NGÚERUÜ̃ 04

Teé niĩ ya Tupana?

NAPAÜ

Teé niĩ ya Tupana?

Nũcüma duü̃ü̃gü tupanagüü̃ nicuaꞌüüü̃gü notürü i Tupanaarü Ore nüü̃ niu na nangẽmaü̃ i Tupana i guü̃ma i ngẽma tupanagüétüwa ngẽmacü. (2 Crônicas 2:5) Rü teé niĩ i nüma? Tüꞌcüü̃ i Tupanaarü Ore nüü̃ niu na nüma rü guü̃maétüwa nangẽmaü̃? Ngẽma Tupana nanawaꞌe na nüü̃ cucuaꞌü̃. Ngĩã nüü̃ tacuaꞌgü i ngẽmatchiga nhaa ngúeruü̃wa.

1. Taꞌacü niĩ i Tupanaéga? Yeuwa nanawaꞌe na duü̃ü̃gü nüü̃ nacuaꞌü̃ i naéga, nhuãcü nüü̃ tacuaꞌ i ngẽma?

Rü Tupanaarü Ore nüü̃ niu na teé yiĩ ya Tupana, nhanagürü: “Rü tchama rü Yeuwa tchiĩ. Tchauéga rü ngẽma niĩ.” (Nawa naugütae Isaías 42:5, 8.) Rü duü̃ü̃gü na Tupanaarü Orearü nguꞌwaꞌeü̃gü, meã nüü̃ nacuaꞌü̃ ngẽma Yeuwaéga na nhaü̃tchiga “rü nüma ningu rü naü i ngẽma Nüma nanawaꞌeü̃ rü ngẽma nüü̃ niuü̃”. (Êxodo 3:15) Yeuwa nanawaꞌe na duü̃ü̃gü nüü̃ nacuaꞌü̃ i naéga, nhuãcü nüü̃ tacuaꞌ i ngẽma? Erü ngẽma naéga 7 mil-arü yeera norü orewa nangoꞌ. a Rü dauü̃wa rü nhama i naanewa ngẽma naéga Yeuwa rü Tupanaicatama nüü̃ nangẽma. — Deuteronômio 4:39.

2. Taꞌacü i Tupanaarü Ore Yeuwatchiga yau?

Rü duü̃ü̃gü muü̃ma tupanagüü̃ nicuaꞌüüü̃gü notürü i Tupanaarü Ore nüü̃ niu na Yeuwaicatama aicuma Tupana iĩcü. Tüꞌcüü̃ i Tupanaarü Ore nüü̃ niu i ngẽma? Erü ‘nüicatama yiĩü̃ i guãétüwa nangẽmaü̃ i nhama i naanewa’. (Nawa naugütae Salmos 83:18.) Rü nüma rü Guü̃arü Yeera Poracü niĩ ngẽmacaꞌ naü i ngẽma nüma nanawaꞌeü̃. Nüma nanaü i guü̃ma i dauü̃wa rü nhama i Naanewa ngẽmaü̃. (Apocaríchiu 4:8, 11) Yeuwaicatama niĩ guü̃gutáma ngẽmaetchacü. — Salmos 90:2.

YEERA NÜÜ̃ CUCUAꞌ

Nüü̃ nacuaꞌ na nhuãcü niĩ natoraü̃ ya Tupanaéga rü nagu nacaꞌü̃ nangẽmaü̃. Nüü̃ cudau i nhuãcü Tupana na cuü̃ nanguꞌẽẽü̃caꞌ i naégatchiga. Tüꞌcüü̃ nanaü i ngẽma?

3. Tupana muãcü nüü̃ tacaꞌ notürü naéga rü wüitama niĩ

Wüi duü̃ü̃ muü̃gu tanacaꞌ notürü nawüiégatama. Tüꞌcüü̃ nanatoraü̃ i ngẽma? Nüü̃ cucuaꞌü̃caꞌ i ngẽmatchiga, nüü̃ cudau i VÍDEO. Yicama pegümaã pideagü ngẽmatchiga:

VÍDEO: Tupana muü̃gu tanacaꞌ notürü naéga rü wüitama niĩ (0:41)

Tüꞌcüü̃ ngẽma “Cori” nhaü̃ rü naégaü̃ nanatoraü̃?

Rü Tupanaarü Ore nüü̃ niu na duü̃ü̃gü muü̃ma corigüü̃ rü tupanagüü̃ nicuaꞌüüü̃gü. Nawa naugütae Salmos 136:1-3. Yicama pegümaã pideagü ngẽmatchiga:

Teé niĩ yíma Tupana ya “guü̃ma i tupananetagüétüwa ngẽmacü” rü ta “guü̃ma i corigüarü ãẽꞌgacü iĩcü”?

4. Yeuwa nanawaꞌe na nüü̃ cucuaꞌ rü ta naéga quidea

Yeuwa nanawaꞌe na nüü̃ cucuaꞌ i naéga. Rü tüꞌcüü̃ nüü̃ tacuaꞌ i ngẽma? Nüü̃ cudau i VÍDEO. Yicama pegümaã pideagü ngẽmatchiga:

VÍDEO: Naãégaü̃ ya Tupana? — Natchipeꞌe (3:11)

Yeuwa nanawaꞌe na düü̃ü̃gü nüü̃ nacuaꞌ i naéga. Taꞌacü ngẽmatchigagu curüĩnü?

Yeuwa nanawaꞌe na düü̃ü̃gü naéga yadeagü. Nawa naugütae Romacü̃ãꞌ 10:13. Yicama pegümaã pideagü ngẽmatchiga:

Tüꞌcüü̃ narümemaẽ na nüü̃ iu na Tupanaéga Yeuwa yiĩü̃?
Taꞌacü nagu curüĩnü ngẽguma wüi duü̃ü̃ tama cuégaü̃ narüngümagu?
Cucaꞌ, taꞌacügu Yeuwa narüĩnü ngẽguma cuma rü naéga quiugu?

5. Yeuwa nanawaꞌe na nüna cungaicama

Nüü̃ nadau i ngeü̃arü ore rü ngĩéga Soten na Cambojacü̃ãꞌ. Ngĩma nüü̃ iu ngẽguma nacaꞌ tanguꞌgu i Tupanaéga rü taꞌacü niĩ Tupanaéga rü nügütchiga nananguꞌẽẽ, ngĩgürü “ãũrima tchataãẽ”. Nüü̃ cudau i VÍDEO. Yicama pegümaã pideagü ngẽmatchiga:

VÍDEO: Rü nacaꞌ tchadau ga Tupana aicumacü (8:18)

Yicama na nüü̃ icuaꞌ i Tupanaéga, nhuãcü ngĩrü maü̃ natoraü̃?

Na wüi duü̃ü̃ tamücügüü̃caꞌ, rü tanawaꞌe nüü̃ tacuaꞌ i naéga. Nawa naugütae Tiagu 4:8a. Yicama pegümaã pideagü ngẽmatchiga:

Taꞌacü wetchicuruwa Yeuwa cucaꞌ niu?
Rü nüü̃ nacuaꞌ i Tupanaéga rü ta ngẽma naéga niu, nhuãcü tá cuü̃ narüngü̃ẽẽ i Tupanana cungaicamaü̃?

NÜMAÜ̃ DUÜ̃Ü̃GÜ NÜÜ̃ NIU: “Rü Tupana wüitama niĩ. Rü nhuꞌmatchi tama cunawaꞌe na naéga quidea.”

Rü cuyaõ na Tupanaéga rü Yeuwa yiĩü̃?
Yeuwa nanawaꞌe na duü̃ü̃gü naéga yadeagü. Nhuãcü wüi duü̃ü̃maã meã nüü̃ quiuü̃ i ngẽmatchiga?

TAꞌACÜ MARÜ NÜÜ̃ CUCUAꞌ?

Nangẽma wüitama ya Tupana aicumacü rü naéga rü Yeuwa niĩ. Rü nüma nanawaꞌe na nüna cungaicama. Ngẽmacaꞌ nameẽtchima meã nüü̃ cucuaꞌ i naéga rü ta natchiga quideaü̃.