NGÚERUÜ̃ 16

Taꞌacü ga Ngetchutchu naü yeguma nuã Naanewa yemagu?

NAPAÜ

Rü duü̃ü̃gü güü̃guma Ngetchutchuna nacuaꞌãtchigü nhama wüi õtchanaãcü, rü Tupanaarü Orearü uruü̃ãcü urü wüi ga yatü yuü̃ãcü. Ngẽguma meãma nangugügu i Ngetchutchuarü maü̃tchiga rü yeera nüü̃ tacuaꞌgü i natchiga. Ngĩã nüü̃ tadaugü ngẽma ngúerüü̃wa, taꞌacü ga Ngetchutchucaꞌ narümemae nanaüü̃ rü nhuãcü ngẽma rü nameẽtchiü̃ i curü maü̃caꞌ.

1. Ngeü̃rüüü̃ i puracü ga Ngetchutchucaꞌ meẽtchiü̃?

Rü puracü na Ngetchutchucaꞌ narümemaeü̃ niĩ na duü̃ü̃gümaã nüü̃ niuü̃ i Tupanaarü Ãẽꞌgacütchiga. (Nawa naugütae Luca 4:43.) Ngẽma meü̃ i ore na ga Ngetchutchu nüü̃ iuü̃ i Tupanaarü Ãẽꞌgacütchiga na paama tá guü̃ma i duü̃ü̃güarü gutchaü̃güü̃ nameẽẽ i Naanewa ngẽmaü̃. a Rü tamaeꞌpüꞌ taunecügü rü norü ngaü̃ ga Ngetchutchu napuracüü̃tchi na duü̃ü̃gümaã nüü̃ niuü̃caꞌ i Tupanaarü unetatchiga. — Mateu 9:35.

2. Tüꞌcüü̃ ga Ngetchutchu ga Tupanaarü poramaã nanaüü̃ ga muü̃ma ga meü̃gü?

Rü Tupanaarü Ore nüü̃ niu na Ngetchutchu ga Tupanaarü poramaã “nanaüẽẽ ga muü̃ma ga meü̃gü rü cuaꞌruü̃gü ga nori taguma nüü̃ idauü̃”. (Puracügü 2:22) Yeuwa rü Ngetchutchuna nanaã i pora rü ngẽma poramaã ga naturezaarü poramaã inacuaꞌü̃, rü muü̃tchi i duü̃ü̃güna nanaã i õnagü, rü idaꞌawegüü̃ narümeẽẽ rü nüma wena nanamaẽẽgü ga yueü̃. (Mateu 8:23-27, 14:15-21, Marcu 6:56 rü Luca 7:11-17) Ngetchutchu ga Tupanaarü poramaã nanaü ga muü̃ma ga meü̃gü. Rü ngẽma nanaweꞌü̃ na Tupana nüü̃ namuü̃ nuã Naanewa. Rü ta nanaweꞌü̃ na Yeuwa rü nüü̃ nangẽmaü̃ i pora nanameẽẽü̃caꞌ i torü gutchaü̃gü.

3. Taꞌacü nawa icuaꞌ Ngetchutchuarü maü̃ yeguma nuã Naanewa nayemagu?

Ngetchutchu rü guü̃guma ga Yeuwaga naĩnüü̃. (Nawa naugütae Juã́ũ 8:29.) Woo i gutchaü̃güwa rü naga naĩnüama. Ngẽmaãcü Ngetchutchu nanaweꞌ na woo i gutchaü̃güwa wüi duü̃ü̃ rü Yeuwaga tá naĩnüama. ‘Rü yemaãcü tüü̃ nüü̃ nadauẽẽ na nhuãcü nüma nanawaꞌeü̃ na narüü̃ yana namaã taĩnüẽü̃ i ngẽma ngúü̃.’ — 1 Pedru 2:21.

YEERA NÜÜ̃ CUCUAꞌ

Nüü̃ nadau i nhuãcü ga Ngetchutchu nüü̃ nanguꞌẽẽ i meü̃ Yeuwaarü Ore, rü Yeuwaarü poramaã nanaü ga muü̃ma ga meü̃gü.

4. Ngetchutchu nagu nanguꞌẽẽtae ga meü̃ Yeuwaarü ore

Ngetchutchu muü̃ma quirúmetru namagu niũ na togümaã nüü̃ niuü̃caꞌ i meü̃ Yeuwaarü ore. Nawa naugütae Luca 8:1. Yicama pegümaã pideagü ngẽmatchiga:

Eꞌna Ngetchutchu nüü̃ niumare ngẽma duü̃ü̃gümaã na naü̃tawa naĩü̃caꞌ?
Ngeü̃rüüü̃ pora naüü̃ ga Ngetchutchu na nüü̃ nayangauü̃caꞌ i duü̃ü̃gü?

Tupana nüü̃ niu na Metchía tá nüü̃ niuü̃ i norü meü̃ i ore. Nawa naugütae Isaías 61:1, 2. Yicama pegümaã pideagü ngẽmatchiga:

Nhuãcü ga Ngetchutchu nayanguẽü̃ ngẽma profecia?
Eꞌna nhuꞌma i duü̃ü̃gü nanawaꞌe nüü̃ naĩnüẽ nhaa meü̃ i Yeuwaarü ore? Taꞌacügu curüĩnü?

5. Ngetchutchu ga nanguꞌẽẽ i meü̃ ucuꞌẽgü

Rü Ngetchutchu nüü̃ niu taꞌacütchiga i Tupanaarü Ãẽꞌgacü naü i wipeꞌewa rü ta nanguꞌẽẽ i meü̃ ucuꞌẽgü. Rü nüü̃ nadau nümaü̃gü i cuaꞌruü̃gü ga nüma nüü̃ niuü̃ ga duü̃ü̃güpeꞌewa wüi ga maꞌpü̃́newa. Nawa naugütae Mateu 6:14, 34 rü 7:12. Yicama pegümaã pideagü ngẽmatchiga:

Taꞌacü meü̃ ucuꞌegü na Ngetchutchu nüü̃ niu ngẽma wetchicurugüwa?
Eꞌna nhuꞌma ngẽma ucuꞌẽgü i duü̃ü̃güü̃ narüngü̃ẽẽ? Taꞌacügu curüĩnü?

6. Rü Ngetchutchu ga Tupanaarü poramaã nanaü ga muü̃ma ga meü̃gü

Yeuwa ga Ngetchutchuna nanaã i pora na muü̃ma ga meü̃gü nanaüü̃caꞌ. Nüü̃ nadau wüi cuaꞌruü̃. Nawa naugütae Marcu 5:25-34 urü nüü̃ cudau i VÍDEO. Yicama pegümaã pideagü ngẽmatchiga:

VÍDEO: Wüi ga ngee idaꞌawecü ga Ngetchutchu ngĩü̃ nanameẽẽ (5:10)

Vídeowa nüü̃ tadaugü na ngẽma ngeü̃ idaꞌawecü. Notürü ngĩma taꞌacügu iyaõ?
Ngẽma ngeü̃arü orewa, taꞌacü cuü̃ meü̃?

Nawa naugütae Juã́ũ 5:36. Yicama pegümaã pideagü ngẽmatchiga:

Ngẽma i meü̃gü na Ngetchutchu ga ‘Tupanaarü poramaã nanaüü̃’, taꞌacü tüü̃́ nüü̃ nadauẽẽ i natchiga?

Marü nüü̃ cucuaꞌ i ngẽma?

Ngẽma poperagüwa — Mateu, rü Marcu, rü Luca, rü Juã́ũ rü tüü̃ nanguꞌẽẽ i Ngetchutchutchiga. Rü nawa ore i meü̃ ga ümatüü̃ rü yatügütchigü ümatügüü̃ rü Ngetchutchuarü maü̃tchiga ngẽma poperagüwa naümatüü̃. Ngẽguma meã nangugügu i guü̃ma ngẽmagü poperagü na meã nüü̃ tacuaꞌgü i nhuãcü ga Ngetchutchu namaü̃ü̃ nuã Naanewa.

MATEU

Nhaa niĩ nüíra popera nanaümatüü̃ ga ore i meü̃tchiga. Rü nawa nüü̃ tayangau i Ngetchutchuarü nguꞌẽẽtaegü rü ta Tupanaarü Ãẽꞌgacütchiga.
MARCU

Nhaa niĩ popera rüíramaeü̃ nanaümatüü̃ ga ore i meü̃tchiga. Ngẽma popera niĩ na poraãẽü̃ rü nanaweꞌü̃ nhuãcü Ngetchutchu napuracüü̃.
LUCA

Nanaweꞌ na nhuãcü Ngetchutchucaꞌ narümemaẽü̃ i yumüẽ. Rü nhuãcü ga Ngetchutchu ga ngeü̃gümaã namecümaü̃.
JUÃ́Ũ

Rü nanaweꞌ ga Ngetchutchu rü namücügümaã nideaü̃ rü ta togü i duü̃ü̃gümaã. Ngẽma rü tüü̃ narüngü̃ẽẽ na nüü̃ icuaꞌü̃caꞌ i nacümagü ga Ngetchutchu.

NÜMAÜ̃ DUÜ̃Ü̃GÜ NÜÜ̃ NIU: “Ngetchutchu tama Tupanaarü Nane niĩ. Notürü wüiicatama yatü meẽtchicü niĩ.”

Taꞌacügu curüĩnü?

TAꞌACÜ MARÜ NÜÜ̃ CUCUAꞌ?

Ngetchutchu i duü̃ü̃gümaã nüü̃ niu i Tupanaarü Ãẽꞌgacütchiga. Rü Ngetchutchu ga Tupanaarü poramaã nanaü ga muü̃ma ga meü̃gü, rü Ngetchutchu guü̃guma Yeuwaga naĩnü.

Ngeü̃rüüü̃ i curü ngãü̃?

Ngeü̃rüüü̃ i puracü ga Ngetchutchucaꞌ meẽtchiü̃?
Ngetchutchu ga Tupanaarü poramaã nanaü ga muü̃ma ga meü̃gü, taꞌacü tüü̃ nanaweꞌ i natchiga?
Taꞌacü i meü̃ ucuꞌẽgü na Ngetchutchu nanguꞌẽẽü̃?

Nhaa ngúeruü̃ rü nagu niguꞌ nguneü̃:

Ngẽma naü

Nüü̃ cudau i vídeo ‘Name niĩ i guãma i nüü̃ pecuaꞌgüü̃ rü Tupana rü marü perü Cori ya Cristuü̃ nayaĩẽẽ’ — Natchipeꞌe 2 urü cuugütae Mateu capiturugü 5 nhuꞌmata 7wa na yeera nüü̃ cucuaꞌü̃caꞌ nhuãcü Ngetchutchu nuã Naanewa namaẽ.

Rü to:

Ngema nawa nangutchaü̃ü̃