NGÚERUÜ̃ 27
Nhuãcü i Ngetchutchuarü yu tüü̃ ínanguü̃ẽẽ?
Rü tipecaduãꞌgü rü tioẽgü rü tayue nagagu ga Adáü̃ rü Ewa na tama Tupanaga naĩnüẽgü. a Notürü nhuãcü Tupana tüü̃ narüngü̃ẽẽ? Yeuwa rü Ngetchutchuü̃ nhama ga Naanewa nanamu na tüü̃ ínanguü̃ẽẽü̃caꞌ pecaduwa rü yuwa. Rü Tupanaarü Ore tüü̃ namaã nanguꞌẽẽ na Ngetchutchuarü yumaã nanaü wüi resgate. Nhaa dea resgate nhaü̃tchiga niĩ wüi natanü na wüi duü̃ü̃ ínanguü̃tchiẽẽü̃caꞌ. Ngetchutchu rü norü meẽtchiü̃ ga maü̃maã nanaütanü na tüü̃ ínanguü̃ẽẽü̃caꞌ. (Nawa naugütae Mateu 20:28.) Tchi Ngetchutchu nanawaꞌegu, rü nhama i Naanewa rü guü̃gutáma namaẽ. Notürü tama nanaü i ngẽma, erü tacaꞌ nayu na tüü̃ nangẽmaü̃caꞌ i maü̃ i taguma gúü̃. Rü Ngetchutchuarü yu nanaweꞌ na nüma rü Yeuwa rü ãũrima tüü̃ nangetchaü̃. Ngẽma nguꞌ cuü̃ narüngü̃ẽẽ tá na moẽ nüna cuãü̃ i Ngetchutchuarü yucaꞌ.
1. Nhuãcü i Ngetchutchuarü yu tüü̃ narüngü̃ẽẽ i nhuꞌma?
Rü tipecaduãꞌgü rü ngẽmacaꞌ nhuguãcü tama Yeuwaga taĩnüẽ rü ngúü̃ tingegü. Notürü i Ngetchutchuarü yugagu tüü̃́ nüü̃ nangetchaü̃. Notürü taꞌacü tá inaügü na tüü̃́ nüü̃ nangetchaü̃caꞌ i torü pecadugü? Rü Yeuwacaꞌ ítaca na tüü̃́ nüü̃ nangetchaü̃ i Ngetchutchuégagu rü nüü̃ tarüoe i tacüma i tchieü̃. Ngẽmaãcü tá Yeuwamaã poraãcü taãmücü. (1 Juã́ũ 2:1) Rü Tupanaarü Ore nhanagürü: “Cristu rü ngúü̃ ninge, rü wüicanatama guããrü pecaducaꞌ nayu. Rü woo na mecü yiĩü̃ rü tacaꞌ nayu i yiema i tchieü̃ i duü̃ü̃gü iĩgüü̃. Rü yemaãcü nanaü na Tupanaü̃tawa tüü̃ nagagüü̃caꞌ.” — 1 Pedru 3:18.
2. Nhuãcü i Ngetchutchuarü yu tüü̃ narüngü̃ẽẽ i wipeꞌewa?
Yeuwa rü Ngetchutchuü̃ nanamu na tacaꞌ nayuü̃caꞌ rü “na guãma ya teé ya nüü̃́ yaõgüe rü tama itarütaueü̃caꞌ rü tüü̃́ nangẽmaü̃caꞌ i maü̃ i taguma gúü̃”. (Juã́ũ 3:16) Rü nagagu i Ngetchutchuarü yu, ya Yeuwa nayaoẽẽ tá i guü̃ma i tchieü̃gü tüü̃ ngupetüü̃ Adáü̃gagu. Nhuꞌmatchi, tchi nüü̃ yaõgügu i Ngetchutchuarü yu, rü tüü̃ nangemaü̃ tá i maü̃ i taguma gúü̃ i meẽtchiü̃ i Naanewa! — Isaías 65:21-23.
YEERA NÜÜ̃ CUCUAꞌ
Meã nüü̃ nacuaꞌ tüꞌcüü̃ ga Ngetchutchu tacaꞌ nayu, rü nhuãcü tá cuü̃ narüngü̃ẽẽ i ngẽma.
3. Rü Ngetchutchuarü yu tüü̃ ínanguü̃ẽẽ i pecaduwa rü yuwa
Nüü̃ cudau i VÍDEO. Yicama pegümaã pideagü ngẽmatchiga:
-
Ngẽguma na tama Tupanaga naĩnüẽgu, taꞌacü ga Adáü̃ natauẽẽ?
Nawa naugütae Romacü̃ãꞌ 5:12. Yicama pegümaã pideagü ngẽmatchiga:
-
Taꞌacü torü maü̃maã nangupetü i Adáü̃arü pecadugagu?
Nawa naugütae Juã́ũ 3:16. Yicama pegümaã pideagü ngẽmatchiga:
-
Tüꞌcüü̃ na Yeuwa nanamu ga Nane nuã i Naanewa?
-
Adáü̃ wüi yatü ga nameẽtchicü niĩ, notürü tama Yeuwaga naĩnüü̃, rü yemagagu guü̃ma i duü̃ü̃gü nipecaduãꞌgü rü nayugü
-
Ngetchutchu wüi yatü ga nameẽtchicü niĩ, rü Yeuwaga naĩnüü̃, rü yemagagu guü̃ma i duü̃ü̃gü rü nüü̃ nangẽmaü̃ tá wüi maü̃ meẽtchiü̃ rü guü̃gutáma namaẽ
4. Rü Ngetchutchuarü yu rü guü̃ma i duü̃ü̃güü̃ narüngü̃ẽẽ
Nüü̃ cudau i VÍDEO. Yicama pegümaã pideagü ngẽmatchiga:
-
Nhuãcü wüitama yatüarü yu rü guü̃ma i duü̃ü̃güü̃ narüngü̃ẽẽ?
Nawa naugütae 1 Timúteu 2:5, 6. Yicama pegümaã pideagü ngẽmatchiga:
-
Adáü̃ wüi yatü ga nameẽtchicü niĩ, noturü tama Yeuwaga naĩnüü̃, rü yemagagu guü̃ma i duü̃ü̃gü nipecaduãꞌgü rü nayugü. Rü ta Ngetchutchu wüi yatü ga nameẽtchicü niĩ. Nhuꞌmatchi, tüꞌcüü̃ ga Ngetchutchu rü nüicatama ga ‘guü̃ i duü̃ü̃güaü̃́ nanaütanüãü̃’?
5. Rü Ngetchutchuarü yu wüi ãmare niĩ na Yeuwa cuna naãü̃
Rü Ngetchutchuarü yu rü Yeuwamücügüü̃caꞌ wüi meü̃ ãmarerüü̃ niĩ. Cuaꞌãtchiruü̃, nawa naugütae Gárataanecü̃ãꞌ 2:20. Yicama pegümaã pideagü ngẽmatchiga:
-
Nhuãcü ga Pauru nanaweꞌü̃ na Ngetchutchuarü yu nacaꞌ wüi meü̃ ãmare niĩü̃?
Yeguma ga Adáü̃ ga pecadu naügu, rü nagagu i guü̃ma i duü̃ü̃gü rü yugu napocue. Notürü ga Yeuwa tüna nanaã i Nanearü maü̃ na tüü̃ ínanguü̃ẽẽü̃caꞌ, ngẽmacaꞌ cunangẽmaü̃ tá i maü̃ i taguma gúü̃.
Rü meã nagu narüĩnü nhuãcü ga Yeuwaü̃ ngúü̃ ninge yeguma nüü̃ nadaugu ga Nane nioẽ. Nawa naugütae Juã́ũ 19:1-7, 16-18. Yicama pegümaã pideagü ngẽmatchiga:
-
Taꞌacügu curüĩnü nawa ngẽma Yeuwa rü Ngetchutchu cucaꞌ naügü?
WÜI DUÜ̃Ü̃ CUNA NACA: “Nhuãcü wüitama yatüarü yu tá guãü̃ma ínanguü̃ẽẽ?”
-
Nhuãcü cunangãü̃?
TAꞌACÜ MARÜ NÜÜ̃ CUCUAꞌ?
Yeuwa nüü̃ narüngüma i torü pecadugü rü nagagu i Ngetchutchuarü yu. Rü Ngetchutchuarü yugagu tüü̃ nangẽmaü̃ tá wüi maü̃ i taguma gúü̃.
Ngeü̃rüüü̃ i curü ngãü̃?
-
Tüꞌcüü̃ nayu ga Ngetchutchu?
-
Tüꞌcüü̃ ga Ngetchutchu rü nüicatama ga ‘guü̃ i duü̃ü̃güaü̃́ nanaütanüãü̃’?
-
Nhuãcü i Ngetchutchuarü yu rü cuü̃ tá narüngü̃ẽẽ?
YEERA NACAꞌ NADAU
Nüü̃ nacuaꞌ tüꞌcüü̃ i Ngetchutchuarü maü̃ nameẽtchiü̃ naãéga rü resgate.
“Tüꞌcüü̃ ga Ngetchutchu rü nüicatama guü̃ i ‘duü̃ü̃güaü̃́ nanaütanüãü̃’?” (Artchigu sitewa: jw.org)
Nüü̃ nadau i taꞌacü tá iügü na tüü̃ ínanguü̃ẽẽü̃caꞌ.
“Nhuãcü ga Ngetchutchu i duü̃ü̃güü̃ ínanguü̃ẽẽü̃?” (Artchigu sitewa: jw.org)
Eꞌna Yeuwa tüü̃́ nüü̃ narüngüma i torü taü̃ma i pecadugü?
“Tupanaarü Orearü cagü i marü nangãü̃güü̃” (Dauü̃taecü, 1 maiuarü 2013gu)
Nüü̃ nadau nhuãcü nüü̃ nanguꞌẽẽ i Ngetchutchuarü yutchiga nüü̃ narüngü̃ẽẽü̃.
“Rü tchama marü tama nuwaꞌeü̃ tchiiĩü̃ (Artchigu sitewa: jw.org
a Rü pecadu tama niĩ ngẽguma wüi duü̃ü̃ nanaüguicatama taꞌacü i tchieü̃. Notürü rü Adáü̃gagu rü Ewagagu marü tawa nangẽma i pecadu na tüü̃́ nanangútchaü̃ẽẽ i taꞌacü tchieü̃ inaügü.
