NGÚERUÜ̃ 28
Nhuãcü nüna moẽ cuã i Yeuwa rü Ngetchutchu ügüü̃ cucaꞌ?
Ngẽguma wüi ãmücü cuna nanaãgu wüi ãmare, ngẽmamaã ãũrima cutaãẽ rü cunawaꞌeü̃tchi nüna moẽ cunaãü̃. Yeuwa rü Ngetchutchu tüna nanaãü̃ wüi meẽtchiü̃ ãmare i resgate. Nhuãcü nüna moẽ iãü̃ i Ngetchutchuarü yu?
1. Nhuãcü i Yeuwana rü Ngetchutchuna moẽ iãü̃?
Rü Tupanaarü Ore nüü̃ niu ‘na guãma ya teé ya Ngetchutchuü̃́ yaõgüe rü tüü̃́ nangẽmaü̃caꞌ i maü̃ i taguma gúü̃’. (Juã́ũ 3:16) Notürü nhuãcü tanaweꞌ i tórü õ? Rü tama nüü̃ tiuguicatama na Ngetchutchugu tayaõgü. Notürü ta nüü̃ tanaweꞌ i torü õ rü taꞌacüwa tideetchi rü taꞌacüwa taügüü̃ i torü maü̃wa. (Tiagu 2:17) Ngẽguma tanaweꞌgu i torü õ rü deagügagu rü taꞌacüwa taügüü̃ rü ngẽma nanaporaẽẽ i torü ãmücü i Ngetchutchumaã rü nanatümaã i Yeuwa. — Nawa naugütae Juã́ũ 14:21.
2. Ngeü̃rüüü̃ niĩ i ngutaqueꞌe i meẽtchiü̃ na tüü̃ rüngü̃ẽẽ nüna moẽ nacaꞌ taãgü i taꞌacü Yeuwa rü Ngetchutchu tacaꞌ nanaügü?
Rü tchütacü na yuü̃pa Ngetchutchu ga norü ngúeü̃gümaã nüü̃ niu na nhuãcü nüna moẽ nanaã i norü yu. Rü nüma namaã nüü̃ niu na wüi meẽtchiü̃ ngutaqueꞌe nanaügüü̃caꞌ rü Tupanaarü Ore ngẽma ngutaqueꞌe naãégaü̃ rü ‘Coriarü õna i Üüneü̃gu’ rü ta taãégaü̃ rü Ngutaqueꞌe ya Ngetchutchuarü Yuna Cuaꞌãtchiü̃gu. (1 Corĩ́tiucü̃ãꞌ 11:20) Ngetchutchu nanawaꞌe na norü ngúeü̃gü rü nawena guãma i aicumaü̃tchi õgütanüü̃ rü nüna nacuaꞌãtchigü na tacaꞌ nayu. Rü ngẽmacaꞌ nüma nüü̃ namu: “Rü nhaãcü tá penaü na tchona pecuaꞌãtchieü̃caꞌ.” (Luca 22:19) Ngẽguma i ngutaqueꞌe ya Ngetchutchuarü Yuna Cuaꞌãtchiü̃wa cuũgu, rü ngẽmaãcü nüna moẽ nacaꞌ icunaã na Yeuwa rü Ngetchutchu cuü̃ nangetchaü̃gü.
YEERA NÜÜ̃ CUCUAꞌ
Nüü̃ nadau rü togü nacümagü na nhuãcü rü nüna moẽ cuãü̃ na Yeuwa rü Ngetchutchu poraãcü tüü̃ nangetchaü̃gü. Rü idau ta tüꞌcüü̃ na Ngutaqueꞌe ya Ngetchutchuarü Yuna Cuaꞌãtchiü̃ ãũritchima name.
3. Rü nacümagü na moẽ inaãü̃
Rü cuaꞌãtchiruü̃, tchi cuma deágu cungénetagu rü wüi duü̃ü̃ rü cuü̃ na namaẽü̃. Eꞌna nüü̃ curüngümaü̃ i taꞌacü cucaꞌ nanaü? Urü guü̃guma nacaꞌ nüna moẽ icuã i taꞌacü cucaꞌ nanaüü̃?
Yeuwa tamaã nauegu wüi maü̃ i taguma gúü̃. Nawa naugütae 1 Juã́ũ 4:8-10. Yicama pegümaã pideagü ngẽmatchiga:
-
Tüꞌcüü̃ i Ngetchutchuarü yu wüi meẽtchiü̃ ãmarerüü̃ yiĩü̃?
-
Taꞌacügu curüĩnü i taꞌacütchiga ga Yeuwa rü Ngetchutchu cucaꞌ nanaügüü̃?
Nhuãcü tá nacaꞌ nüna moẽ iãü̃ i taꞌacü ga Yeuwa rü Ngetchutchu tacaꞌ nanaügüü̃? Nawa naugütae 2 Corĩ́tiucü̃ãꞌ 5:15, 1 Juã́ũ 4:11 rü 5:3. Yicama pegümaã pideagü ngẽmatchiga:
-
Ngẽma wetchicurugügu nüü̃ cudaumatüü̃rüü̃, i taꞌacü tá taügüü̃ na nüna moẽ itaãgüü̃caꞌ?
4. Rü Ngetchutchurüü̃ naü
To nacüma na moẽ itaãgüü̃caꞌ niĩ i Ngetchutchurüü̃ taügüü̃. Nawa naugütae 1 Pedru 2:21. Yicama pegümaã pideagü ngẽmatchiga:
-
Nhuãcü tá i Netchutchurüü̃ cuüü̃?
Ngetchutchu nüü̃ nangetchaü̃ ga Tupanaarü Ore rü togümaã nüü̃ niu meü̃ i ore rü nüü̃ narüngü̃ẽẽ ga duü̃ü̃gü
5. Rü Ngutaqueꞌe ya Ngetchutchuarü Yuna Cuaꞌãtchiü̃wa naũ
Rü nüü̃ tacuaꞌgü i taꞌacü nüü̃ nangupetüü̃ nüíra ga ngutaqueꞌewa na ngẽma niĩ ga Coriarü õna i Üüneü̃, nawa naugütae Luca 22:14, 19, 20. Yicama pegümaã pideagü ngẽmatchiga:
-
Taꞌacü nangupetüü̃ yema nüíra ngutaqueꞌe Coriarü õna i Üüneü̃wa?
-
Taꞌacütchiga niĩ pãũ rü wĩũ? — Nüü̃ cudau i wetchicurugü 19 rü 20.
Ngetchutchu nanawaꞌe na norü ngúeü̃gü nanaügüü̃ i ngẽma ngutaqueꞌe ya Coriarü õna i Üüneü̃ guü̃ma i taunecügüarü nguneü̃gutama na nayuü̃. Ngẽmacaꞌ, guü̃ma i taunecügü i Yeuwaarü Orearü Uruü̃gü nangutaqueꞌegüü̃ na Ngetchutchuarü yuna nacuaꞌãtchiü̃güü̃caꞌ rü ngẽmaãcü na Ngetchutchu tüü̃ namuü̃. Yeera nüü̃ nacuaꞌü̃caꞌ ngẽma meẽtchiü̃ ngutaqueꞌetchiga, nüü̃ cudau i VÍDEO. Yicama pegümaã pideagü ngẽmatchiga:
-
Taꞌacü na nangupetüü̃ nhaa i Ngutaqueꞌe ya Ngetchutchuarü Yuna Cuaꞌãtchiü̃wa?
Ngẽma ngutaqueꞌewa, rü pãũ rü meü̃ Ngetchutchuü̃ne nhaü̃tchiga niĩ rü wĩũ nagü nhaü̃tchiga niĩ.
NÜMAÜ̃ DUÜ̃Ü̃GÜ NÜÜ̃ NIU: “Rü cunawaꞌe i Ngetchutchuguicatama yaõ na cuü̃ namaẽẽẽü̃caꞌ.”
-
Ngẽma wetchicurugümaã Juã́ũ 3:16 rü Tiagu 2:17, nhuãcü meã togümaã nüü̃ quiu i taꞌacü yeera tawaꞌe iüü̃ na tüü̃ namaẽẽẽü̃caꞌ?
TAꞌACÜ MARÜ NÜÜ̃ CUCUAꞌ?
Rü ngẽguma Ngetchutchuü̃ tayaõgügu rü Ngutaqueꞌe ya Ngetchutchuarü Yuna Cuaꞌãtchiü̃wa taĩ, rü ngẽmaãcü tanaweꞌgü na moẽ iãgüü̃ nacaꞌ i Ngetchutchu tacaꞌ üü̃.
Ngeü̃rüüü̃ i curü ngãü̃?
-
Nhuãcü tanaweꞌ na Ngetchutchugu tayaõgü?
-
Nhuãcü cunawaꞌe nüna moẽ nacaꞌ icuã i Yeuwa rü Ngetchutchu cucaꞌ ügüü̃?
-
Tüꞌcüü̃ nameẽtchi niĩ na Ngutaqueꞌe ya Ngetchutchuarü Yuna Cuaꞌãtchiü̃wa cuũ?
YEERA NACAꞌ NADAU
Taꞌacü i Ngetchutchuarü yu tüü̃́ nanangútchaü̃ẽẽ tanaügüü̃?
Nüü̃ nacuaꞌ i ngẽmatchiga nhuãcü tanaweꞌ i torü õ.
“Naweꞌ na Yeuwaarü unetagügu cuyaõ.” (Dauü̃taecü, otubruarü 2016gu)
Ngẽma artchiguwa “Nhuꞌma tchame rü tchataãẽ”, rü nüü̃ cudau tá nhuãcü wüi ngeü̃arü maü̃ nanatoraü̃ü̃ yeguma meã nüü̃ icuaꞌgu i tüꞌcüü̃ ga Ngetchutchu tacaꞌ nayu.
“Tupanaarü Ore rü nanaütchicüü i duü̃ü̃güarü maü̃” (Dauü̃taecü, 1 agostuarü 2011gu)
Nüü̃ nadau i tüꞌcüü̃ niĩ nore duü̃ü̃gü na nanangõꞌ i pãũ rü wĩũ naae i Ngutaqueꞌe ya Ngetchutchuarü Yuna Cuaꞌãtchiü̃wa.
