Nawa naugütae i wetchicurugü nhaü̃ nacüwawa “nawa naugütae”. Rü ta name na nawa cuugütae i wetchicurugü i naweꞌü̃ i ĩnügü i meẽtchigüü̃ (B).
NORÜ TARE ÜYE
Guü̃guma ga taꞌacü nüü̃ cucuaꞌ nguꞌẽẽruü̃wa (C) rü tá nüü̃ cuyangau ngeta nhaü̃wa “Yeera Nüü̃ Cucuaꞌ?”. Rü numerugü (D) nanaweꞌ i ĩnügü i meẽtchigüü̃. Rü Tupanaarü Orewa naugütae rü nüü̃ cuyangaü̃tchigüü̃caꞌ i ngãü̃gü rü nüü̃ cudau i vídeogü (E).
Rü nüü̃ cudau i natchicünaꞌãgü rü taꞌacü i ngẽma naümatüü̃ (F), rü ta nagu curü ĩnü i taꞌacüwa quidea ngẽma üye “Nümaü̃́ Duü̃ü̃gü Nüü̃ Niu” (G).
NORÜ TAMAEPÜꞌ ÜYE
Ngẽguma naguꞌgu ngẽma nawa cunguꞌü̃ rü nüü̃ cuyangau tá ngẽma nhaãcü ümatüü̃ “Taꞌacü Marü Nüü̃ Cucuaꞌ” rü ta “Ngeü̃rüüü̃ i Curü Ngãü̃?” (H). Naümatü i nguneü̃ nagu yaguꞌ i ngẽma nawa cunguꞌ rü “Ngẽma naü” (I) nhaü̃wa ngẽma taꞌacü tá cuüü̃. Ngeta nhaü̃wa “Yeera Nacaꞌ Nadau” (J) rü nangẽma ta yeera natchigagü na nüü̃ cucuaꞌü̃caꞌ.
Nhuãcü tá namaã curü ũü̃ i namatügü i Tupanaarü Orewa ngẽmagüü̃?
Naéga i popera muãtüü̃ i nacaꞌ cudau ta Tupanaarü Oregu (A). Yicama capituru (B) i nacaꞌ cudau ta rü wetchicuru urü wetchicurugü (C) i nawa ta cuugütae. Cuaꞌãtchiruü̃, Juã́ũ 17:3 rü naégaü̃ Juã́ũarü popera, capituru 17, wetchicuru 3.
