Yegumacürüwa cunaügü i Tupanaarü Ore cunguꞌ, marü nagu curüĩnü na nhuãcü yeeraãcü Yeuwana cungaicamaü̃? Cunawaꞌe na yeeraãcü namaã cuãmücü ya Tupana? Nüna cuaꞌãtchi tchi yeera Yeuwaü̃ cungetchaü̃gu rü yeeraãcü tá Yeuwa cuna nadau rü cuü̃ nangetchaü̃. Notürü nhuãcü tá cunaweꞌ na Yeuwaü̃ cungetchaü̃?

1. Nhuãcü tá naweꞌ na Yeuwaü̃ ingetchaü̃gü?

Tanaweꞌ na Yeuwaü̃ ingetchaü̃gü ngẽguma naga iĩnüẽgügu. (Nawa naugütae 1 Juã́ũ 5:3.) Nüma rü tama duü̃ü̃güü̃ namu na ngẽma naügü. Wüitchigü i yiema tanaweꞌ tá tchi tanawaꞌegügu naga taĩnüẽgü urü tama. Tüꞌcüü̃? Erü Yeuwa nanawaꞌe na ‘aixcuma naga taxĩnüẽgü’. (Romacü̃ãꞌ 6:17) Yeuwa poraãcü nanawaꞌe na nüü̃ cungetchaü̃ rü guü̃ curü maü̃nemaã. Rü natchipeꞌegü 3 rü 4wa rü ngẽma poperawa rü cuü̃ narüngü̃ẽẽ tá na yeera cunaweꞌü̃ na nüü̃ cungetchaü̃ ya Tupana ya Yeuwa rü tare nacümaãgü: Cunaü i ngẽma taꞌacü nüü̃ meü̃ rü taũtama cunaü i taꞌacü nüma natchi naaiü̃.

2. Tüꞌcüü̃ nagutcha nanaweꞌü̃ na Yeuwaü̃ ingetchaü̃gü?

“Rü yimá yatü ya mecü rü nawa nangupetü i muxü̃ma i guxchaxü̃gü.” (Salmos 34:19) Guü̃ i yiema muü̃ i gutchaü̃gü tüü̃ nangẽma. Rü gutchaü̃ tüü̃ nangupetü nagagu natauma i dĩẽru rü ngẽguma togü tüü̃ naügügu nagúü̃raü̃ü̃ i tchieü̃gü. Ngẽguma gutchaü̃gü tüü̃ nangupetügu rü bemana yeeraãcü tüü̃ nagutchagü na Yeuwaarü ngútchaü̃ taügüü̃caꞌ. Ngẽma nangupetü erü tüü̃ natautchagümare na tama naga taĩnüe ya Yeuwa. Notürü ngẽguma cugü cuporaẽẽamagu na naga cuĩnü, rü nüü̃ cunaweꞌ na aicumaü̃tchi nüü̃ cungetchaü̃ rü namaã quiaicumaü̃. Ngẽmacaꞌ ya Yeuwa rü cumaã tá niaicuma rü taugutáma cuü̃ nawomüẽẽ. — Nawa naugütae Salmos 4:3.

4. Rü Yeuwaü̃ nataãẽẽẽ

Nawa naugütae Provérbios 27:11. Yicama pegümaã pideagü ngẽmatchiga:

• Ngẽguma cuügu i taꞌacü weꞌguü̃ i Yeuwapeꞌewa rü naga cuĩnü, rü taꞌacü nagu narüĩnü ngẽmatchiga? Tüꞌcüü̃?

 5. Cuma tá Yeuwamaã quiaicumaü̃

6. Nameẽtchima na guü̃guma na Yeuwaga naĩnü

Poraãcü nameẽtchi na guü̃guma Yeuwaga naĩnüẽü̃. Isaías 48:17, 18wa nhanagürü: “Rü tchama ya Yeuwa rü perü Ngü̃ẽẽruü̃ tchiĩ, rü Iraéutanüü̃güarü Tupana ya Üünecü tchiĩ, rü nhatchagürü: ‘Tchama ya Yeuwa ya curü Tupana tchiĩ, ya yimá cuü̃ nguꞌẽẽcü i taꞌacü i yeeraü̃ curü mecaꞌ iĩü̃, ya yimá cumaã cuácü i ngẽma nama i nagu quiũü̃wa. Nametchi ngẽguma nacaꞌ curüĩnügu i tchorü mugü, rü nhamatchi wüi i natürüü̃ cumeãẽ, rü guü̃matchi ngẽma taꞌacü i meü̃ i cuüü̃ rü nhamatchi már-arü yuapegürüü̃tchi niĩgü.’” Yicama pegümaã pideagü ngẽmatchiga:

• Nagu cuyaõ na Yeuwa nüü̃ nacuaꞌ i taꞌacü tacaꞌ rümemaẽü̃ niĩ? Tüꞌcüü̃?

• Nhuãcü Tupanaarü Orecaꞌ cunguꞌ rü Yeuwaü̃ cucuaꞌü̃, rü nhuãcü i ngẽma cuü̃ narüngü̃ẽẽ?

 TAꞌACÜ MARÜ NÜÜ̃ CUCUAꞌ?

Ngẽguma i Yeuwaga cuĩnügu rü namaã quiaicumacü, ngẽmaãcü nüü̃ cunaweꞌ na nüü̃ cungetchaü̃.

Ngeü̃rüüü̃ i curü ngãü̃?

• Taꞌacü Yóarü cuaꞌruü̃wa nacaꞌ cunguꞌü̃?

• Nhuãcü nüü̃ cunaweꞌ na nüü̃ cungetchaü̃ ya Yeuwa?

• Taꞌacü tá cuü̃ rüngü̃ẽẽ na namaã quiaicuma ya Yeuwa?