NGÚERUÜ̃ 06
Nhuãcü nori naü i maü̃?
Rü Tupanaarü Ore nüü̃ niu na ‘Tupanawa nangẽma i maü̃’. (Salmos 36:9) Rü ngẽmagu cuyaõ? Muü̃ma duü̃ü̃gü tama nayaõgü na Tupana nanaü ga guü̃ma ngẽmaü̃. Rü ngẽma aicuma niĩ? Eꞌna i maü̃ ngẽmaicatama niĩ: Rü duü̃ü̃ nabu, rü nayaẽẽ rü yicama nayu? Notürü tchi Yeuwa nanaügu i maü̃ nhuꞌmatchi tüꞌcüü̃ nanaü i ngẽma? a Ngĩã nüü̃ tadau i taꞌacü Tupanaarü Ore tacaꞌ nanguꞌẽẽ natchiga nhuãcü nori naü i maü̃. Rü tüꞌcüü̃ ngẽmagu tayaõgü.
1. Nhuãcü nori naü i guü̃ma taꞌacü Naanewa ngẽmaü̃?
Rü muü̃tchi cientistagü nanayaõ na guü̃ma taꞌacü Naanewa ngẽmaü̃ rü wüi nori nangẽmaü̃. Rü ngẽma niĩ taꞌacü Tupanaarü Ore nüü̃ niu: “Noriarü ügügu rü Tupana nanaü i guü̃ma i dauü̃wa ngẽmaü̃ rü nhaa naane.” (Gênesis 1:1, 2) Notürü nhuãcü nori naü i guü̃ma taꞌacü Naanewa ngẽmaü̃? Rü Tupana norü poramaã urü naãẽ i üüneü̃maã nanaü i guü̃ma taꞌacü Naanewa ngẽmaü̃. Wüi cuaꞌãtchiruü̃ rü galáxia rü woramacuri rü ẽtagü rü woramucuri i taü̃ i üaꞌcüü̃ íyaüeguü̃.
2. Tüꞌcüü̃ Tupana nanaü i nhama i Naane?
Yeuwa nanaü i Naane rü “duü̃ü̃güna nanaã i nhama i naane”. (Salmos 115:16) Notürü tüꞌcüü̃ Tupana nanaü i nhama i Naane? Erü nanawaꞌe na duü̃ü̃güü̃ rü guü̃gutáma nhama i Naanewa meã namaẽ rü nataãẽẽẽ. (Nawa naugütae Isaías 40:28 rü Puracügü 17:24, 25.) Rü cientistagü rü nüü̃ nacuaꞌ na nhama i Naane na meẽtchima niĩ. Rü nhama i Naane togüarü planetagü natoraü̃ niĩ. Rü nawa nangẽma guü̃ma i taꞌacü inawaꞌeü̃ i maẽü̃caꞌ.
3. Tüꞌcüü̃ i duü̃ü̃gü natoraü̃ naeü̃gü niĩ?
Rü yicama na Yeuwa nanaü i nhama i Naane rü nanaü nanetügü rü naeü̃gü rü werigü. “Rü yemaacü Tupana rü nügüraü̃ãcü nanaü ga duü̃.” (Nawa naugütae Gênesis 1:27.) Tüꞌcüü̃ i duü̃ü̃gü yeera nameẽtchigüü̃? Erü Tupana rü nügüraü̃ãcü nanaü i duü̃ü̃gü. Rü ngẽmaãcü Tupanarüü̃ meã namaẽü̃, cuaꞌãtchiruü̃ nangetchaü̃waꞌeü̃ rü taꞌacü weꞌguü̃ naü. Tupana tüna nanaã i cuaꞌ, ngẽmagagu nüü̃ tacuaꞌgü muü̃ma nagagü, rü ta tüü̃ name i wiyae rü arte. Rü duü̃ü̃gü natoraü̃ naeü̃gü erü Tupanaü̃ nicuaꞌüü̃.
YEERA NÜÜ̃ CUCUAꞌ
Ngĩã nüü̃ tacuaꞌ: (1) Taꞌacü tüü̃ nanaweꞌ na maü̃ü̃ nangẽma norü üruü̃? (2) Taꞌacü Tupanaarü Ore nüü̃ niu natchiga nhuãcü ga nhama i Naane naüü̃, eꞌna ngẽma aicuma niĩ? (3) Taꞌacü i duü̃ü̃gücüma rü tacaꞌ nanguꞌẽẽ i Tupanatchiga?
4. Rü maü̃ nangẽma norü üruü̃
Rü duü̃ü̃gü rü togüü̃ nicuaꞌüü̃gü ngẽguma nanaügu i ngẽmaü̃gü ngẽgumarüü̃ i naanewa ngẽmaü̃. Nhuꞌmatchi, yimá na guü̃ma i naanewa naüü̃ rü yeera nüü̃ na ticuaꞌüü̃güü̃, taꞌacügu curüĩnü? Nüü̃ cudau i VÍDEO. Yicama pegümaã pideagü ngẽmatchiga:
-
Ngeü̃rüüü̃ niĩ ngẽmaü̃gü na duü̃ü̃güü̃ naügüü̃ ngẽgumarüü̃ naanewa ngẽmaü̃?
Guü̃nema ya ĩ rü nüü̃́ nangẽma i norü üruü̃. Nhuꞌmatchi guü̃ma i taꞌacü i naanewa ngẽmaü̃ rü teé nanaü? Nawa naugütae Ebréugü 3:4. Yicama pegümaã pideagü ngẽmatchiga:
-
Guü̃ma i naanewa ngẽmagüü̃ rü meãma naü. Ngeü̃rüüü̃ cuü̃ meü̃ i ngẽmaü̃ i nhama i Naanewa?
-
Guü̃ma i taꞌacü Naanewa ngẽmaü̃, ngẽmagagu cuyaõ nangẽmaü̃ norü üruü̃? Tüꞌcüü̃?
Marü nüü̃ cucuaꞌ i ngẽma?
Naugütae to artchigugü rü nüü̃ nadau i vídeogü ngẽmawa natchipeꞌegü “Nangẽma ya naücü?” rü togu “Rü nüü̃ niu natchiga nhuãcü nori naü i maü̃” nawa jw.org.
“Rü guü̃nema ya ĩ rü nüü̃́ nangẽma i norü üruü̃. Notürü guü̃ma i taꞌacü i ngẽmaü̃, rü Tupana niĩ ya naücü.”
5. Taꞌacü i Bíblia nüü̃ niu natchiga nhuãcü ga nhama i Naane naüü̃, eꞌna ngẽma aicuma niĩ?
Rü Gênesis capituru 1wa, rü Bíblia tüü̃ nanguꞌẽẽ natchiga nhuãcü nori naü i guü̃ma taꞌacü i nhama i Naanewa ngẽmaü̃. Cuyaõ taꞌacü ngẽma yau? Urü guü̃ma ngẽma yau rü dora niĩ? Nüü̃ cudau i VÍDEO. Yicama pegümaã pideagü ngẽmatchiga:
-
Eꞌna i Bíblia nananguꞌẽẽ na nhama i Naane rü naü 6 nguneü̃gu i 24 ngoraã?
-
Rü Bíblia meã namaã nüü̃ niu natchiga nhuãcü i nhama i Naane ga naüü̃, taꞌacü nagu curüĩnü i ngẽmatchiga? Tüꞌcüü̃?
Nawa naugütae Gênesis 1:1. Yicama pegümaã pideagü ngẽmatchiga:
-
Rü muü̃tchi cientistagü nanayaõ na guü̃ma taꞌacü Naanewa ngẽmaü̃ rü wüi nori nangẽmaü̃. Nhuãcü i ngẽma nawa yangicu i taꞌacümaã i Bíbliawa cuugütaeü̃?
Nümaü̃ duü̃ü̃gü nagu narüĩnü na Tupana i evoluçãogagu nanaü i maü̃. Nawa naugütae Gênesis 1:21, 25, 27. Yicama pegümaã pideagü ngẽmatchiga:
-
Eꞌna i Bíblia nananguꞌẽẽ na Tupana i evoluçãogagu nanaü i tchonigü rü werigü rü to naeü̃gü rü duü̃ü̃gü? Rü eꞌna nüma nanaü guü̃ma na maü̃ nangẽma yangicu i natücumügümaã “naguü̃raü̃ü̃” (urü espécies)? b
6. Rü Tupana meãma nanaü i duü̃ü̃gü
Yeuwa yiema nanaü tama nawüigu naeü̃gü. Nawa naugütae Gênesis 1:26. Yicama pegümaã pideagü ngẽmatchiga:
-
Rü Tupana rü nügüraü̃ãcü nanaü ga duü̃ü̃ ngẽmacaꞌ nüü̃ tanaweꞌü̃ ngetchaü̃ rü tüü̃́ nangetchaü̃tümüü̃gü. Taꞌacü i ngẽma nananguꞌẽẽ i Yeuwaarü nacümatchiga?
NÜMAÜ̃ DUÜ̃Ü̃GÜ NÜÜ̃ NIU: “Rü taꞌacü i Bíblia nüü̃ niu natchiga nhuãcü nhama i Naane ga naüü̃ nidora niĩ, rü oreicatama niĩ.”
-
Rü taꞌacü nagu curüĩnü? Rü tüꞌcüü̃?
TAꞌACÜ MARÜ NÜÜ̃ CUCUAꞌ?
Yeuwa nanaü guü̃ma taꞌacü Naanewa ngẽmaü̃ rü guü̃ma na maü̃ nangẽma.
Ngeü̃rüüü̃ i curü ngãü̃?
-
Taꞌacü i Bíblia tüü̃ nanguꞌẽẽ natchiga nhuãcü nori naü i guü̃ma taꞌacü Naanewa ngẽmaü̃?
-
Eꞌna Tupana rü evoluçãogagu nanaü guü̃ma na maü̃ nangẽma yangicu i natücumügümaã naguü̃raü̃ü̃? Rüeꞌna nüma nanaü guü̃ma?
-
Tüꞌcüü̃ i duü̃ü̃gü yeera nameẽtchigüü̃?
YEERA NACAꞌ NADAU
Guü̃ma na nhama i Naanewa ngẽmaü̃ rü tüü̃ nanaweꞌ na nangẽma ya Naücü.
“Guü̃ma taꞌacü nhama i Naanewa ngẽmaü̃, taꞌacü tüü̃ nanguꞌẽẽ?” (Despertai!, tchetẽbru 2006gu)
Nüü̃ nadau pa papagü rü pa mamagü na nhuãcü meã namaã piuü̃ i buü̃gü natchiga na nhuãcü ga nhama i Naane naü.
Na nüü̃́ cuyaõü̃ eꞌna i evolução rü criação?
“Eꞌna Tupana rü evoluçãogagu nanaü guü̃ma na maü̃ nangẽma?” (Artchigu nawa: jw.org)
Taꞌacü i cientistagü nüü̃ yaugüü̃ natchiga i evolução, ngẽma aicuma niĩ? Nüü̃ nadau ngẽmatchiga i poperawa.
Nhuãcü nori naü i maü̃? — Nüü̃ nadau norü ngãü̃gü i ngẽma wüimeꞌpüꞌ cagüü̃caꞌ (popera noreátü)
a Ngúeruü̃ 25wa nüü̃ tadau rü tüꞌcüü̃ i duü̃ü̃gü naü a Tupana.
b Rü Bíbliawa rü dea “naguü̃raü̃ü̃” niĩ rü taü̃ natücumü i naeü̃gü rü nanetügü.
