NGÚERUÜ̃ 32

Rü Tupanaarü Ãẽꞌgacü marü namaã inacuaꞌ!

NAPAÜ

Rü dauü̃wa i Tupanaarü Ãẽꞌgacü inaügüü̃ namaã inacuaꞌ ngẽma taunecügu 1914wa. Ngẽma taunecügu naügü na ngẽma yatüarü ãẽꞌgacügüarü nguneü̃gü naguꞌü̃ tá. Nhuãcü nüü̃ tacuaꞌ i ngẽma? Rü nüü̃ tadaugü tá taꞌacü i Tupanaarü Ore nüü̃ niu i ngẽmatchiga. Rü taꞌacü i ngupetüü̃ 1914wena i naanewa.

1. Taꞌacü i Tupanaarü Ore nüü̃ niu i ngẽmatchiga?

Rü Daniel-arü poperawa rü tüü̃́ nüü̃ nacuaꞌẽẽ na Tupanaarü Ãẽꞌgacü inaügüü̃ namaã inacuaꞌ yeguma yacuaꞌgu ga “7 ya taunecü”. (Daniel 4:16, 17) Yeguma Ngetchutchu nuã ga Naanewa nayemagu, rü ngẽmagü sete nguneü̃gü naãéga i natchiü̃ãnegüarü nguneü̃gügu, rü nhuꞌmatchi nüma nanguꞌẽẽü̃ na ngẽma sete nguneü̃gü taũta niguꞌ. (Luca 21:24) Rü ngẽma sete nguneü̃gü marü ningu 1914wa.

2. Taꞌacü nangupetüü̃ nhama Naanewa nawena 1914?

Rü Ngetchutchuarü ngúeü̃gü nüna nacagü: “Nhugu tá nangupetüü̃ i ngẽma nüü̃ cuiuü̃. Rü taꞌacü tá niĩ i norü cuaꞌruü̃ i nawa nüü̃ tacuáü̃ i nhugu tá wena núma na cuũü̃ rü tá na nagúü̃ i naãne?” (Mateu 24:3) Ngetchutchu nüü̃ nanangãü̃ na ngẽguma i dauü̃wa inaügü namaã inacuaꞌgu, muü̃tchiü̃ ngẽmaü̃gü tchieü̃gü nangupetüü̃ tá, cuaꞌãtchiruü̃ wüi i natchiü̃ãne rü to i natchiü̃ãnemaã nügü nadai rü taiya rü naĩãꞌãtchiane. (Nawa naugütae Mateu 24:7.) Rü Tupanaarü Ore nüü̃ yauü̃ nhuãcü tá niĩ i duü̃ü̃gücüma “ngẽguma nagútchaü̃gu i naãne” rü na ‘nüü̃ nangẽma tá i ãũcümaü̃gü rü gutchaü̃gü’. (2 Timúteu 3:1-5) Rü 1914wena ngẽma tchieü̃gü nayamuẽẽ.

3. Yeguma ga Tupanaarü Ãẽꞌgacü inaügüü̃ namaã inacuaꞌgu, tüꞌcüü̃ i tchieü̃gü nayamuẽẽ?

Yeguma ga dauü̃wa ga Ngetchutchu ga Ãẽꞌgacü nayiĩü̃gu, rü nüma ga Tchatanámaã rü norü ngeruü̃gümaã nadaiü̃. Rü Ngetchutchu ga Tchatanáü̃ narüporamaẽü̃. Rü Tupanaarü Ore nüü̃ niu “rü nüma rü norü orearü ngeruü̃gümaã nhama ga naãnegu narüwoü̃”. (Apocaríchiu 12:9, 10, 12) Rü Tchataná poraãcü nanu erü nüü̃ nacuaꞌ na nayu tá. Ngẽmacaꞌ nüma nanaü taütchi i tchieü̃ rü ngẽmamaã i duü̃ü̃güü̃́ nananguꞌẽẽ i guü̃ i Naanewa. Notürü i Tupanaarü Ãẽꞌgacü inayanaoẽẽ tá i guü̃ma i gutchaü̃gümaã.

YEERA NÜÜ̃ CUCUAꞌ

Nüü̃ nadau nhuãcü nüü̃ tacuaꞌgü na i Tupanaarü Ãeꞌgacü inaügüü̃ namaã inacuaꞌ ngẽma taunecü 1914wa. Rü taꞌacü ngẽma tüü̃́ nanangútchaü̃ẽẽ taügü.

4. Rü Tupanaarü Orearü profeciagü naweꞌ na Tupanaarü Ãẽꞌgacü inaügü namaã inacuaꞌ ngẽma taunecü 1914wa

Nüü̃ cudau i VÍDEO.

VÍDEO: Rü Tupanaarü Ãẽꞌgacü inaügüü̃ namaã inacuaꞌ ngẽma taunecü 1914wa (5:02)

Rü Nabucudonochó ga Babiróniaarü ãẽꞌgacü rü Tupana nanaüü̃ naãnegü. Rü ngẽma ãnegüwa Yeuwa nüü̃ nanaweꞌ na taꞌacü tá ngupetüü̃ i wipeꞌewa. Danié namaã nüü̃ niu taꞌacü nhaü̃tchiga niĩ yema ãnegü, rü na ngẽma ãnegü nayanguẽẽü̃ ga Nabucodonochó ga ãẽꞌgacü rü ta Tupanaarü Ãẽꞌgacü. — Nawa naugütae Daniel 4:17. a

Nawa naugütae Daniel 4:20-26, rü nüü̃ nadau i quadru naátüwa 133 na nüü̃ yangauü̃caꞌ i ngãü̃gü i ngẽma cagü:

(A) Taꞌacü Nabucudonochó nüü̃ nadau yema ãnegüwa? — Nüü̃ cudau i wetchicurugü 20 rü 21.
(B) Taꞌacü ga naimaã nangupetüü̃? — Nüü̃ cudau i wetchicuru 23.
(C) Yeguma marü niguꞌgu ngẽma “7 ya taunecü”, taꞌacü niĩ ngupetüü̃? — Nüü̃ cudau i wetchicuru 26.

Ngẽma nai i nanegüwa nüü̃ nadauü̃ rü Tupanaarü Ãẽꞌgacütchiga niĩ.

RÜ PROFECIA (Daniel 4:20-36)

Ãẽꞌgacü

(A) Wüi nai ga mátchaneü̃

Ngãü̃gu nayaüye ngẽma namaã inacuaꞌü̃

(B) “Rü penatuuꞌ ya yima nai rü nagu petchegü” rü nhuꞌmatáta nayanguẽẽ i ngẽma sete nguneü̃gü

Rü wenatáarü namaã inacuaꞌü̃

(C) ‘Rü wenatáarü natchiü̃ãnemaã inacuaꞌü̃’

Nüü̃ nadau nhuãcü nüíra nayanguẽẽ ngẽma profecia:

(D) Taꞌacütchiga niĩ ngẽma nai? — Nüü̃ cudau i wetchicuru 22.
(E) Nhugu nüma ínayatchaãtchiü̃ namaã inacuaꞌü̃? — Nawa naugütae Daniel 4:29-33.
(F) Yeguma marü niguꞌgu ga “7 ya taunecü”, taꞌacü ga Nabucudonochómaã ngupetüü̃? — Nawa naugütae Daniel 4:34-36.

NHUÃCÜ NÜÍRA NAYANGUẼẼ NGẼMA PROFECIA

Ãẽꞌgacü

(D) Rü Babiróniaarü ãẽꞌgacü ga Nabucudonochó

Ngãü̃gu nayaüye ngẽma namaã inacuaꞌü̃

(E) Nawena ngẽma taunecügü 606 rü naü̃pa ya Cristu. Rü Nabucudonochó naãũãẽü̃ rü tama natchiü̃ãnemaã inacuaꞌü̃ ga sete taunecügügu

Rü wenatáarü namaã inacuaꞌü̃

(F) Rü Nabucudonochó nacaꞌ nitaane rü wenaarü natchiü̃ãnemaã inacuaꞌ

Nüü̃ nadau nhuãcü norü tareeꞌpüꞌcünawa nayanguẽẽ ngẽma profecia:

(G) Taꞌacütchiga niĩ ngẽma nai? — Nawa naugütae 1 Crônicas 29:23.
(H) Nhugu nümagü ínayatchaãtchiü̃ namaã inacuaꞌgüü̃? Yeguma Ngetchutchu nhama Naanewa nayemagu, rü taũta nangẽma wüi ãẽꞌgacü na Tupana yamucutchiü̃, taꞌacü nüü̃ tacuaꞌgü i ngẽmawa? — Nawa naugütae Luca 21:24.
(I) Nhugu rü ngetá ngẽma ãẽꞌgacü wenaarü namaã inacuaꞌ?

NHUÃCÜ NORÜ TAREEꞌPÜꞌCÜNAWA NAYANGUẼẼ NGẼMA PROFECIA

Ãẽꞌgacü

(G) Rü iraéutanüü̃güarü ãẽꞌgacügü na Tupana nüü̃ nayamucutchi

Ngãü̃gu nayaüye ngẽma namaã inacuaꞌü̃

(H) Rü ĩãne ga Yerutcharéü̃ nayanaoeü̃ rü iraéutanüü̃güarü ãẽꞌgacügü ínayatchaãtchigü namaã inacuaꞌgüü̃ ngẽma taunecügügu 2.520

Rü wenatáarü namaã inacuaꞌü̃

(I) Rü dauü̃wa i Ngetchutchu inaügü namaã inacuaꞌ

Taꞌacütchiga niĩ ngẽma “7 ya taunecü”?

Ngẽma “7 ya taunecü” i Tupanaarü Orewa rü togawa naümatüü̃ “sete nguneü̃gü”. Ngẽmacaꞌ nhaa ngúeruü̃wa taümatügü tá “sete nguneü̃gü”. Nümaü̃gü i Tupanaarü Orearü wetchicurugü rü tüü̃ nüü̃ nacuaꞌẽẽ i togü wetchicurugü. Cuaꞌãtchiruü̃, Apocaríchiuarü poperawa nüü̃ niu na tamaeꞌpüꞌ i nguneü̃güarü ngãü̃ rü nangẽgumarüü̃ i 1.260 nguneü̃gü. (Apocaríchiu 12:6, 14) Nhuꞌmatchi ngẽma sete nguneü̃gü rü nangẽgumarüü̃ i 2.520 nguneü̃gü. Nhuguãcü i Tupanaarü Ore nüü̃ niu na wüi nguneü̃ nangẽgumarüü̃ i wüi taunecü. (Ezequiel 4:6) Nhaãcü Daniel-arü poperawa nanaweꞌ na ngẽma sete nguneü̃gü nangẽgumarüü̃ i 2.520 taunecügü.

5. Rü naane nayatoraü̃ ga 1914gucürüwa

Nüü̃ cudau i VÍDEO.

VÍDEO: Rü naane nayatoraü̃ ga 1914gucürüwa (1:10)

Ngetchutchu nüü̃ niu taꞌacü i naanemaã nangupetüü̃ tá yeguma nüma inaügügu namaã inacuaꞌ. Nawa naugütae Luca 21:9-11. Yicama pegümaã pideagü ngẽmatchiga:

Ngeü̃rüüü̃ niĩ ngẽma profeciagüwa na nüü̃ cudau nayanguẽẽ i nhuꞌma?

Rü Ngetchutchuarü ngúeü̃ ga Pauru nüü̃ niuü̃ nhuãcü niĩ tá i duü̃ü̃gücüma ngẽguma nagútchaü̃gu i yatüarü ãẽꞌgacügü. Nawa naugütae 2 Timúteu 3:1-5. Yicama pegümaã pideagü ngẽmatchiga:

Cucaꞌ i duü̃ü̃gü ngẽmaãcü nanaü i nhuꞌma?

6. Tanawaꞌe i Tupanaarü Ãẽꞌgacüü̃ tarüngü̃ẽẽ

Nawa naugütae Mateu 24:3, 14. Yicama pegümaã pideagü ngẽmatchiga:

Ngeü̃rüüü̃ i puracü nanaweꞌ na Tupanaarü Ãẽꞌgacü marü namaã inacuaꞌü̃?
Nhuãcü tá nagu cuã ngẽma puracü?

Rü Tupanaarü Ãẽꞌgacü rü marü dauü̃anemaã inacuaꞌ rü marü ningaica i nguneü̃ na guü̃ma i Naanemaã inacuaꞌü̃ tá. Nawa naugütae Ebréugü 10:24, 25. Yicama pegümaã pideagü ngẽmatchiga:

Ngẽguma marü ningaicagu i ngẽma nguneü̃, taꞌacü tanawaꞌe taügü?

Tchi nüü̃ cucuaꞌgu taꞌacütchiga tá i duü̃ü̃güü̃ rüngü̃ẽẽ rü nüü̃ ínanguü̃ẽẽ, nhuꞌmatchi taꞌacü tá cuüü̃?

WÜI DUÜ̃Ü̃ CUNA NACA: “Tüꞌcüü̃ i Yeuwaarü Orearü Uruü̃gücaꞌ narümemaẽ niĩ i ngẽma taunecü 1914?”

Ngeü̃rüüü̃ i curü ngãü̃?

TAꞌACÜ MARÜ NÜÜ̃ CUCUAꞌ?

Rü Bíbliaarü profeciagü rü taꞌacü i naanemaã nangupetüü̃, nanaweꞌ na i Tupanaarü Ãẽꞌgacü marü namaã inacuaꞌü̃. Rü tanaweꞌ na ngẽmagu tayaõgü ngẽguma togümaã nüü̃ tiugügu i meü̃ i ore rü ngutaqueꞌegüü̃ taĩnüẽgügu.

Ngeü̃rüüü̃ i curü ngãü̃?

Taꞌacü nüü̃ nangupetüü̃ yeguma niguꞌgu ngẽma sete nguneü̃gü?
Taꞌacü cuü̃́ nüü̃ nacuaꞌẽẽ na Tupanaarü Ãẽꞌgacü inaügüü̃ namaã inacuaꞌ i 1914wa?
Nhuãcü tá cunaweꞌ na nagu cuyaõ i Tupanaarü Ãẽꞌgacü marü namaã inacuaꞌ?

Nhaa ngúeruü̃ rü nagu niguꞌ nguneü̃:

Ngẽma naü

Cugü cuporaẽẽ na Yeuwaarü Orearü Uruü̃ quiĩü̃caꞌ.

Rü to:

Ngema nawa nangutchaü̃ü̃