NGÚERUÜ̃ 35

Nhuãcü tá meü̃ i deetchi iügü?

NAPAÜ

Guẽma i yiema tanawaꞌegü meü̃ i uneta iügüü̃. Rü nümaü̃ uneta rü tórü maü̃ü̃ rü tórü Yeuwamaã ãmücüü̃ tá narüngü̃ẽẽ rüeꞌna tama. Cuaꞌãtchiruü̃, bemana nüü̃ iuneta ngetá tá imaü̃ urü nhuãcü dĩẽru tüü̃ ngẽmaü̃ urü ingĩgü rüeꞌna tama. Tchi ngẽguma meü̃ i uneta iügügu rü tórü maü̃gu rü yeera tataãẽgü rü Yeuwaü̃ tataãẽẽẽ.

1. Nhuãcü i Tupanaarü Ore cuü̃ narüngü̃ẽẽ na meã nüü̃ cuunetaü̃caꞌ i ngẽma cuü?

Naü̃pa cunaüü̃ wüi uneta rü name niĩ Yeuwacaꞌ cuyumüẽ rü nacaꞌ ícuca na cuü̃ narüngü̃ẽẽü̃caꞌ, rü ta nüü̃ cudau i taꞌacü Tupanaarü Ore nüü̃ niu i ngẽmatchiga. (Nawa naugütae Provérbios 2:3-6.) Nhuguãcü Yeuwa rü tüna nanaã wüi mu i meã ngóü̃, nhuꞌmatchi name niĩ cuunetaü̃ cuü rü ngẽma muga cuĩnü.

Notürü tchi Tupanaarü Orewa nataugu wüi i mu ngóü̃ na nüü̃ niu taꞌacü cunawaꞌe cuü, Yeuwa tá “cumaã inacuaꞌ i ngẽma nama nagu quiũü̃wa”. (Isaías 48:17) Nhuãcü? Rü Tupanaarü Ore nangẽma i ucuꞌẽgü rü cuü̃ tá narüngü̃ẽẽ. Rü ngẽma ucuꞌẽgü rü aicumaü̃tchi yiĩ rü tüü̃ narüngü̃ẽẽ na meã nüü̃ icuaꞌẽẽgüü̃caꞌ i taꞌacü Yeuwa nagu rüĩnü. Rü nüü̃ tacuaꞌgü i taꞌacü Yeuwa nagu narüĩnü ngẽguma i Tupanaarü Ore iugütaegügu, rü ngẽma tüü̃ narüngü̃ẽẽ meã nüü̃ iuneta i taꞌacü nüü̃ meü̃.

2. Taꞌacü tá cuü naü̃pa na wüi uneta cuüü̃?

Rü Tupanaarü Orewa nhanagürü: “Natürü ngẽma naãẽxü̃ cuáxü̃ rü mea nanangugü i nacüma naxü̃pa nax nagu yaxũxü̃.” (Provérbios 14:15) Rü ngẽma tüü̃ nangueꞌẽẽ naü̃pa na wüi uneta i iügüü̃, rü tanawaꞌegü meã nagu tarüĩnü i ngẽmatchiga. Rü name na cuãẽwa cugüna naca: ‘Ngeü̃rüüü̃ i Tupanaarü ucuꞌẽgü na nawüigu ngẽma natchigamaã? Nhaã uneta tchona tá nanaãü̃ i taãe? Nhuãcü tá togü nayaugü i tchorü uneta?’ Rü ngẽmaẽtüwa: ‘Rü ngẽma na nüü̃ tchaunetaü̃ rü Yeuwaü̃ nataãẽẽẽ tá?’ — Deuteronômio 32:29.

Yeuwaicatama tamaã nüü̃ iucü i taꞌacü meü̃ rü taꞌacü tama meü̃. Ngẽguma meã nüü̃ icuaꞌgu i norü mugü rü norü ucuꞌẽgü rü yigü taporaeẽẽ na naga iĩnüẽü̃caꞌ, rü ngẽmaãcü tanangúeẽẽ i taãẽ. Rü taãẽwatama niĩ rü tüü̃ nüü̃ nadauẽẽ na nüü̃ icuaꞌgüü̃caꞌ i taꞌacü na yiĩü̃ i meü̃ rü taꞌacü na yiĩü̃ i tchieü̃. (Romacü̃ãꞌ 2:14, 15) Ngẽguma tanangúeẽẽgu i taãẽ rü ngẽma tüü̃ tá rüngü̃ẽẽ na meü̃ i unetagü iügüü̃caꞌ.

YEERA NÜÜ̃ CUCUAꞌ

Nüü̃ nadau nhuãcü i Tupanaarü ucuꞌẽgü rü torü taãẽü̃ tüü̃ narüngü̃ẽẽ na meã nüü̃ taunetagüü̃caꞌ.

3. Nayau na Tupanaarü Ore cumaã cuáü̃

Ngẽguma tá taügügu wüi uneta, nhuãcü i Tupanaarü ucuꞌẽgü tüü̃ narüngü̃ẽẽ? Nüü̃ cudau i VÍDEO. Yicama pegümaã pideagü ngẽmatchiga:

VÍDEO: Na Tupanaarü ucuꞌẽgü guü̃gu tüü̃ narüngü̃ẽẽ (5:54)

Taꞌacü niĩ Yeuwa nanawaꞌe na iügüü̃?
Tüꞌcüü̃ Yeuwa nanawaꞌe na tórütama unetagü iügüü̃?
Taꞌacü Yeuwa tüna naãü̃ na tüü̃ narüngü̃ẽẽ na meü̃ i uneta iüü̃caꞌ?

Nüü̃ nadau wüi i Tupanaarü Orearü ucuꞌẽ, rü nawa naugütae Piripucü̃ãꞌ 1:10. Yicama pegümaã pideagü ngẽmatchiga ‘nhuãcü meã cunangugüü̃ i taꞌacü niĩ i aicuma meü̃ i Tupanapeꞌewa’:

Guü̃guma i Tupanaarü Orewa naugütae.
Wüi nate urü namaꞌ, rü papa urü mama, rü nane urü naacü nameẽtchi niĩ.
Guü̃guma ngutaqueꞌegüwa ínanguü̃.

4. Nanguꞌẽẽ i cuãẽ na meã cuunetaü̃ cuüü̃caꞌ

Ngẽguma i Tupanaarü Ore meã ngóü̃ nüü̃ niugu i taꞌacü nanaütchaü̃ rü ngẽmaãcü natautcha niĩ na nüü̃ icuaꞌ na taꞌacü tá iü. Notürü, tchi i Tupanaarü Orewa natauma meã nüü̃ niu i ngẽmatchiga? Nüü̃ cudau i VÍDEO. Yicama pegümaã pideagü ngẽmatchiga:

VÍDEO: “Rü cugüãẽwa nüü̃ nacuaꞌ na aicuma nameü̃” (5:13)

Vídeowa nanaweꞌ na Yeuwaü̃ nataãẽü̃caꞌ i taꞌacü wüie taeya taüü̃ na tümaãẽ tanguꞌẽẽü̃caꞌ rü ngẽmaãcü meã iunetagü taü?

Tüꞌcüü̃ tanawaꞌe na tórütama unetagü iügüü̃? Nawa naugütae Ebréugü 5:14. Yicama pegümaã pideagü ngẽmatchiga:

Nhuguãcü yeera natautcha na togüna icaꞌgü na tamaã nüü̃ yaugüü̃caꞌ na taꞌacü iügüü̃. Notürü tüꞌcüü̃ tanawaꞌe na wüitchigü nüü̃ unetagüü̃ i taꞌacü weꞌguü̃?
Taꞌacü tá cuü̃ rüngü̃ẽẽ na meã cuãẽ cunguꞌẽẽü̃caꞌ na ngẽmaãcü meã uneta cuüü̃?

Naãẽ rü nhama maparüü̃ tüü̃ narüngü̃ẽẽ na meü̃ uneta iügüü̃caꞌ na ngeü̃rüüü̃ tá ngẽma nama i nagu iũcü

5. Nüü̃ nangetchaü̃ i togü i duü̃ü̃güarü ĩnügü

Wüitchigü i duü̃ü̃gü rü natoraü̃ü̃, ngẽmacaꞌ wüitchigü natoraü̃ i norü uneta. Nhuꞌmatchi nhuãcü tanaweꞌ na nüü̃ tangetchaü̃ i togü i duü̃ü̃güarü ĩnügü. Nüü̃ nadau tare cuaꞌruü̃:

Cuaꞌruü̃ 1: Wüie ya taeya ngĩü̃ name na ngĩgü na maquiayiü̃, rü to yaõgüü̃tücumütanüwa iũ, rü ngẽ́ma togü taeyagücaꞌ rü tama nüü̃ namegü ngẽguma nüü̃ nadaugu i to i ngeü̃gü nügü na maquiayigügu.

Nawa naugütae Romacü̃ãꞌ 15:1 rü 1 Corĩ́tiucü̃ãꞌ 10:23, 24. Yicama pegümaã pideagü ngẽmatchiga:

Wetchicurugürüü̃ taꞌacü bemana taeya taüü̃ tá? Taꞌacü tá cuüü̃ ngẽguma wüi duü̃ü̃tawa cungẽmagu rü nacaꞌ tama namegu i ngẽma cuüü̃ i cuãẽ cuyau?

Cuaꞌruü̃ 2: Wüi taeneẽ nüü̃ nacuaꞌ na Tupanaarü Ore tama nanatchuꞌu na meãmare nüü̃ icuaãcü na iae, notürü nüma rü marü tama nanawaꞌe naae, rü nhuꞌmatchi wüi taeneẽ rü nüna nau na patawa natchibüü̃caꞌ rü ngẽ́ma nüü̃ nadau i togü taeneẽgü rü naae.

Nawa naugütae Luca 6:37 rü Romacü̃ãꞌ 14:1, 10. Yicama pegümaã pideagü ngẽmatchiga:

Wetchicurugürüü̃, taꞌacü tá taeneẽ naü? Taꞌacü tá cuü ngẽguma tchi wüi duü̃ü̃tawa cungẽmagu rü nanaü i taꞌacü i cuãẽ tama yau?

Taꞌacü tá iügüü̃ na meü̃ uneta iügüü̃caꞌ?

1. Yeuwacaꞌ cuyumüẽ na nüna cucaꞌü̃caꞌ na cuü̃ narüngü̃ẽẽ na meü̃ uneta cuüü̃caꞌ. — Tiagu 1:5.

2. Naü nacaꞌ cudauü̃ i Tupanaarü Oregu rü ta tórü poperagügu na meã nüü̃ cuyangauü̃caꞌ i ucuꞌẽgü rü cuü̃ narüngü̃ẽẽ tá. Rü ta namaã idea i taeneẽgü rü taeyagü i nhuguma nüü̃ rücuaꞌmaẽgüü̃.

3. Nagu rüĩnü na nhuãcü i curü uneta rü cuãẽü̃ natchieẽẽü̃ tá rü togü duü̃ü̃gü.

NÜMAÜ̃ DUÜ̃Ü̃GÜ NÜÜ̃ NIU: “Marü rü tchorü niĩ, tchanaü i taꞌacü tchanawaꞌe tchoü̃ natauraü̃ i taꞌacü togü nagu rüĩnü.”

Tüꞌcüü̃ tanawaꞌegü nüü̃ icuaꞌ i taꞌacü Tupana nagu rüĩnü i togü duü̃ü̃gü ta?

TAꞌACÜ MARÜ NÜÜ̃ CUCUAꞌ?

Na meü̃ uneta iügüü̃caꞌ tanawaꞌegü na nüü̃ icuaꞌgü na taꞌacü Yeuwa nagu rüĩnü ngẽmatchiga rü meã nangugüü̃ na nhuãcü tá togü nüü̃ nadau ngẽma tórü uneta.