NGÚERUÜ̃ 14

Nhuãcü tá Tupanaü̃ ticuaꞌüü̃gü na nawaꞌeãcü?

NAPAÜ

Ngẽma ngúeruü̃ 13wa marü nüü̃ tacuaꞌgü na Tupana tama guü̃ma i yaõgüü̃tücumügü nanayau. Notürü inawaꞌe rü nüü̃ yacuaꞌüü̃ rü ngẽmaãcü niĩ inanawaꞌeü̃ ya Tupana na nüü̃ ticuaꞌüü̃güü̃. Rü nhuãcü nüma nanawaꞌe na nüü̃ yacuaꞌüü̃? (Tiagu 1:27) Nüü̃ tadau i taꞌacü i Tupanaarü Ore tüü̃ nanguꞌẽẽ.

1. Ngetá tá nüü̃ tacuaꞌ nhuãcü i Tupanaü̃ icuaꞌüü̃?

Rü Tupanaarü Ore nüü̃ niu na nhuãcü inawaꞌe Tupanaü̃ yacuaꞌüü̃. Ngetchutchu rü Tupanaü̃ nhanagürü: “Curü ore rü aicuma niĩ.” (Juã́ũ 17:17) Rü yaõgüü̃tücumügü rü nacümagümaã rü duü̃ü̃güarü nguꞌẽẽtaegümaã ngẽmaãcü niĩ Tupanaü̃ nicuaꞌüü̃gü. Notürü Yeuwa tama nanayau ngẽma na ‘nanangerü i norü mugü’. (Nawa naugütae Marcu 7:9.) Ngẽguma Tupanaarü Orega taĩnüẽgügu rü ngẽmamaã nataãẽ.

2. Nhuãcü inawaꞌe Yeuwaü̃ icuaꞌüü̃?

Rü Yeuwaü̃icatama ticuaꞌüü̃gü erü torü üruü̃ niĩ. (Apocaríchiu 4:11) Ngẽmacaꞌ tanawaꞌe na nünaícatama tanaãgü i torü ngetchaü̃ rü nüü̃ ticuaꞌüü̃. Nhuꞌmatchi tauü̃táma natchicünaꞌãpeꞌegu tacaã́püꞌügü rü nüü̃ ticuaꞌüü̃gü. Ngẽgumarüü̃ Isaías 42:8wa nhanagürü: ‘Tama tchanawaꞌe na natchicünaꞌãgüü̃ yacuaꞌüü̃.’

Yiema na Tupanaü̃ icuaꞌüü̃güü̃ rü ‘napeꞌewa taüüneü̃ rü namaã nataãẽü̃’. (Romacü̃ãꞌ 12:1) Name niĩ tanawaꞌe norü mugüga taĩnüe rü nüü̃ nangetchaü̃. Yíema na Yeuwaü̃ nangetchaü̃ rü norü mugüga naĩnüe i ngĩgütchiga. Rü tama yimarüne i yigüü̃ rü bai na pori i yigüü̃ rü bai na ingãẽü̃. a

3. Tüꞌcüü̃ name niĩ togümaã wüigu Yeuwaü̃ yacuaꞌüü̃gü?

Yeuwa tüü̃ nangetchaü̃tchi ngẽmacaꞌ nanawaꞌe na ngutaqueꞌewa taĩ erü nüü̃ nacuaꞌ na ngẽma tüü̃ narüngü̃ẽẽ guü̃gutáma tataãẽü̃caꞌ. Ngẽguma yaõgüü̃tücumüwa tangutaqueꞌegu na Yeuwaü̃ ticuaꞌüü̃güü̃caꞌ. Wüi cuaꞌruü̃ niĩ na nacaꞌ tawiyaegü. (Nawa naugütae Salmos 104:33.) Ngẽguma tawiyaegu rü Yeuwaü̃ ticuaꞌüü̃, ngẽma “ngutaqueꞌewa rü guü̃ma i duü̃ü̃güpeꞌewa”. (Salmos 111:1, 2) Ngẽmaétüwa ngẽguma i ngutaqueꞌewa tangẽmagu rü yigüaü̃́ tanangútchaü̃ẽẽ.

YEERA NÜÜ̃ CUCUAꞌ

Rü nüü̃ nacuaꞌ i tüꞌcüü̃ Yeuwa tama nanawaꞌe na natchicünaꞌãgüü̃ icuaꞌüü̃. Rü nüü̃ nadau ta nhuãcü inawaꞌe Yeuwaü̃ icuaꞌüü̃.

4. Tama natchicünaꞌãgüü̃ ticuaꞌüü̃gü

Tupana tama nanawaꞌe na natchicünaꞌãgüü̃ urü üüneü̃güü̃ yacuaꞌüü̃ notürü nhuãcü nüü̃ tacuaꞌ i ngẽma? Nüü̃ cudau i VÍDEO. Yicama pegümaã pideagü ngẽmatchiga:

VÍDEO: Nhunhaü̃ ya Tupana natchiga i natchicünaꞌãarü cuaꞌüü̃? (3:26)

Rü Tupanaarü Ore tüü̃ nanaweꞌ na nũcümaü̃ü̃ nümaü̃gü i Tupanaarü duü̃ü̃gü nanawaꞌeü̃ ga Tupanatchicünaꞌãü̃ yacuaꞌüü̃gü. Taꞌacü ga namaã ngupetü?

Nümaü̃gü i duü̃ü̃gü na Tupanana nangaicamagüü̃caꞌ rü natchicünaꞌãgüü̃ nicuaꞌüü̃gü. Notürü eꞌna ngẽma weꞌguü̃ niĩ? Nawa naugütae Êxodo 20:4-6 rü Salmos 106:35, 36. Yicama pegümaã pideagü ngẽmatchiga:

Muü̃ma i duü̃ü̃gü rü natchicünaꞌãmaã rü ngẽmaü̃gümaã Tupanaü̃ nicuaꞌüü̃gü. Taꞌacü niĩ i ngẽmaü̃gü?
Eꞌna Yeuwaü̃ name na duü̃ü̃gü i natchicünaꞌãgüü̃ nicuaꞌüü̃gü?
Taꞌacü nagu curüĩnü i ngẽmatchiga?

5. Yeuwaü̃icatama yacuaꞌüü̃ ngẽma tüü̃ ínanguü̃ẽẽ i nguꞌẽẽtaegüneta

Nüü̃ nadau na ngẽguma weꞌguü̃cüma Yeuwaü̃ yacuaꞌüü̃gügu, ngẽma tüü̃ ínanguü̃ẽẽ i nguꞌẽẽtaegüneta. Nüü̃ cudau i VÍDEO.

VÍDEO: Rü ore i aicumaü̃ rü ínananguutchiẽẽ (5:16)

Nawa naugütae Salmos 91:14. Yicama pegümaã pideagü ngẽmatchiga:

Ngẽguma Yeuwaü̃icatama ticuaꞌüü̃gügu ngẽmaãcü nüü̃ nanaweꞌü̃ na nüü̃ tangetchaü̃. Taꞌacü Yeuwa tamaã nauneta?

6. Ngutaqueꞌepataü̃wa rü Yeuwaü̃ ticuaꞌüü̃gü

Ngẽguma i ngutaqueꞌewa taunagügu rü tawiyaegu rü yigüaü̃́ tanangútchaü̃ẽẽ ngẽmaãcü Yeuwaü̃ ticuaꞌüü̃. Nawa naugütae Salmos 22:22. Yicama pegümaã pideagü ngẽmatchiga:

Cuü̃ nameü̃ i ngutaqueꞌegüwa na cuunagü?
Rü cugü meã ínameẽẽ i ngutaqueꞌewa na cuunagüü̃caꞌ?

7. Yeuwa nataãẽ ega togümaã tideagu i taꞌacütchiga nüü̃ tacuaꞌgü

Guü̃ma i yiema nhamarüta naãtchica rü togümaã nüü̃ tiugü i aicuma Tupanaarü nguꞌẽẽtaegütchiga. Nawa naugütae Salmos 9:1 rü 34:1. Yicama pegümaã pideagü ngẽmatchiga: