NGÚERUÜ̃ 10

Nhuãcü i Yeuwaarü Orearü Uruü̃güarü ngutaqueꞌegü cuü̃ narüngü̃ẽẽ?

NAPAÜ

Cuma rü marü Yeuwaarü Orearü Uruü̃güarü ngutaqueꞌewa cuũ? Rü bemana taũta, rü nagu curüĩnü i ngẽma cagü: Taꞌacü nangupetüü̃ i ngẽma ngutaqueꞌewa? Tüꞌcüü̃ nameẽtchi i ngutaqueꞌe? Tüꞌcüü̃ name niĩ ngẽma ngutaqueꞌewa tchaũ? Nhaa ngúeruü̃wa nanaweꞌ tá na nhuãcü ngutaqueꞌe cuü̃ narüngü̃ẽẽ na Tupanana cungaicamaü̃ i curü maü̃wa.

1. Tüꞌcüü̃ i Yeuwaarü Orearü Uruü̃gü nangutaqueꞌegü?

Rü Tupanaarü Ore nüü̃ niu: “Guü̃ i duü̃ü̃güpeꞌewa tá cuü̃ tchicuaꞌüü̃.” (Salmos 26:12) Nangutaqueꞌegü na ngẽmaãcü Yeuwaü̃ nicuaꞌüü̃güü̃caꞌ. Guü̃ma i naanewa, rü guü̃ ya yüügu i Yeuwaarü Orearü Uruü̃gü nangutaqueꞌegü na Yeuwaü̃ nicuaꞌüüü̃gü rü nayumüẽgü rü nawiyaegü. Rü taunecügu nangẽma i ngutaqueꞌegü ãũ. Rü Yeuwaarü Orearü Uruü̃gü nüü̃ nameẽtchi na ngutaqueꞌegüwa naĩü̃.

2. Rü taꞌacü tá nacaꞌ cunguꞌ i tórü ngutaqueꞌegüwa?

Rü ngutaqueꞌegüwa nacaꞌ tanguꞌ i Tupanaarü Oretchiga. Ngẽmagu meãma “duü̃ü̃gümaã nanangoꞌẽẽ ga yema ore na nüü̃ nacuaꞌgüü̃caꞌ na taꞌacütchiga yiĩü̃”. (Nawa naugütae Neemias 8:8.) Rü ngẽma nüü̃ cucuaꞌü̃ tá natchiga ya Yeuwa rü nacümatchiga, rü ngẽmaãcü tá Yeuwamücü quiĩ. Rü nawa nüü̃ cucuaꞌü̃ tá na nhuãcü aicuma cutaãẽ. — Isaías 48:17, 18.

3. Tüꞌcüü̃ nameü̃ na nüü̃ icuaꞌü̃ i togü i duü̃ü̃gü i ngutaqueꞌegüwa?

Yeuwa tüü̃ niu ‘rü name niĩ i guü̃guma nacaꞌ pedaugü na nhuãcü wüitchigü pegü rüngü̃ẽẽgüü̃ na yeeraãcü pegü pengetchaü̃güü̃caꞌ rü meü̃ peügüü̃caꞌ. Rü name niĩ i guü̃guma perü ngutaqueꞌegüwa na ípengugüüü̃’. (Ebréugü 10:24, 25) Ngẽma ngutaqueꞌewa nüü̃ cuyangau tá i duü̃ü̃gü na nügü narüngü̃ẽẽgü. Rü nügümaã nüü̃ niu i taꞌacü nüü̃ nacuaꞌü̃ i Tupanaarü Oretchiga. (Nawa naugütae Romacü̃ãꞌ 1:11, 12.) Erü curüü̃ nüü̃ tacuaꞌtchaü̃ i Tupanatchiga. Rü woo gutchaü̃gü tüü̃ nangẽma rü tataãẽama. Ngẽmacaꞌ Yeuwa tüü̃́ nanangutchaü̃ẽẽ na ngutaqueꞌewa iĩü̃!

YEERA NÜÜ̃ CUCUAꞌ

Nüü̃ nacuaꞌ taꞌacü ngupetüü̃ i Yeuwaarü Orearü Uruü̃güarü ngutaqueꞌewa rü tüꞌcüü̃ poraãcü nameẽtchi na ngutaqueꞌewa iĩü̃.

4. Nüü̃ nacuaꞌ i Yeuwaarü Orearü Uruü̃güarü ngutaqueꞌegü

Nũcümaü̃ü̃ ga Ngetchutchuarü ngúeü̃gü rü nangutaqueꞌegü na Yeuwaü̃ nicuaꞌüü̃güü̃caꞌ. (Romacü̃ãꞌ 16:3-5) Nawa naugütae Corochacü̃ãꞌ 3:16. Yicama pegümaã pideagü ngẽmatchiga:

Nhuãcü ga Ngetchutchuarü ngúeü̃gü Yeuwaü̃ yacuaꞌüüü̃gü?

Nhuꞌma i Yeuwaarü Orearü Uruü̃gü rü guü̃guma nangutaqueꞌegü na Tupanaü̃ nicuaꞌüü̃güü̃caꞌ. Rü nüü̃ nacuaꞌü̃ na nhuãcü yiĩü̃ i ngẽma i ngutaqueꞌe. Nüü̃ cudau i VÍDEO. Nüü̃ nadau i ngutaqueꞌearü natchicünaꞌã, yicama pegümaã pideagü ngẽmatchiga:

VÍDEO: Taꞌacü ngutaqueꞌetchicawa ngupetüü̃? (2:12)

Vídeowa marü nüü̃ cudau taꞌacü Yeuwaarü Orearü Uruü̃güarü ngutaqueꞌetchicawa ngupetü. Taꞌacü nangupetü i ngutaqueꞌetchicawa Corochacü̃ãꞌ 3:16 na nüü̃ yauü̃rüü̃?
Vídeowa urü natchicünaꞌãwa nüü̃ nadau, taꞌacü ngutaqueꞌe- tchicawa cuü̃ meü̃?

Nawa naugütae 2 Corĩ́tiucü̃ãꞌ 9:7. Yicama pegümaã pideagü ngẽmatchiga:

Tüꞌcüü̃ i Yeuwaarü Orearü Uruü̃gü tama nacaꞌ ínaca dĩẽru norü ngutaqueꞌegüwa?

Nüü̃ nadau curü nguꞌẽẽruü̃maã i ngutaqueꞌetchigapane na nüü̃ cuaꞌü̃caꞌ taꞌacü ngutaqueꞌewa ngupetü.

Taꞌacü ngutaqueꞌewa cuü̃ meü̃?

Marü nüü̃ cucuaꞌ i ngẽma?

Tórü sitewa, nüü̃ cuyangau i ngutaqueꞌegüarü ngora, rü natchica na guü̃ma i naanewa naüpetü.

Rü ngutaqueꞌegüwa nüü̃ tadaugü i ore rü weꞌãtchi rü vídeogü. Rü ngutaqueꞌegü rü naügü rü niguꞌ rü wiyaemaã rü yumüẽmaã.
Rü nümaü̃tchigü i ngutaqueꞌegüarü natchipeꞌewa taunagü teé nawaꞌe na tidea.
Nawa marü na meã ítangugüü̃ ya ngetüꞌüü̃gü, rü pae, rü yatügü, rü ngeegü, rü yae rü buü̃gü.
Rü ngutaqueꞌegüwa tama dĩẽrucaꞌ ínacagü.

5. Rü cugü naporaẽẽ na ngutaqueꞌewa cuũ

Rü nüü̃ cudau cuaꞌruü̃ ga Ngetchutchuarü natanüü̃. Rü nanatü rü nae rü bucü ga taunecügü Jerucharéü̃wa taĩĩü̃ wüi ngutaqueꞌe nameẽtchimacaꞌ. Rü ngẽma nagutcha, yerü itaĩ ga tamaeꞌpüꞌ nguneü̃gu urü 100 quirúmetru, rü guü̃ma natchica maꞌpü̃́ne. Nawa naugütae Luca 2:39-42. Yicama pegümaã pideagü ngẽmatchiga:

Cucaꞌ rü Ngetchutchuarü natanüü̃ rü ngẽma ngutaqueꞌeü̃caꞌ taĩgü, rü ngẽma natautcha?
Tüꞌcüü̃ nameü̃ na pora cugüna cuã na ngutaqueꞌewa cuũcaꞌ?
Tüꞌcüü̃ cucaꞌ nameẽtchi i ngẽma?

Rü Tupanaarü Ore nüü̃ niu name na togümaã ngutaqueꞌegü na Yeuwaü̃ icuaꞌüü̃güü̃caꞌ. Nawa naugütae Ebréugü 10:24, 25. Yicama pegümaã pideagü ngẽmatchiga:

Tüꞌcüü̃ guü̃gu ngutaqueꞌewa iĩü̃?

NÜMAÜ̃ DUÜ̃Ü̃GÜ NÜÜ̃ NIU: “Rü tama cunawaꞌe ngutaqueꞌewa cuũ na Tupanaü̃ cucuaꞌü̃caꞌ, notürü ngẽguma Tupanaü̃ cucuaꞌtchaü̃gu rü cupatawa i Tupanaarü Ore cuugütae.”

Ngeü̃rüüü̃ i wetchicuru urü cuaꞌruü̃ i Tupanaarü Orewa ngẽmaü̃ tüü̃ naweꞌü̃ taꞌacü yiĩü̃ Tupanaarü ĩnügü?

TAꞌACÜ MARÜ NÜÜ̃ CUCUAꞌ?

Rü ngutaqueꞌegüwa nüü̃ cucuaꞌü̃ tá Yeuwatchiga rü nacüma, ngẽmaãcü ta Yeuwamücü quiĩ. Rü cuma rü togü duü̃ü̃gümaã cuwüigu na Tupanaü̃ quicuaꞌüü̃.

Ngeü̃rüüü̃ i curü ngãü̃?

Tüꞌcüü̃ Yeuwa nanawaꞌe na yiema ngutaqueꞌewa iĩü̃?
Taꞌacü tá nacaꞌ cunguꞌ i Yeuwaarü Orearü Uruü̃güarü ngutaqueꞌewa?
Nagu curüĩnü wüi cuaꞌãtchiruü̃ na nhuãcü ngẽma ngutaqueꞌe na cuü̃ narüngü̃ẽẽ tá?

Nhaa ngúeruü̃ rü nagu niguꞌ nguneü̃:

Ngẽma naü

Ngutaqueꞌewa cuũ na togü duü̃ü̃güü̃ cuaꞌü̃caꞌ.

Rü to:

Ngema nawa nangutchaü̃ü̃

YEERA NACAꞌ NADAU

Ngẽguma nagu curüĩnügu i ngutaqueꞌewa cuũ, rü ngẽmagagu cunaiꞌãtchiãẽ? Nüü̃ idau ga nhuãcü ngẽma nangupetü wüi yatümaã, rü nhuãcü i ngutaqueꞌegüü̃ nangetchaü̃.

Tauguma nüü̃ tarüngüma i nhuãcü toma meãma nanayaugü i ngutaqueꞌewa (4:16)