NGÚERUÜ̃ 17

Ninhuraü̃ ya Ngetchutchu?

NAPAÜ

Taꞌacü Ngetchutchu üü̃ nuã Naanewa, ngẽma tüü̃ nanguꞌẽẽ na ninhuraü̃ ya nüma. Rü ngẽmagagu nüna tangaicamagü rü Nanatü ya Yeuwana tangaicama ta. Ngeü̃rüüü̃ niĩ nacümagü? Nhuãcü tá Ngetchutchurüü̃ torü maü̃wa naüü̃?

1. Nhuãcü Ngetchutchu nanaweꞌü̃ na Nanatü ya Yeuwarüü̃ yiĩü̃?

Yeera bilhões ga taunecügü dauü̃wa Ngetchutchu ga Nanatücüwawa nayema, yemaãcü Nanatüwa nüü̃ nacuaꞌ. Ngẽmacaꞌ ya Ngetchutchu na Yeuwarüü̃ nanaü rü nagu narüĩnü. (Nawa naugütae Juã́ũ 5:19.) Rü Ngetchutchucüma rü Yeuwacümarüü̃ niĩ, ngẽmacaꞌ nhanagürü: “Yíema tchoü̃ daue rü Tchaunatüü̃ rü ta tadau.” (Juã́ũ 14:9) Tchi yeera nüü̃ cucuaꞌgu nacüma ya Ngetchutchu rü natchiga yeeraãcü tá Yeuwaü̃ cucuaꞌ. Cuaꞌãtchiruü̃, rü Ngetchutchurüü̃ duü̃ü̃gücaꞌ nagutchaãẽü̃ ngẽma tüü̃ nanaweꞌ na Yeuwa rü cucaꞌ nagutchaãẽü̃.

2. Nhuãcü ga Ngetchutchu nanaweꞌü̃ na Yeuwaü̃ nangetchaü̃?

Ngetchutchu nhanagürü: “Rü ngẽmaãcü tá niĩ na guü̃ma i nhama i naãnecü̃ãꞌ i duü̃ü̃gü nüü̃ nacuáü̃caꞌ na tchama rü Tchaunatüü̃ na tchangetchaü̃ü̃, rü tchanaüü̃ i ngẽma nüma tchoü̃ namuü̃.” (Juã́ũ 14:31) Yeguma ga Ngetchutchu nhama ga Naanewa nayemagu, Ngetchutchu nanaweꞌ na Nanatüü̃ nangetchaü̃ü̃tchi rü guü̃guma naga naĩnü woo na nüü̃ nagutcha. Rü Ngetchutchu rü duü̃ü̃gümaã nüü̃ niu ga Nanatütchiga rü duü̃ü̃güü̃ narüngü̃ẽẽ rü Tupanamücü yiĩgü. — Juã́ũ 14:23.

3. Nhuãcü ga Ngetchutchu nüü̃ nanaweꞌ na duü̃ü̃güü̃ nangetchaü̃?

Rü Tupanaarü Ore nüü̃ niu na Ngetchutchu i duü̃ü̃güü̃ nameẽtchi. (Provérbios 8:31) Ngetchutchu guãmaã namecümawaꞌe erü nacaꞌ guãma nameẽtchigü. Rü guü̃guma duü̃ü̃güü̃ nataãẽẽẽ rü nüü̃ narüngü̃ẽẽtchaü̃. Nüma rü Tupanaarü poramaã nanaüü̃ muü̃ma ga meü̃gü, ngẽmaãcü nanaweꞌ na nüü̃́ nangetchaü̃tümüü̃gü. (Marcu 1:40-42) Yímagü duü̃ü̃gü ga Tupanaü̃ cuaꞌgütchaü̃ rü nanguꞌẽẽ ga Tupanaarü unetatchiga, rü ngẽma nüna nanaã i taãẽ. Ngetchutchu poraãcü duü̃ü̃güü̃ nangetchaü̃ü̃tchi ngẽmacaꞌ nacaꞌ poraãcü nioẽ rü nacaꞌ nayu. Notürü yeera nüü̃ nangetchaü̃ rü norü nguꞌẽẽtaegüga naĩnüe. — Nawa naugütae Juã́ũ 15:13, 14.

YEERA NÜÜ̃ CUCUAꞌ

Rü nüü̃ nacuaꞌ i nacümagü ya Ngetchutchu. Rü nhuãcü tá narüü̃ ingetchaü̃waꞌegüü̃ rü iãwaꞌegüü̃.

4. Ngetchutchu rü Nanatüü̃ nangetchaü̃

Rü Ngetchutchuarü cuaꞌruü̃ tacaꞌ nanguꞌẽẽ na nhuãcü tá naweꞌü̃ na Tupanaü̃ ingetchaü̃gü. Nawa naugütae i ngẽma wetchicurugü Luca 6:12, Juã́ũ 15:10 rü 17:26. Yicama pegümaã pideagü ngẽmatchiga:

Nhuãcü tá Ngetchutchurüü̃ naweꞌgü na Yeuwaü̃ ingetchaü̃gü?

Ngetchutchu nüü̃ nangetchaü̃ ga Nanatü rü guü̃guma nacaꞌ nayumüẽ

5. Ngetchutchu rü duü̃ü̃güarü oegaãẽcaꞌ nagutchaãẽ

Ngetchutchu rü duü̃ü̃gücaꞌ nagutchaãẽ. Woo yeguma nipaꞌü̃tchigu rü nügü naporaẽẽ rü ínaüütchi tempu na duü̃ü̃güü̃ narüngü̃ẽẽcaꞌ. Nawa naugütae Marcu 6:30-44. Yicama pegümaã pideagü ngẽmatchiga:

Nhuãcü ga Ngetchutchu nüü̃ nanaweꞌü̃ ga duü̃ü̃gücaꞌ nagutchaãẽ? — Nüü̃ cudau i wetchicurugü 31, 34, 41 rü 42.
Tüꞌcüü̃ ga Ngetchutchu nanawaꞌeü̃ ga duü̃ü̃güü̃ narüngü̃ẽẽ? — Nüü̃ cudau i wetchicuru 34.
Marü nüü̃ tacuaꞌgü na Ngetchutchucüma rü Yeuwacümarüü̃ niĩ. Taꞌacü nawa icuaꞌgü i Yeuwatchiga?
Nhuãcü tá Ngetchutchurüü̃ taweꞌgü na duü̃ü̃gücaꞌ tagutchaãẽgü?

6. Ngetchutchu inaãwaꞌeü̃ niĩ

Ngetchutchuü̃ nayema ga nore ngẽmaü̃gü rü togümaã nangau. Rü inawaꞌe na narüü̃ iügü. Nawa naugütae Puracügü 20:35. Yicama pegümaã pideagü ngẽmatchiga:

Ngẽma wetchicurugu, taꞌacü ga Ngetchutchu nüü̃ niu na narümemaẽ iügü?

Nüü̃ cudau i VÍDEO. Yicama pegümaã pideagü ngẽmatchiga:

VÍDEO: “Rü narümemaẽü̃ niĩ i pema na togüena penaã rü tama i tüma pena tanaã” — Natchipeꞌe (4:00)

Woo tüü̃ tangẽmagü nore ngẽmaü̃gü, nhuãcü tá togüü̃ rüngü̃ẽẽ?

Marü nüü̃ cucuaꞌ i ngẽma?

Rü Tupanaarü Ore tüü̃ nanguꞌẽẽ na nawaꞌe guü̃guma Ngetchutchuégagu i Yeuwacaꞌ tayumüẽ. (Nawa naugütae Juã́ũ 16:23, 24.) Tchi taügu ngẽmaãcü nüü̃ tanaweꞌ na tacaꞌ nameẽtchi i taꞌacü Ngetchutchu nanaü na tüü̃ narüngü̃ẽẽcaꞌ i Yeuwamücü tiĩ.

NÜMAÜ̃ DUÜ̃Ü̃GÜ NÜÜ̃ NIU: “Tupana rü tama duü̃ü̃güarü oẽgücaꞌ nagutchaãẽ.”

Marü nüü̃ tacuaꞌgü na Ngetchutchucüma rü Yeuwacümarüü̃ niĩ. Nhuãcü guü̃ma i taꞌacü Ngetchutchu üü̃ ngẽma tüü̃ nanaweꞌü̃ na Yeuwa tacaꞌ naoégaãẽ?

TAꞌACÜ MARÜ NÜÜ̃ CUCUAꞌ?

Ngetchutchu rü Yeuwaü̃ rü duü̃ü̃güü̃ nangetchaü̃. Marü nüü̃ tacuaꞌgü na Ngetchutchucüma rü Yeuwacümarüü̃ niĩ. Tchi yeera nüü̃ tacuaꞌgügu nacüma ya Ngetchutchutchiga rü yeeraãcü tá Yeuwaü̃ tacuaꞌgü.