Yeuwa nanawaꞌe na namücü quiĩü̃. Ngẽmacaꞌ nananguꞌẽẽ i nacümagütchiga, rü taꞌacü nanawaꞌeü̃ rü taꞌacü wipeꞌewa naüü̃. Na nüü̃́ cuyaõü̃ eꞌna Yeuwamücü quiĩ? (Nawa naugütae Salmos 25:14) Notürü i taꞌacü tá inawaꞌe i cuüü̃? Rü Tupanaarü Ore ngẽma cagü nanangãü̃ rü nanaweꞌ tüꞌcüü̃ yeera nameẽtchi na Yeuwamaã i ãmücü.

1. Taꞌacü Yeuwa nanawaꞌeü̃ na cuü?

Rü Tupanaarü Ore tüü̃ nacaꞌ nanguꞌẽẽ: “Tupanana pengaicamagü! Rü nüma rü tá ta pena nangaicama.” (Tiagu 4:8) Yeuwa nanawaꞌe na namücü quiĩü̃. Notürü tauma duü̃ü̃ Tupanaü̃ nadau. Nhuꞌmatchi i nhuãcü tá cuma Yeuwamücü quiĩ? Rü Tupanaarü Ore tüü̃ nanguꞌẽẽ i ninhuraü̃ ya Tupana. Ngẽmacaꞌ, Tupanana tangaicama. Ngẽguma i Tupanaarü Oreü̃ taugütaegu rü Yeuwamaã torü ãmücü nanaporaẽẽ. Woo tama nüü̃ tadau i nüma.

2. Tüꞌcüü̃ yeera nameẽtchi na Yeuwamücü quiĩ?

Yeuwa cuü̃ nangetchaü̃ü̃tchi rü natauma i to cuü̃ ngetchaü̃ü̃ yeeraãcü. Rü nüma nanawaꞌe na cutaãẽ, rü ngẽguma cunawaꞌegu rü nacaꞌ nüna ícuca norü ngü̃ẽẽ. ‘Rü name niĩ i Tupanameꞌẽgu penaü i guü̃ma i perü oegaãẽgü, erü nüma aicuma pena nadau.’ (1 Pedru 5:7) Guü̃guma Yeuwa namücügüü̃ naĩnü, rü nüü̃ nataãẽẽẽ rü nüü̃ narüngü̃ẽẽ. — Nawa naugütae Salmos 94:18, 19.

3. Taꞌacü Yeuwa nanawaꞌe i namücügü?

Yeuwa guü̃ma duü̃ü̃güü̃ nangetchaü̃ “notürü tüü̃́ nanatautchaẽẽ na namaã taãmücüü̃ ya yíema meü̃gu rüĩnüee”. (Provérbios 3:32) Yeuwa nanawaꞌe na namücügüü̃ i taꞌacü niĩ weꞌguü̃ nanaü, rü taꞌacü tchieü̃ tama nanaü, notürü nüü̃ nacuaꞌ na ngẽma nacaꞌ tama natautcha niĩ. Notürü yíema na Tupanaü̃ nangetchaü̃gü, rü na nügü naporaẽẽ na nüü̃ nataãẽẽẽü̃caꞌ, ngẽmagagu namücügü niĩgü tá. — Salmos 147:11 rü Puracügü 10:34, 35.

 YEERA NÜÜ̃ CUCUAꞌ

4. Rü Yeuwamücü yiĩü̃ ga Abraáũ

Ngẽguma i Tupanaarü Orewa taugütaegu natchiga ya Abraáũ na naü̃pa ta Abráũ niĩ ga naéga. Ngẽma Abraáũarü ore nanaweꞌ i nhuãcü Yeuwamücü yiĩ. Nawa naugütae Abraáũtchiga Gênesis 12:1-4. Yicama pegümaã pideagü ngẽmatchiga:

• Taꞌacü Yeuwa ga Abraáũü̃ namuü̃ nanaüãü̃?

• Taꞌacü Yeuwa ga Abraáũmaã naueguü̃?

• Taꞌacü ga Abraáũ naüü̃?

5. Taꞌacü Yeuwa nawaꞌe i teéarü namücü niĩ?

Rü yiemagü tanawaꞌe na tamücügü tacaꞌ nameü̃ naügüü̃.

• Taꞌacü cuü̃ name na cumücügü cucaꞌ naüü̃?

Nawa naugütae 1 Juã́ũ 5:3. Yicama pegümaã pideagü ngẽmatchiga:

• Taꞌacü Yeuwa inawaꞌeü̃ i namücügüü̃?

Ngẽguma nüü̃ tarüoegu i tacüma i tchieü̃ rü ngẽmaãcü tomagü Yeuwaga taĩnüẽgü. Nawa naugütae Salmos 32:8. Yicama pegümaã pideagü ngẽmatchiga:

• Tüꞌcüü̃ na Yeuwa nanawaꞌe na namücügü rü norü maü̃ nanatoraẽẽ?

 6. Nhuãcü Yeuwa i namücügüü̃ narüngü̃ẽẽ?

 TAꞌACÜ MARÜ NÜÜ̃ CUCUAꞌ?

Yeuwa nanawaꞌe na cuma namücüü̃ quiĩü̃, ngẽmacaꞌ nüma tá cuü̃ narüngü̃ẽẽ na nüna cungaicamaü̃.

Ngeü̃rüüü̃ i curü ngãü̃?

• Nhuãcü Yeuwa i namücügüü̃ narüngü̃ẽẽ?

• Tüꞌcüü̃ na Yeuwa nanawaꞌe na namücügü rü norü maü̃ nanatoraẽẽ?

• Cucaꞌ nagutcha na Yeuwamücü quiĩü̃? Tüꞌcüü̃?