NGÚERUÜ̃ 07

Yeera nüü̃ nacuaꞌ ya Yeuwa

NAPAÜ

Nhuãcü nagu curüĩnü na Yeuwa niĩ? Cucaꞌ, Yeuwa rü tama wüi duü̃ü̃ niĩ? Urü nüma wüi pora niĩ rü nhama yaduruaneü̃rüü̃ iĩü̃? Muü̃ma i duü̃ü̃gügu narüĩnü na nüma rü naporaü̃tchi rü ngẽmagagu nüü̃ nagutchaü̃tchi na nüna nangaicama ya Yeuwa, ngẽgumarüü̃ i ẽtagüna nangaicama, notürü taꞌacügu curüĩnü? Teé niĩ aicuma ya Yeuwa? Rü Tupanaarü Ore tüü̃ nanguꞌẽẽ i Tupanacüma rü ta na tüü̃ nangetchaü̃.

1. Tüꞌcüü̃ tama nüü̃ tadau ya Tupana?

Rü Tupanaarü Ore nüü̃ niu Juã́ũ 4:24wa: “Erü Tupana rü wüi i Naãẽ niĩ.” Rü Yeuwaü̃ne rü tama nhama duü̃ü̃güü̃nemaã nawüigu. Tauü̃ma duü̃ü̃ Tupanaü̃ tadau erü naãẽ niĩ rü nhuꞌmatchi dauü̃wa namaü̃.

2. Ngeü̃rüüü̃ i nacüma Yeuwaü̃ ngẽmaü̃?

Rü yiema tama nüü̃ tadau i Tupana. Notürü ngẽguma yeera nüü̃ tacuaꞌgügu i natchiga, rü yeera nüü̃ tayaõgü na aicumaü̃ ngẽmaü̃, rü na nacümagü meü̃ nüü̃ ngẽmaü̃. Rü Tupanaarü Ore nüü̃ niu “erü nüma ya Cori ya Tupana rü aicuma meã tüü̃ nangugü rü ngẽmacaꞌ taguma tüü̃ ínataꞌ ya yíema aicuma nawe rüĩe”. (Salmos 37:28) Rü ta “Tupana rü namecümaü̃tchi rü poraãcü nüü̃́ tangetchaü̃tümüü̃gü”. Rü ngẽmacaꞌ i duü̃ü̃gü na nioeẽgüü̃tchi rü nüü̃ narüngü̃ẽẽ. (Tiagu 5:11) ‘Yeuwa ya Tupana rü ínamemare na tüü̃ nangü̃ẽẽü̃ ya yíema tügücaꞌ iyarütauee. Rü tüü̃ namaẽẽ ya yíema tümaarü tchieü̃caꞌ tügümaã ngetchaü̃güe.’ (Salmos 34:18) Cuma rü marü nagu curüĩnü i ngẽmatchiga? Taꞌacü tá iügüü̃, rü taꞌacü Yeuwa nagu narüĩnü i ngẽmatchiga? Ngẽguma wüi duü̃ü̃ i tchieü̃ naügu, rü nüma ya Yeuwa poraãcümaã nangetchaü̃. (Salmos 78:40, 41) Notürü ngẽguma wüi duü̃ü̃ i taꞌacü i weꞌguü̃ naügu, nüma ya Tupana rü nataãẽ. — Nawa naugütae Provérbios 27:11.

3. Nhuãcü Yeuwa nanaweꞌ na tüü̃ nangetchaü̃?

Rü Tupanaarü Ore nüü̃ niu Yeuwa ngetchaü̃waꞌecü. (1 Juã́ũ 4:8) Rü ngẽma nacüma yeera nameẽtchi. Rü nüü̃ tacuaꞌgü norü ngetchaü̃tchiga rü norü Orewa, rü ta nüü̃ tadaugü ngẽma guü̃wa taꞌacü nüma naüü̃. (Nawa naugütae Puracügü 14:17.) Nhuãcü nüma nanaü i yiema? Rü cuaꞌãtchiruü̃, rü meã nüü̃ tadau i cores, rü nüü̃ taĩnü wiyaegü meẽtchigüü̃ rü ta tatchibüe meü̃ õnagü. Yeuwa nanawaꞌe na tataãẽü̃tchi.

YEERA NÜÜ̃ CUCUAꞌ

Nüü̃ nadau i nhuãcü Yeuwa nanaü ngẽmaü̃gü nameẽtchima. Rü ta nhuãcü Yeuwa tüü̃ nanaweꞌ i nacümagü.

4. Rü naãẽ i üüneü̃ i Tupanaarü pora niĩ

Rü tameꞌẽmaã tapuracüe. Rü Yeuwa, i taꞌacümaã napuracü? Rü naãẽ i üüneü̃maã. Nümaü̃ i duü̃ü̃gügu narüĩnü na naãẽ i üüneü̃ü̃ wüi Tupana niĩ. Notürü i Tupanaarü Ore nüü̃ niu na naãẽ i üüneü̃ü̃ i Tupanaarü pora niĩ. Rü ngẽma poramaã Tupana naü guü̃ma taꞌacü nanawaꞌe. Nawa naugütae Luca 11:13 rü Puracügü 2:17. Yicama pegümaã pideagü ngẽmatchiga:

Rü wetchicurugü nanaweꞌ na Tupana nuã nanamu i naãẽ i üüneü̃ nüna nacaꞌ ícagü. Nhuꞌmatchi curü ĩnüwa, ngẽma naãẽ i üüneü̃ rü wüi Tupana niĩ urü Tupanaarü pora niĩ? Tüꞌcüü̃ ngẽmagu curüĩnü?

Yeuwa i naãẽ i üüneü̃maã nanaü ngẽmaü̃gü i meẽtchigü. Nawa naugütae Salmos 33:6 rü 2 Pedru 1:20, 21. Yicama pegümaã pideagü ngẽmatchiga:

Taꞌacü Yeuwa marü naãẽ i üüneü̃maã naüü̃?

5. Nacüma ya Yeuwa nameẽtchi

Moĩché rü marü iaicumacü ga Tupanawe narüũ. Notürü nanawaꞌeama yeera natchigaü̃ nacuaꞌü̃. Ngẽmacaꞌ nüma ga Moĩché rü Yeuwaü̃ nhanagürü: “Rü tchoü̃ nüü̃ nacuaꞌẽẽ i ngẽma nagu curüĩnüü̃, na ngẽmaãcü cuü̃́ tchayaõü̃caꞌ.” (Êxodo 33:13) Nhuꞌmatchi nüma ya Yeuwa rü nacümatchiga ga Moĩchémaã niu. Nawa naugütae Êxodo 34:4-6. Yicama pegümaã pideagü ngẽmatchiga:

Taꞌacü Moĩché ga Yeuwatchigaü̃ nacuaꞌ?
Ngeü̃rüüü̃ nacüma ya Yeuwa cuü̃ meü̃?

6. Yeuwaü̃ natchuꞌu i duü̃ü̃gü

Nũcümaü̃gü ga hebréugü ga Tupanaarü duü̃ü̃gü iĩgü. Rü nümagü rü poraãcü ga Eyítuãnewa napuracüe. Yeguma ga Yeuwa nüü̃ nadaugu ga norü duü̃ü̃gü poraãcü ngúü̃ yangegüü̃, taꞌacü ga Yeuwa nagu narüĩnü? Rü nüü̃ iĩnütchicü i ÁUDIO i cuugütaegu i wetchicuruwa, urü nataumagu i áudio rü naugütae Êxodo 3:1, 2, 4-10wa curü Bíblia. Yicama pegümaã pideagü ngẽmatchiga:

ÁUDIO: Yeuwa rü norü duü̃ü̃gücaꞌ naoégaãẽ (2:45)

Ngẽguma nüü̃ nadaugu i duü̃ü̃gü nioeẽgü, rü taꞌacü Yeuwa nagu narüĩnü? (Nüü̃ cudau i wetchicurugü 7, 8.)
Eꞌna Yeuwa aicuma nanawaꞌe i duü̃ü̃gü narüngü̃ẽẽ? Taꞌacügu curüĩnü? Nüma nangẽma pora i düü̃ü̃güü̃caꞌ narüngü̃ẽẽ? Tüꞌcüü̃ ngẽmagu curüĩnü?

7. Guü̃ i taꞌacü nhama i Naanewa ngẽmaü̃ rü tüü̃ nanguꞌẽẽ Yeuwatchiga

Ngẽguma nüü̃ daugu i taꞌacü Yeuwa üü̃ rü nüü̃ tacuaꞌgü i nacümagütchiga. Nüü̃ cudau i VÍDEO. Nawa naugütae Romacü̃ãꞌ 1:20. Yicama pegümaã pideagü ngẽmatchiga: