NGÚERUÜ̃ 05
Rü Bíblia tüna wüi i Tupanaarü Ore niĩ
Yeuwa tüna nanaã i Bíblia rü nhama wüi ãmarerüü̃ nameẽtchima niĩ. Rü nawa 66 poperagü nangẽma. Notürü bemana cuãẽwa cugüna naca: Ngetá ne naũ i Bíblia? Teéarü ĩnügü niĩ Bíbliawa ngẽmagüü̃? Rü nüü̃ tacuaꞌgüü̃caꞌ ngẽma cagüarü ngãü̃, ngĩã nüü̃ tadawenü nhuãcü i Bíblia tüü̃ ínangu.
1. Tchi yatügü naümatügügu i Bíblia, tüꞌcüü̃ nüü̃ tiugü na Tupanaarü Ore niĩ?
Rü 1600 taunecügügu, rü Tupana rü 40 ga yatügüü̃ nideetchi na ngẽma Bíblia naümatügüü̃caꞌ, rü ngẽma inaügüü̃ 1513gu naü̃pa ya Cristu rü nhumatáta 98gu nawena ya Cristu. Yema ga yatügü ga ümatügüruü̃ rü puracügü natoraü̃ü̃ nayema, rü cuaꞌruü̃ rü carneruarü daruü̃gü rü pütchaetanüü̃ rü ãẽꞌgacügü rü toomatchigü. Woo i ngẽma rü nümagü wüigu nagu narüĩnüẽ. Tüꞌcüü̃ i ngẽma? Erü ngẽma ore Tupanawa ne naũ. (Nawa naugütae 1 Techarónicacü̃ãꞌ 2:13.) Rü nümagü tama nanawügüü̃ i Bíbliawa norü ĩnügü, “notürü yeguma yema oreü̃ yaugügügu, rü Naãẽ i Üüneü̃ niĩ ga yadeagüẽẽü̃”. a (2 Pedru 1:21) Rü naãẽ i üüneü̃maã ga Tupana ga yatügüãü̃́ nanangútchaü̃ẽẽ na norü ĩnügü nanawügüü̃caꞌ. — 2 Timúteu 3:16.
2. Teécaꞌ i Tupana nanaü i Bíblia?
Rü Tupana i duü̃ü̃güna nanaü i Bíblia, rü ‘guü̃ i natchiü̃ãnecü̃ãꞌgü rü nagúü̃raü̃ü̃ i duü̃ü̃gü rü guü̃ma i duü̃ü̃gü i nagúü̃raü̃ü̃ i nagawa ideagüü̃’. (Nawa naugütae Apocaríchiu 14:6.) Ngẽmacaꞌ i Tupanaarü Ore muü̃ma nagawa nangẽma. Rü ngẽmaãcü guü̃ma i natchicawa i duü̃ü̃gü nagawatama i naugütae rü deagü i megüü̃ i Tupanawa ne iĩü̃.
3. Nhuãcü na Yeuwa nüü̃ ínapoü̃ i Bíblia?
Rü muü̃ma gutchaü̃gü nangupetüü̃ na Bíblia tüü̃ ínanguü̃caꞌ. Notürü Yeuwa i Bíbliaü̃ ínanapoü̃. Rü nori ga Bíblia naümatüü̃ ga papirugügu rü nutagügu i natchaꞌmügügu. Notürü ngẽmagü paa inarütauẽẽgü. Nhuꞌmatchi nhuãcü i Bíblia tüü̃ ínangu? Erü yatügü na Bíbliaü̃ nangetchaü̃gütchire rü togügu nayawügütchigü ga Tupanaarü Ore. Notürü yatügüü̃ nangẽma ga pora ga nanawaꞌe ga Bíblia nanadai. Yemacaꞌ muü̃tchi meü̃ duü̃ü̃gü ga nügü naporaẽẽ na Bíbliaü̃ ínanapoü̃ü̃caꞌ. Rü ngẽgumarüü̃ Isaías 40:8wa nüü̃ niu: “Ngẽma Tupanaarü Ore rü taguma inayarüo rü guü̃gutáma nangemaetcha.” — Isaías 40:8.
YEERA NÜÜ̃ CUCUAꞌ
Nhuãcü ya Tupana yatügüãü̃́ nanangútchaü̃ẽẽ na nanawügüü̃caꞌ i Bíblia. Rü nhuãcü nüü̃ ínapoü̃ rü ta i taꞌacü nüma naüü̃ na guü̃ma i duü̃ü̃güü̃caꞌ i norü ore naugütaegü.
4. Rü teéarü ĩnügü niĩ Bíbliawa ngẽmagüü̃?
Nüü̃ cudau i VÍDEO. Nawa naugütae 2 Timúteu 3:16. Yicama pegümaã pideagü ngẽmatchiga.
-
Tchi yatügü naümatügügu i Bíblia, tüꞌcüü̃ nüü̃ tiugü na Tupanaarü Ore niĩ?
-
Rü Tupana ga naãẽ i üüneü̃maã rü yatügüü̃́ nanangútchaü̃ẽẽ na norü ore naümatügüü̃caꞌ, rü ngẽmagu cuyaõ?
Wüi puracücü nawüü̃ wüi popera notürü ngẽma popera i norü cori niĩ ngẽgumarüü̃ ga yatügü Bíbliaü̃ nawügüü̃, ngẽmacaꞌ nawa ore Tupanawa ne naũ.
5. Rü muü̃ma gutchaü̃gü nangupetüü̃ na Bíblia tüü̃ ínanguü̃caꞌ
Rü Bíblia rü Tupanaarü Ore niĩ ngẽmacaꞌ guü̃guma nüma rü nüü̃ ínapoü̃. Rü orearü poperagü rü nanaweꞌ na yatügüü̃ nangẽma ga pora ga nanawaꞌe ga Bíblia nanadai. Rü ta ãẽꞌgacü yaõgüü̃ nanatchuꞌu ga duü̃ü̃gü na Tupanaarü Oreü̃ naugütae. Notürü muü̃ma duü̃ü̃gü ga nayugü na Tupanaarü Oreü̃ ínapoü̃güü̃caꞌ. Ngĩã nüü̃ tacuaꞌ wüi yatütchiga na naüü̃ i ngẽma. Nüü̃ cudau i VÍDEO. Yicama pegümaã pideagü ngẽmatchiga:
-
Nhuꞌma na vídeowa nüü̃ cudau na muü̃ma duü̃ü̃gü ga Tupanaarü Oreü̃ ínapoü̃, ngẽma cuü̃́ nanangútchaü̃ẽẽ na yeera cuugütaetchaü̃ü̃caꞌ i Tupanaarü Ore? Rü tüꞌcüü̃?
Nawa naugütae Salmos 119:97. Yicama pegümaã pideagü ngẽmatchiga:
-
Woo na uwanügü ga poraãcü naweꞌ yangẽü̃tanüü̃ ga yema duü̃ü̃gü, tüꞌcüü̃ yema duü̃ü̃gü nanawaꞌe ga Bíblia to i nagawa naümatügü rü ta nayanu?
6. Wüi popera guü̃ma i duü̃ü̃gücaꞌ
Guü̃ma i naanewa natauma i to popera i Tupanaarü Orerüü̃ iĩü̃. Muü̃ma i nagawa nangẽma i Tupanaarü Ore marü naümatüü̃ rü nayanu. Nawa naugütae Puracügü 10:34, 35. Yicama pegümaã pideagü ngẽmatchiga:
-
Tüꞌcüü̃ niĩ i Tupanaarü ngútchaü̃ na norü ore rü togüü̃caꞌ i nagawa naümatügü rü ta nayanu?
-
Guü̃ma na nüü̃ cucuaꞌ i Bíbliatchiga, rü taꞌacü yeera cuü̃ name?
Wigutaaꞌ
100%
duü̃ü̃güü̃ i guü̃ i naanewa,
rü nagawa i Bíbliaü̃ naugütae
Rü guü̃ma i Bíblia urü natchipeꞌe rü yeera
3 mil
nagawa
nüü̃ nangẽma
5 bilhões
Ngẽma niĩ wigutaaꞌ i numeru na Bíbliaü̃ marü nayautchipeta,
rü ngẽma yeera na togü i poperagü
NÜMAÜ̃ DUÜ̃Ü̃GÜ NÜÜ̃ NIU: “Rü Tupanaarü Ore wüi poperamare i nũcümaü̃ü̃ niĩ.”
-
Taꞌacügu curüĩnü i ngẽmatchiga?
-
Nhuãcü tá nüü̃ tacuaꞌgü na Bíbliaü̃ rü Tupanaarü Ore niĩ?
TAꞌACÜ MARÜ NÜÜ̃ CUCUAꞌ?
Rü Bíblia niĩ Tupanaarü Oreü̃, rü nüma meã ínameẽẽ i Bíblia na guü̃ma i duü̃ü̃güü̃ nangẽmagüü̃caꞌ.
Ngeü̃rüüü̃ i curü ngãü̃?
-
Ngẽguma i Bíblia nüü̃ niugu na Tupana ya yatügüü̃́ nanangútchaü̃ẽẽ ya norü orecaꞌ naümatüü̃, rü taꞌacü niĩ nhaü̃tchiga?
-
Rü muü̃ma gutchaü̃gü nangupetüü̃ na Bíblia tüü̃ ínanguü̃caꞌ, taꞌacügu curüĩnü i ngẽmatchiga?
-
Rü Tupana meãma ínameẽẽ i Bíblia na nüü̃ cungẽmaü̃caꞌ, taꞌacügu curüĩnü i ngẽmatchiga?
YEERA NACAꞌ NADAU
Naugütae i Bíbliaarü oretchiga, rü noricürüwa naümatüü̃ nhuꞌmatáta i nhuꞌma.
Muü̃ma gutchaü̃gü nangupetüü̃ na Bíblia tüü̃ ínanguü̃caꞌ. Nüü̃ cudau i tamaẽꞌpüꞌ.
Nüü̃ cudau muü̃ ãũcümaü̃ na duü̃ü̃gümaã ga ngupetüü̃ rü ega i Bíblia togüü̃caꞌ i nagagü naümatügügu.
Rü duü̃ü̃gü ga Bíblia mueꞌpüꞌcüna togüü̃caꞌ ga nagagü naümatügüü̃ rü ta to naátügügu nayawügütchigü. Nhuãcü nüü̃ cucuaꞌ na norü ore tama nanatoraü̃ẽẽ?
a Ngúeruü̃ 7wa rü nüü̃ tacuaꞌgü na naãẽ i üüneü̃ niĩ i Tupanaarü pora. Rü ngẽma poramaã norü ngútchaü̃ naüü̃.
