NGÚERUÜ̃ 31
Taꞌacü tá i Tupanaarü Ãẽꞌgacü naü?
Rü Tupanarü Ore nananguꞌẽẽ i Tupanaarü Ãẽꞌgacütchiga, rü ngẽma nanguꞌẽẽtae rü togüarü yeera niĩ. Rü Yeuwaarü Ãẽꞌgacü tá wüi meẽtchiü̃ i natchica i nhama i Naane nanaütchicüü. Notürü, taꞌacü niĩ na meã nanu ngẽma Ãẽꞌgacü? Nhuãcü nüü̃ tacuaꞌgü na i Tupanaarü Ãẽꞌgacü marü namaã inacuaꞌü̃? Taꞌacü i Tupanaarü Ãẽꞌgacü marü nanaüü̃? Taꞌacü tá i Tupanaarü Ãẽꞌgacü naü i wipeꞌewa? Nhaa ngúeruü̃wa rü nai tare ngúeruü̃wa nanangãü̃ tá ngẽma cagü.
1. Taꞌacü niĩ na meã nanu ngẽma Ãẽꞌgacü? Rü teé niĩ na namaã icuaꞌü̃ tá?
Yeuwa meã nanu ngẽma i Ãẽꞌgacü. Rü Nüma rü Ngetchutchuü̃ nideetchi na namaã inacuaꞌü̃caꞌ i dauü̃wa. (Mateu 4:17 rü Juã́ũ 18:36) Rü Tupanaarü Ore nüü̃ niu na Ngetchutchu ‘guü̃gutáma Ãẽꞌgacü niĩ’. (Luca 1:32, 33) Nhuꞌmatchi tórü Ãẽꞌgacü ya Ngetchutchu guü̃ i Naanemaã inacuaꞌü̃ tá.
2. Teé tá niĩ i Ngetchutchumaã wüigu nhama Naanemaã inacuaꞌgü?
Ngetchutchu tama nüicatama namaã inacuaꞌ. Erü ‘i duü̃ü̃gü i nagúü̃raü̃ü̃ i natchiü̃ãnecü̃ãꞌ i nagúü̃raü̃ü̃ i nagawa ideagüü̃ rü namaã wüigu guü̃ i naanemaã inacuaꞌgüü̃caꞌ’. (Apocaríchiu 5:9, 10) Yegumacürüwa ga Ngetchutchu nuã Naanewa naũ rü nhuꞌmatáta i nhuꞌma, rü milhões i duü̃ü̃gü marü õgütanüü̃güü̃ na yiĩgüü̃. Notürü, eꞌna guãma i õgütanüü̃gü i Ngetchutchumaã wüigu rü namaã inacuaꞌgüü̃ tá? Tama. Nhure i duü̃ü̃gü i Cristumaã wüigu tá namaã inacuaꞌgüü̃? Rü 144.000 (cento e quarenta e quatro mil) icatama i duü̃ü̃gü tá i dauü̃wa naĩgü na Ngetchutchumaã wüigu rü Naanemaã inacuaꞌgüü̃caꞌ. (Nawa naugütae Apocaríchiu 14:1-4.) Rü togü i õgütanüü̃gü namaẽ tá nuã nhama i Naanewa. — Salmos 37:29.
3. Tüꞌcüü̃ i Tupanaarü Ãẽꞌgacü narümemaẽ niĩ na i yatüarü ãẽꞌgacügü?
Woo ega i yatüarü ãẽꞌgacügü nanawaꞌegu i ngẽmaü̃gü i meü̃gü nanaügü, rü nüü̃ nagutchaü̃ niĩ erü natauma i pora nanaüü̃caꞌ i ngẽma. Rü ta ngẽguma togü i yatüarü ãẽꞌgacügü nanaütchicüügu, rü bemana tama nanawaꞌe i duü̃ü̃güü̃ narüngü̃ẽẽ. Notürü, Ngetchutchu rü guü̃gutáma tórü Ãẽꞌgacü niĩ erü i Tupanaarü Ore nüü̃ niu na Tupana ‘nayamucutchi i wüi i Ãẽꞌgacü i tagutáma teé iyanaoẽẽcü’. (Daniel 2:44) Ngetchutchu tá guü̃ i Naanemaã inacuaꞌ, rü nacaꞌ nawüiguü̃ i guü̃ma i duü̃ü̃gü ngẽmacaꞌ meãma guãna nadau tá. Rü nüma ngetchaü̃waꞌecü, rü mecümawaꞌecü rü niaicumacü, rü tá i duü̃ü̃güü̃ nanguꞌẽẽ na nügü nangetchaü̃güü̃caꞌ rü togümaã na mecümagüü̃caꞌ rü taꞌacü meü̃gü naügü. — Nawa naugütae Isaías 11:9.
YEERA NÜÜ̃ CUCUAꞌ
Nüü̃ nadau tüꞌcüü̃ i Tupanaarü Ãẽꞌgacü rü yatüarü ãẽꞌgacügüarü yeera narümemaẽ.
4. Rü Tupanaarü Ãẽꞌgacü rü guü̃ma i Naanemaã inacuaꞌü̃ tá
Rü Ngetchutchuarü pora na namaã inacuaꞌü̃caꞌ rü guü̃ma i ãẽꞌgacügüarü yeera niĩ. Nawa naugütae Mateu 28:18. Yicama pegümaã pideagü ngẽmatchiga:
-
Tüꞌcüü̃ i Ngetchutchuarü pora na namaã inacuaꞌü̃caꞌ rü yatüarü ãẽꞌgacügüarü yeera niĩ?
Rü yatüarü ãẽꞌgacügü guü̃guma nanaütchicüü, rü wüitchigü namaã inacuaꞌ i natchiü̃ane. Notürü, taꞌacü i Tupanaarü Ore nüü̃ niu i Tupanaarü Ãẽꞌgacütchiga? Nawa naugütae Apocaríchiu 11:15. Yicama pegümaã pideagü ngẽmatchiga:
-
Rü Tupanaarü Ãẽꞌgacü rü ‘guü̃gutáma namaã inacuaꞌ’, tüꞌcüü̃ name niĩ ngẽmaü̃ cuaꞌ?
-
Rü Tupanaarü Ãẽꞌgacü rü guü̃ma Naanemaã inacuaꞌ, tüꞌcüü̃ name niĩ ngẽmaü̃ cuaꞌ?
5. Rü name tá nanaütchicüüü̃ i nhaa yatüarü ãẽꞌgacügü
Tüꞌcüü̃ tá i Tupanaarü Ãẽꞌgacü rü yatüarü ãẽꞌgacügüü̃ nanaütchicüüü̃? Nüü̃ cudau i VÍDEO. Yicama pegümaã pideagü ngẽmatchiga:
-
Rü yatüarü ãẽꞌgacügügagu, taꞌacü nangupetüü̃ i Naanemaã rü duü̃ü̃gümaã?
Nawa naugütae Miquéias 7:3. Yicama pegümaã pideagü ngẽmatchiga:
-
Cucaꞌ, tüꞌcüü̃ name niĩ i Tupanaarü Ãẽꞌgacü rü yatüarü ãẽꞌgacügüü̃ nanaütchicüü?
6. Yeuwa nüü̃ ideetchiü̃ i ãẽꞌgacügü na meãma tüü̃ nacuaꞌgüü̃
Rü tórü Ãẽꞌgacü ya Ngetchutchu nuã Naanewa namaü̃ü̃ wüi duü̃ü̃rüü̃, rü ngẽmacaꞌ nüma aicuma nüü̃ nacuaꞌ i torü turagü. (Ebréugü 4:15) Rü Yeuwa rü nüü̃ ideetchiü̃ 144.000 (cento e quarenta e quatro mil) rü yatügü rü ngeü̃gü niaicumagüü̃ na Ngetchutchumaã wüigu rü Naanemaã inacuaꞌgüü̃caꞌ, rü ngẽma niĩ “i nagúü̃raü̃ü̃ i duü̃ü̃gü i nagúü̃raü̃ü̃ i natchiü̃ãnecü̃ãꞌ i nagúü̃raü̃ü̃ i nagawa ideagüü̃”. — Apocaríchiu 5:9.
-
Rü Ngetchutchu rü duü̃ü̃güü̃ na namaã wüigu tá Naanemaã inacuaꞌgüü̃ rü meã nüü̃ nacuaꞌgü i torü gutchaü̃gü, taꞌacügu curüĩnü i ngẽmatchiga? Tüꞌcüü̃?
Yeuwa nüü̃ ideetchiü̃ i nagúü̃raü̃ü̃ i yatügü rü ngeü̃gü na Ngetchutchumaã wüigu i Naanemaã inacuaꞌgüü̃caꞌ
7. Rü Tupanaarü mugü rü yatüarü mugüarü yeera narümemaẽ niĩ
Rü yatüarü ãẽꞌgacügü nanaüü̃ i mugü na duü̃ü̃güü̃ narüngü̃ẽẽü̃caꞌ rü nüü̃ ínanapoü̃ü̃. Rü Tupanaarü Ãẽꞌgacü nangẽma mugü ta. Nawa naugütae 1 Corĩ́tiucü̃ãꞌ 6:9-11. Yicama pegümaã pideagü ngẽmatchiga:
-
Tchi guü̃ma i duü̃ü̃gü i Tupanaarü mugüga naĩnüẽgügu, nhuãcü tá niĩ nhama i Naane? a
-
Rü Yeuwa nanawaꞌe na duü̃ü̃gü i norü mugüga naĩnüẽgü, rü cucaꞌ ngẽma weꞌguü̃ niĩ? Tüꞌcüü̃?
-
Ngẽma duü̃ü̃gü na tama i Tupanaarü mugüga naĩnüẽgü, rü nhuguãcü natoraü̃ü̃ i norü ĩnü. Nhuãcü nüü̃ icuaꞌgü i ngẽma? — Nüü̃ cudau i wetchicuru 11.
Rü yatüarü ãẽꞌgacügü nanaügüü̃ i mugü na duü̃ü̃güü̃ ínanapoü̃ü̃caꞌ rü nüü̃ narüngü̃ẽẽ. Rü Tupanaarü Ãẽꞌgacü nangẽma i norü mugü na duü̃ü̃güü̃ ínanapoü̃ü̃caꞌ rü nüü̃ narüngü̃ẽẽ, rü ngẽma mugü guü̃arü yeera narümemaẽ.
WÜI DUÜ̃Ü̃ CUNA NACA: “Taꞌacü tá i Tupanaarü Ãẽꞌgacü naü?”
-
Nhuãcü cunangãü̃ü̃?
TAꞌACÜ MARÜ NÜÜ̃ CUCUAꞌ?
Rü Tupanaarü Ãẽꞌgacü aicuma i dauü̃wa nangemaü̃, rü guü̃ i Naanemaã inacuaꞌü̃ tá.
Ngeü̃rüüü̃ i curü ngãü̃?
-
Teé tá niĩ na Ngetchutchumaã wüigu Naanemaã inacuaꞌgüü̃?
-
Tüꞌcüü̃ i Tupanaarü Ãẽꞌgacü narümemaẽ niĩ na i yatüarü ãẽꞌgacügü?
-
Rü Tupanaarü Ãẽꞌgacü na duü̃ü̃gümaã inacuaꞌü̃ tá, taꞌacü Yeuwa nanawaꞌe na ngẽma duü̃ü̃gü naügüü̃?
YEERA NACAꞌ NADAU
Nüü̃ nadau taꞌacü ga Ngetchutchu nanguꞌẽẽ i ngẽmatchiga rü ngetá niĩ i Tupanaarü Ãẽꞌgacü.
“Eꞌna i Tupanaarü Ãẽꞌgacü i torü maü̃newa nangẽmaü̃?” (Artchigu sitewa: jw.org)
Rü Yeuwaarü Orearü Uruü̃gücaꞌ narümemaẽ niĩ na Tupanaarü Ãẽꞌgacüga naĩnüẽü̃ rü tama i yatüarü ãẽꞌgacüga. Tüꞌcüü̃?
Nüü̃ nadau taꞌacü i Tupanaarü Ore nüü̃ niu natchiga i 144.000 (cento e quarenta e quatro mil) na Yeuwa nüü̃ ideetchiü̃ na Ngetchutchumaã wüigu i Naanemaã inacuaꞌgüü̃caꞌ.
“Teégü niĩ i duü̃ü̃gü na dauü̃wa naĩgü tá?” (Artchigu sitewa: jw.org)
Wüi ngeü̃ na pocuwa iyemaü̃, taꞌacü ngĩü̃ nüü̃ nacuaꞌẽẽ na Tupanaicatama nanameẽẽ tá i guü̃ma gutchaü̃güü̃?
“Tchanawaꞌeü̃ na naanewa natauma i tchieü̃” (Despertai!, nowẽbruarü 2011gu)
a Nüü̃ tadaugü tá nümaü̃gü i mugü natchipeꞌe 3wa rü nhaa poperawa.
