NGÚERUÜ̃ 24
Taꞌacügü niĩ ãĩyugü rü taꞌacü naügü?
Yeuwa nanawaꞌe na nüü̃ icuaꞌgü i natanüü̃ i dauü̃cü̃ãꞌgütchiga. Rü ãĩyugü rü Tupanaarü natanüü̃ yiĩgü rü ngẽmacaꞌ naãégaü̃ “Tupanaarü nanegü”. (Jó 38:7) Taꞌacü i Tupanaarü Ore nüü̃ niu i ãĩyutchiga? Taꞌacü naügü? Eꞌna guü̃ma i ãĩyugü rü Tupanaarü natanüü̃ yiĩgü?
1. Taꞌacügü niĩ ãĩyugü?
Yeuwa ãĩyugüü̃ naü naü̃pa ga Naane. Rü Tupanaü̃tawa dauü̃wa namaẽ, rü tauü̃ma i duü̃ü̃ nüü̃ nadau. (Ebréugü 1:14) Muü̃tchiü̃ma i ãĩyugü nangẽma, wüitchigü nüü̃ nangẽma nacümatama. (Apocaríchiu 5:11) Nümagü ‘nanguẽẽgüe i ngẽma Tupana nüü̃ muü̃’. (Salmos 103:20) Nũcümaü̃tchi ngẽma ãĩyugü ga Yeuwaarü Orearü ngeruü̃gü iĩü̃güü̃, rü norü duü̃ü̃güü̃ narüngü̃ẽẽ, rü yeguma wüi Yeuwaarü duü̃ü̃ ãũcümawa nayemagu rü nüü̃ namaẽẽẽ. Nhuꞌma, i ãĩyugü rü õgütanüü̃güü̃ narüngü̃ẽẽ na duü̃ü̃güü̃ nayangaugüü̃caꞌ i Tupanaü̃ cuaꞌgütchaü̃.
2. Taꞌacü niĩ Tchataná rü norü ngoogü?
Nümaü̃gü ga ãĩyugü rü tama Yeuwaga naĩnüẽgü. Rü nüíra ga ãĩyu rü taúegama naĩnü, “rü nüma rü ngoogu rü Tchatanágu naãẽ́ga. Rü nüma niĩ i guü̃ma i nhama i naãnecü̃ãꞌ i duü̃ü̃güü̃ nawomüẽẽü̃”. (Apocaríchiu 12:9) Tchataná nanawaꞌe taá na duü̃ü̃gümaã inacuaꞌü̃. Yemacaꞌ, ga Adáü̃ü̃ rü Ewaü̃ nawomüẽẽgü rü togü ãĩyugü ta, na narüü̃ taúegama naĩnüẽü̃caꞌ. Nhaa ãĩyugü taúegama naĩnügü rü ngoogügu naãẽ́ga. Rü dauü̃wa rü Yeuwa rü ngẽma ãĩyugü nhama ga Naanegu narüwoü̃ rü nhuꞌma nuã Naanewa nangẽmagü. Notürü Tupana rü paama tá inayanaoẽẽ. — Nawa naugütae Apocaríchiu 12:9, 12.
3. Nhuãcü i Tchataná rü norü ngoogü rü tüü̃ nawomüẽẽ?
Tchataná rü norü ngoogü rü ngẽma ẽü̃guü̃ cuaꞌü̃gümaã (ocultismomaã) rü duü̃ü̃güü̃ nawomüẽẽ. Ngẽma niĩ ngẽguma i duü̃ü̃gü i naãẽgümaã ideagu. Notürü ngẽma rü nagutchinü. Cuaꞌãtchiruü̃gü, nümaü̃gü i duü̃ü̃gü nacaꞌ nadaugü i duü̃ü̃güarü ngü̃ẽẽgü i woramacuriwa ngúeü̃, rü horóscopuwa, rü ngẽma duü̃ü̃gümaã na nüü̃ yau i taꞌacü tá yicüra na ngupetüü̃, rü duẽẽgüü̃ tatoõẽü̃, togü ngẽguma nidaꞌawegügu rü nacaꞌ nadau i yuüü̃. Tchataná nanawaꞌe na duü̃ü̃gü rü ngẽmaü̃ nayaõgü rü yuemaã nideagü. Notürü Yeuwa nhanagürü: “Rü tama name na nüna tayaca i ngẽma yuetaãẽcaꞌ ngẽmagüü̃ rü bai tá i tüü̃́ nangútchaü̃ü̃ na nüü̃ tacuáü̃ i ngẽma yicüra ngupetüü̃.” (Levítico 19:31) Ngẽma mu tüna nanaã na tüü̃ inapoü̃caꞌ erü Tchataná rü norü ngoogümaã Tupanaarü uwanügü niĩgü, rü nanawaꞌe na tüü̃ natchieẽẽü̃.
YEERA NÜÜ̃ CUCUAꞌ
Nüü̃ nacuaꞌ natchiga ngẽma i meü̃gü Yeuwaarü ãĩyugü naügüü̃. Tüꞌcüü̃ naãũcüma i ẽü̃guü̃ rü nhuãcü tá yigüna idaugü natchawa i Tchataná rü norü ngoogü.
4. Ãĩyugü rü duü̃ü̃güü̃ narüngü̃ẽẽ na nüü̃ nacuaꞌgüü̃caꞌ i Yeuwatchiga
Nhuꞌma rü ãĩyugü tama duü̃ü̃gümaã nüü̃ niugü i meü̃ i oretchiga. Notürü Tupanaarü duü̃ü̃güü̃ narüngü̃ẽẽ na duü̃ü̃güü̃ nayangaugüü̃caꞌ i Yeuwaü̃ cuaꞌgütchaü̃ü̃. Nawa naugütae Apocaríchiu 14:6, 7. Yicama pegümaã pideagü ngẽmatchiga:
-
Tüꞌcüü̃ tanawaꞌe i ãĩyugüarü ngü̃ẽẽ na togümaã nüü̃ iuü̃caꞌ i meü̃ i oretchiga?
-
Rü nüü̃ cucuaꞌ na ãĩyugü na cuü̃ tá narüngü̃ẽẽ na duü̃ü̃güü̃ cuyangauü̃caꞌ i Tupanaarü Oreü̃ cuaꞌgütchaü̃. Taꞌacügu curüĩnü i ngẽmatchiga? Tüꞌcüü̃?
5. Rü ẽü̃guü̃na iũgatchi
Tchataná norü ngoogümaã Yeuwaarü uwanügü niĩgü rü ta tórü uwanügü niĩgü. Nawa naugütae Luca 9:38-42. Yicama pegümaã pideagü ngẽmatchiga:
-
Rü taꞌacü i ngoogü rü duü̃ü̃gümaã naügü?
Rü tama tanawaꞌegü na ngoogü rü tüü̃ nawomüẽẽgü. Nawa naugütae Deuteronômio 18:10-12. Yicama pegümaã pideagü ngẽmatchiga:
-
Rü ngoogü i duü̃ü̃güü̃ nawomüẽẽtchaü̃, taꞌacü naügü? Curü ĩãnegu nangẽma i ẽü̃guü̃ cuaꞌgüü̃? Ngeü̃rüüü̃ niĩgü?
-
Yeuwa rü tüna nanatchuꞌu na ẽü̃guü̃caꞌ inguꞌü̃. Tüꞌcüü̃ name niĩ i ngẽma?
Nüü̃ cudau i VÍDEO. Yicama pegümaã pideagü ngẽmatchiga:
-
Vídeowa nanaweꞌ Paula ngĩrü õtchanawa nayaü̃́cutchi napüꞌmeꞌẽ. Taꞌacügu curüĩnü ngẽmatchiga, eꞌna naãũcümaü̃? Tüꞌcüü̃?
-
Taꞌacü Paula ga iüü̃ na tügü itapoü̃caꞌ i ngoogü?
Rü aicumaü̃tchi i õgütanüü̃ niĩgü, rü nüü̃ naoó i ngoogüarü puracü. Nawa naugütae Puracügü 19:19 rü 1 Corĩ́tiucü̃ãꞌ 10:21. Yicama pegümaã pideagü ngẽmatchiga:
-
Tüꞌcüü̃ nameü̃ na nüü̃ narüoeü̃ i ngẽmaü̃gü i ẽü̃guü̃tchiga?
6. Nüü̃ rüporamaẽ i Tchataná rü norü ngoogü
Rü Tchataná rü ngoogümaã inacuaꞌ. Notürü Miguéu rü Tupanaarü Orearü ngeruü̃gü aicumagüü̃maã inacuaꞌ, erü Miguéu rü Tupanaarü Orearü ngeruü̃güarü ãẽꞌgacü niĩ, rü ngẽma niĩ to Ngetchutchuéga. Eꞌna Miguéu yeera naporaü̃? Nawa naugütae Apocaríchiu 12:7-9. Yicama pegümaã pideagü ngẽmatchiga:
-
Teé niĩ yeera nüü̃ rüporamaẽ? Rü Miguéu rü norü orearü ngeruü̃gü urü Tchataná rü norü ngoogü?
-
Eꞌna i Ngetchutchuarü ngúeü̃gü rü Tchatanáü̃ rü norü ngoogüü̃ namuü̃ẽü̃?
Rü Tchatanáü̃ rü norü ngoogüü̃ curüporamaẽ tá. Nawa naugütae Tiagu 4:7. Yicama pegümaã pideagü ngẽmatchiga:
-
Nhuãcü tá cugü ícupoü̃ü̃ i Tchatanána rü norü ngoogü?
NÜMAÜ̃ DUÜ̃Ü̃GÜ NÜÜ̃ NIU: “Tchi cuĩnücaꞌwaꞌegu i videogame urü nüü̃ cudawenü i filmegü na naweꞌ i ẽü̃guü̃, rü ngẽma tama cuü̃ tá natchieẽẽ.”
-
Tüꞌcüü̃ ngẽma ĩnü rü naãũcüma?
TAꞌACÜ MARÜ NÜÜ̃ CUCUAꞌ?
Rü Yeuwaarü ãĩyugü rü tüü̃ narüngü̃ẽẽ. Tchataná rü norü ngoogümaã rü Yeuwaarü uwanügü niĩgü rü ngẽma ẽü̃guü̃ cuaꞌü̃gümaã rü duü̃ü̃güü̃ nawomüẽẽ.
Ngeü̃rüüü̃ i curü ngãü̃?
-
Nhuãcü ãĩyugü rü duü̃ü̃güü̃ narüngü̃ẽẽ na nüü̃ nacuaꞌgüü̃caꞌ i Yeuwatchiga?
-
Taꞌacü niĩ Tchataná rü norü ngoogü?
-
Tüꞌcüü̃ name na nüna iũgatchi na ẽü̃guü̃ icuaꞌü̃?
YEERA NACAꞌ NADAU
Nüü̃ nadau tüꞌcüü̃ i Ngetchutchu naãégaü̃ i Miguéugu rü Tupanaarü Orearü ngeruü̃güarü ãẽꞌgacü niĩ.
“Tüꞌcüü̃ i Ngetchutchu naãégaü̃ i Miguéugu rü Tupanaarü Orearü ngeruü̃güarü ãẽꞌgacü niĩ?” (Artchigu sitewa: jw.org)
Nüü̃ nadau tüꞌcüü̃ tayaõgüü̃ na Tchataná nangẽma. Nüü̃ nadau ngẽma i artchigu.
“Rü Tchataná nangẽma?” (Artchigu sitewa: jw.org)
Nüü̃ nadau nhuãcü wüie ya ngee tügü ítanguutchiẽẽ i ngoogümeꞌẽwa.
“Ngĩma meã nüü̃ icuaꞌ i tüꞌcüü̃ tangẽmaü̃” (Dauü̃taecü, 1 yuliuarü 1993gu)
Nüü̃ nadau nhuãcü i Tchataná rü ngẽma ẽü̃guü̃ cuaꞌü̃gümaã rü duü̃ü̃güü̃ nawomüẽẽ.
“Rü aicuma i ẽü̃guü̃tchiga rü yuütchiga” (O Caminho para a Vida Eterna, natchipeꞌe 5wa)
