NGÚERUÜ̃ 01

Nhuãcü i Tupanaarü Ore cuü̃ narüngü̃ẽẽ tá?

NAPAÜ

Muü̃ma duü̃ü̃gü nagu narüĩnüẽ i ngẽma cagü: Tüꞌcüü̃ tioeẽgü? Tüꞌcüü̃ i duü̃ü̃gü nayue? Rü nhuãcü tá meã nüna tadaugu i tümapatacü̃ãꞌgü? Rü nhuãcü tá aicuma nataãẽgüü̃? Muü̃ma i duü̃ü̃gü marü nüü̃ nayangau i Tupanaarü Oregu i norü ngãü̃gü i ngẽma cagü. Na cuma rü tüü̃ cucuaꞌü̃ ya teé ya Tupanaarü Ore tchi tüü̃ rüngü̃ẽẽ?

1. Ngeü̃rüüü̃ niĩ ngẽma cagü i Tupanaarü Ore ngãü̃?

Rü Tupanaarü Ore nanangãü̃, cuaꞌãtchiruü̃: Nhuãcü nori naü i maü̃? Tüꞌcüü̃ tamaẽ? Tüꞌcüü̃ tioeẽgü? Tüꞌcüü̃ i duü̃ü̃gü nayugü? Rü tchi duü̃ü̃gü nanawaꞌegu meã nügümaã namaẽ, notürü tüꞌcüü̃ nügü nadaigü? Taꞌacü i Naanemaã nangupetüü̃ tá? Muü̃ma i duü̃ü̃gü marü Tupanaarü Oregu nüü̃ nayangaugü i norü ngãü̃gü i ngẽma cagü.

2. Nhuãcü i Tupanaarü Ore tüü̃ narüngü̃ẽẽ yeera nataãẽ wüitchigü i nguneü̃gu?

Rü Tupanaarü Orewa meü̃ i ucuꞌẽgü nangẽmaü̃. Cuaꞌãtchiruü̃gü, rü natanüü̃güü̃ narüngü̃ẽẽ na nataãẽgüü̃, ngẽguma tanaĩꞌãtchiãẽgu tüü̃ narüngü̃ẽẽ, na taãẽgü torü puracü üü̃caꞌ rü toü̃ narüngü̃ẽẽ. Nhaa popera tá cuü̃ narüngü̃ẽẽ nüü̃ nayangau Tupanaarü Oregu i norü ngãü̃gü i ngẽma cagü rü ta togütchiga. Nhaãcü tá nüü̃ cucuaꞌ na guü̃ma i Tupanaarü Orearü nguꞌẽẽtae rü nameẽtchima. — 2 Timúteu 3:16.

Nhaa popera tama Tupanaarü Orerüü̃ iĩü̃ notürü cuü̃ narüngü̃ẽẽ tá meã nüü̃ cucuaꞌ i Tupanaarü Oretchiga. Cugü naporaẽẽ i Tupanaarü Orewa i wetchicurugü cuugütaeü̃caꞌ rü cunangugü i taꞌacü nüü̃ cucuaꞌ rü Tupanaarü Oremaã.

YEERA NÜÜ̃ CUCUAꞌ

Nüü̃ nadau na nhuãcü i Tupanaarü Ore muü̃ma marü duü̃ü̃güü̃ narüngü̃ẽẽ, tüꞌcüü̃ name niĩ Tupanaarü Oreü̃ cuugütae rü ta tüꞌcüü̃ name na togüarü rüngü̃ẽẽ cuyau na meã nüü̃ cucuaꞌü̃caꞌ i Tupanaarü Ore.

3. Tupanaarü Ore toü̃ nibaimaü̃

Rü Tupanaarü Ore rü nhama lanternarüü̃ niĩ. Rü toü̃ nibaimaü̃ rü tüü̃ narüngü̃ẽẽ na meã torü maü̃wa nüü̃ iuneta. Rü ta toü̃ nanguꞌẽẽ i taꞌacü wipeꞌewa nangupetüü̃.

Nawa naugütae Salmo 119:105. Yicama pegümaã pideagü ngẽmatchiga:

Rü yatü naümatüü̃ ngẽma Salmo, rü taꞌacü nagu rüĩnü i Tupanaarü Oretchiga?
Taꞌacü nagu curüĩnü i Tupanaarü Oretchiga?

4. Torü cagü i Tupanaarü Ore nanangãü̃

Muü̃ taunecügügu wüie nguꞌẽẽtaeruü̃ muü̃ cagü nayema, nhuũtchi nüü̃ cudau nhuãcü nüü̃ iyangau Tupanaarü Orewa i cagüarü ngãü̃gü. Nüü̃ cudau i VÍDEO. Yicama pegümaã pideagü ngẽmatchiga.

VÍDEO: Rü ngãü̃gü Tupanaarü Orewa nüü̃ itchayangau! (1:48)

Rü vídeogu, taꞌacü niĩ cagü ya nguꞌẽẽtaeruü̃ nayema?
Nhuãcü i Tupanaarü Orearü nguꞌ rü ngĩü̃ narüngü̃ẽẽ?

Rü Tupanaarü Ore toü̃́ nanangútchaẽẽ rü nacaꞌ tadau i ngãü̃gü torü cagüü̃caꞌ. Nawa naugütae Mateu 7:7. Yicama pegümaã pideagü ngẽmatchiga:

Taꞌacü niĩ i cagü na nüü̃ cucuaꞌtchaü̃ na Tupanaarü Ore cuü̃ nangãü̃?

5. Cuü̃ tá name i Tupanaarü Ore cuugütae

Muü̃tchi duü̃ü̃güü̃ name na Tupanaarü Orewa naugütae erü nüü̃ narüngü̃ẽẽ i nataãẽü̃caꞌ. Nüü̃ cudau i VÍDEO. Yicama pegümaã pideagü ngẽmatchiga.

VÍDEO: Naugütae i Tupanaarü Ore (2:05)

Tüꞌcüü̃ i ngetüꞌüü̃gü rü pacügü tama nüü̃ name i ugütae?
Notürü tüꞌcüü̃ ngetüꞌüü̃güü̃ rü pacügüü̃ nameẽtchi na Tupanaarü Orewa naugütae?

Rü Tupanaarü Ore tüü̃ nataãẽẽẽ rü tüü̃ nüü̃ nacuaꞌẽẽü̃caꞌ i Tupanaarü unetagü. Nawa naugütae Romacü̃ãꞌ 15:4. Yicama pegümaã pideagü ngẽmatchiga:

Rü yeera nüü̃ cucuaꞌtchaü̃ natchiga Tupanaarü unetagü wipeꞌewa naüü̃ nataãẽü̃ tá?

6. Rü name na togü tüü̃ rüngü̃ẽẽ na meã nüü̃ icuaꞌü̃caꞌ i Tupanaarü Oretchiga

Muü̃tchi duü̃ü̃gü nanawaꞌe nüíca i Tupanaarü Ore naugütae notürü togü i duü̃ü̃gü nanawaꞌegü na togüarü rüngü̃ẽẽ nayau na ngẽmaãcü na meã nüü̃ nacuaꞌgüü̃caꞌ i Tupanaarü Ore. Nawa naugütae Puracügü 8:26-31. Yicama pegümaã pideagü ngẽmatchiga:

Nhuãcü tá nüü̃ nacuaꞌ i Tupanaarü Ore? (Nüü̃ nadau i wetchicurugü 30, 31.)

Rü Piripi ga yatü ga Tupanaarü Oretchiga nananguꞌẽẽ. Nhuꞌma togüü̃caꞌ name niĩ na to duü̃ü̃ i Tupanaarü Oretchiga nüü̃ nanguꞌẽẽ.

NÜMAÜ̃ DUÜ̃Ü̃GÜ NÜÜ̃ NIU: “Rü tama name na Tupanaarü Orewa inguꞌ.”

Notürü i cuma? Rü tüꞌcüü̃?

TAꞌACÜ MARÜ NÜÜ̃ CUCUAꞌ?

Rü Tupanaarü Ore meã ucuꞌẽgü tüna naã i namaẽü̃caꞌ wüitchigü i nguneü̃gu rü tüü̃ nataãẽẽẽ rü tüü̃ nananguꞌẽẽ i Tupanaarü unetagütchiga rü ta torü cagü nanangãü̃.