NGÚERUÜ̃ 09

Rü yumüẽ nanaporaẽẽ na Yeuwamaã cuãmücü

NAPAÜ

Rü meã nagu rüĩnü i ngẽmawa cagü: Cuma marü cunawaꞌe na wüi duü̃ü̃ cuü̃ nanaucuꞌẽ? Taꞌacü i maü̃tchiga rü nüü̃ cucuaꞌtchaü̃? Cuma marü cunawaꞌe na wüi duü̃ü̃ rü cuü̃ nataãẽẽẽ? Rü cunawaꞌe Yeuwamücü quiĩ? Yumüẽ guü̃ i ngẽmatchiga rü cuü̃ narüngü̃ẽẽ tá. Notürü nhuãcü tá yumüẽgü? Eꞌna guü̃ma i yumüẽgü naĩnüü̃ ya Tupana? Taꞌacü tá Tupanacaꞌ cuüü̃ na curü yumüẽü̃ naĩnüü̃caꞌ? Ngĩã ngẽma ngúeruü̃wa nüü̃ tacuaꞌgü.

1. Teécaꞌ tá iyumüẽgü rü taꞌacütchiga?

Ngetchutchu tüü̃ nanguꞌẽẽ na Yeuwacaꞌ iyumüẽgü rü yemaãcü nanaü. “Rü ngẽmacaꞌ rü nhaãcü tá peyumüẽgü i pema: ‘Pa Tonatü ya Dauü̃gucü . . .’” (Mateu 6:9) Ngẽguma Yeuwacaꞌ iyumüẽgügu rü yeeraãcütchigü napora na namaã i ãmücü.

Natchiga i guü̃ma i Yeuwamaã tayumüẽgü. Notürü Yeuwa nanangãü̃rica i yumüẽgü na yangicu norü ngútchaü̃maã. “Rü nüma tüü̃ naĩnü i ngẽguma norü ngútchaü̃ yiĩgu i ngẽma nacaꞌ nüna icaꞌü̃.” (1 Juã́ũ 5:14) Ngetchutchu nanaweꞌ i taꞌacütchiga Tupanamaã nüü̃ iuü̃. (Nawa naugütae Mateu 6:9-13.) Tórü yumüẽwa Yeuwamaã tideagü natchiga i ngẽma taꞌacü inawaꞌegü. Notürü tá Yeuwa na nacaꞌ tacagü na togüü̃ narüngü̃ẽẽ. Rü guü̃guma moẽ nüna taãgü.

2. Nhuãcü tá iyumüẽgü?

Rü torü yumüẽwa name na nüü̃ iuü̃ i ngẽma tórü maü̃nemaã ngẽmaü̃. Ngẽmacaꞌ Tupanaarü Ore nhaü̃: “Rü tauü̃́ i nüü̃ pemuü̃eü̃ na perü yumüẽwa namaã nüü̃ peuü̃ i perü gutchaü̃gü!” (Salmos 62:8) Tupana rü nüü̃ naĩnü i tórü yumüẽ na taãẽwa iügüü̃. Rü ta ngẽguma tayumüẽgu tagaãcü ngeü̃rüüü̃mare i ngoragu urü natchicagü rü Yeuwacaꞌ tayumüẽgü. Erü tama nangẽma wüiãcü tayumüẽgü. Rü cuaꞌruü̃gü, rü Tupana rü tüü̃ naĩnü ngẽguma tchiãcü, toãcü rü caãpüꞌü̃ãcü iyumüẽgügu. Nameẽtchi tórü yumüẽwa nüü̃ naweꞌü̃ na nüü̃ ingetchaü̃ ya Yeuwa.

3. Nhuãcü Tupana tórü yumüẽgü nangãü̃?

Nüma rü muü̃ma i nacümaãcü tórü yumüẽü̃ nangãü̃, cuaꞌãtchiruü̃, rü nüü̃ tayangau i Tupanaarü Oregu norü ngãü̃gü i torü cagü. Ngẽguma Tupanaarü Orewa iugütaegügu rü ngẽma tüü̃ nanguꞌẽẽ na tüü̃ nangẽmaü̃ icuaꞌ. (Salmos 19:7 rü nawa naugütae Tiagu 1:5.) Ngẽguma i gutchaü̃gü tüü̃ nangupetügu rü nüma tüü̃ nataãẽẽẽ rü ta norü duü̃ü̃gügagu tüü̃ narüngü̃ẽẽ.

YEERA NÜÜ̃ CUCUAꞌ

Nüü̃ tadaugü taꞌacü tá cuüü̃ i Tupanacaꞌ na cuü̃ nüü̃ naĩnüẽü̃caꞌ. Rü ta nhuãcü tá i yumüẽ cuü̃ narüngü̃ẽẽ.

4. Taꞌacü tá iügüü̃ na Tupana tórü yumüẽgü naĩnüü̃caꞌ?

Taꞌacü name niĩ iügüü̃ na Tupana tórü yumüẽgü naĩnüü̃caꞌ? Nüü̃ cudau i VÍDEO.

VÍDEO: Eꞌna guü̃ma i yumüẽgü naĩnüü̃ ya Tupana? — Natchipeꞌe (2:42)

Yeuwa nanawaꞌe na duü̃ü̃gü nacaꞌ nayumüẽgü. Nawa naugütae Salmos 65:2. Yicama pegümaã pideagü ngẽmatchiga:

Tupana ‘nüü̃ naĩnü i torü yumüẽgü’, eꞌna Tupana curü yumüẽgü naĩnütchaü̃? Taꞌacü nagu curüĩnü i ngẽmatchiga? Rü tüꞌcüü̃?

Ngẽguma Tupanaga taĩnügüẽgügu torü maü̃wa rü nüma torü yumüẽgüü̃ naĩnü. Nawa naugütae Miquéias 3:4 rü 1 Pedru 3:12. Yicama pegümaã pideagü ngẽmatchiga:

Nhuãcü nüü̃ tacuaꞌ na Yeuwa tá torü yumüẽgüü̃ naĩnü?

Rü tchuraragü i Tupanana ínacagü nüü̃ narüngü̃ẽẽcaꞌ nanadaiẽẽ norü uwanügü. Togü tchuraragü narüü̃ marü nanayumüẽgü. Eꞌna Tupana naĩnü ngẽma nayumüẽgü?

5. Rü name na tórü yumüẽgu nüü̃ iu i ngẽma maü̃newa ngẽmaü̃

Muü̃ma i duü̃ü̃gü rü duẽẽgüü̃ nacaꞌ nanguꞌẽẽ wüitamaü̃ iugüetchaü̃ i tümaarü yumüẽwa. Eꞌna Tupana nanawaꞌeü̃ i ngẽma? Nawa naugütae Mateu 6:7. Yicama pegümaã pideagü ngẽmatchiga:

Taꞌacü tá cuüü̃ na tama cuyumüẽgu ngẽicatama quiuetchaü̃caꞌ?

Guü̃ i nguneü̃gu Yeuwana moẽ cuã i wüi ngü̃ẽẽü̃caꞌ na cuna nanaã. Ngẽma cuü i wüitchigü i nguneü̃gu yüügu na ngẽmaãcü nüü̃ quiuü̃caꞌ i curü yumüẽwa sete ngẽmaü̃gü i toraü̃gü, rü taũtáma wüirica quiuetcha.

Wüi papaü̃ name ngẽguma nane nüü̃ yaugu i taꞌacü norü maü̃newa ngẽmaü̃. Rü Yeuwa nanawaꞌe na ngẽmarüü̃ iügüü̃.

6. Yumüẽ rü tüü̃ wüi ãmare niĩ

Ngẽguma tüü̃ ngúü̃ nangupetügu, nhuãcü tá yumüẽgü tüü̃ naporaẽẽ? Nüü̃ cudau i VÍDEO.

VÍDEO: Rü yumüẽgü tüü̃ narüngü̃ẽẽ ngẽguma ngúü̃ tüü̃ nangupetügu (1:32)

Rü Tupanaarü Ore nüü̃ niu na yumüẽ tüü̃ nataãẽẽẽ. Nawa naugütae Piripucü̃ãꞌ 4:6, 7. Yicama pegümaã pideagü ngẽmatchiga:

Rü yumüẽ tama naguꞌẽẽ tá tórü gutchaü̃gü notürü nhuãcü tá tüü̃ narüngü̃ẽẽ?
Taꞌacütchiga i yumüẽgu quideatchaü̃?

Marü nüü̃ cucuaꞌ i ngẽma?

Rü ngẽma dea “amém” rü nhaü̃tchiga niĩ “rü ngẽmaãcü yiĩ”. Rü Tupanaarü Ore marü nanaweꞌ na duü̃ü̃güü̃ niu ngẽma dea i yumüẽarü gúgu. — 1 Crônicas 16:36.

7. Rü name niĩ guü̃guma cuyumüẽẽẽ

Nhuguãcü ngẽguma i tapuracüü̃tchigu na nüü̃ itarüngüma i tayumüẽẽẽ. Rü nayumüẽẽẽ ga Ngetchutchu, eꞌna ngẽma nacaꞌ nameẽtchi niĩ? Nawa naugütae Mateu 14:23 rü Marcu 1:35. Yicama pegümaã pideagü ngẽmatchiga: