Guãma inawaꞌegü aicuma i meü̃ i duü̃ü̃gümaã iãmücügüü̃. Yeuwa ta nanawaꞌe i ngẽma. Notürü nangẽma muü̃ma i duü̃ü̃gü tama i aicuma meü̃ yiĩgü i nhuꞌma. Rü ngẽmacaꞌ nagutcha niĩ aicuma meü̃ yiĩgu. Nhuꞌmatchi tüꞌcüü̃ name na aicuma meü̃ yiĩü̃?

1. Tüꞌcüü̃ nameẽtchi na aicuma i meü̃ yiĩgüü̃?

Ngẽguma iaicuma meü̃ yiĩgu rü tanaweꞌgü na Yeuwaü̃ tangetchaü̃. Rü ngẽmagu narüĩnü: Yeuwa rü nüü̃ nacuaꞌ guü̃ma i taꞌacü iügü rü taꞌacü nagu irüĩnü. (Ebréugü 4:13) Ngẽguma nüü̃ taunetagu aicuma meü̃ yiĩü̃ rü Yeuwa nüü̃ nadau rü ngẽmamaã nataãẽ. Rü norü Ore nüü̃ niu: “Tupana rü nüxü̃ naxo i ngẽma chixexü̃gu maxẽxü̃, natürü tüxü̃́ nanatauxchaxẽxẽ nax namaxã taxãmücügüxü̃ ya yíxema mexü̃gu maxẽxe.” — Provérbios 3:32.

2. Nhuãcü tá aicumacü yiĩ wüitchigü i nguneü̃gu?

Yeuwa nanawaꞌe na guãmaã ‘aicumaü̃ tiugü’. (Epéchiucü̃ãꞌ 4:25) Rü ngẽmacaꞌ taguma doraü̃ tiugü i tatanüü̃maã, rü duü̃ü̃gümaã na taü̃tawa puracüeü̃, rü taeneẽgümaã rü taeyagümaã natücumüwa urü ãẽꞌgacügümaã. Teé aicuma yiĩü̃ rü taguma nangĩ́taaꞌ rü bai togüü̃ nawomüẽẽ. (Nawa naugütae Provérbios 24:28 rü Epéchiucü̃ãꞌ 4:28.) Rü duü̃ü̃ aicuma yiĩü̃ rü nüü̃ nanaütanü i ngẽma dĩẽru i norü ãẽꞌgacügü nagu unetaü̃ẽꞌpüꞌ. (Romacü̃ãꞌ 13:5-7) Nhaãcü “tanaxwa̱xe na guxü̃guma ngẽmaãcü tanaxüxü̃”. — Ebréugü 13:18.

3. Tüꞌcüü̃ nameẽtchi aicumaü̃ yiĩ?

Ngẽguma aicumaü̃ tiĩgügu rü duü̃ü̃gü tüü̃ nayaõgü. Ngẽmaãcü tatücumüwa meã yigümaã tamaẽgü wüi natanüü̃rüü̃ aicumaü̃ tiĩgü. Rü ta yigüãẽwatama nüü̃ tacuaꞌgü na torü maü̃ rü aicuma nameü̃ i Tupanapeꞌewa. Ngẽguma aicuma tiĩgügu ‘rü togü tá nüxü̃ nadaugü na ñuxãcü aixcüma namexẽchixü̃ i ngẽma ore i nüxü̃ namaã ingúexẽẽxü̃ nachiga ya Tupana ya tórü maxẽxẽẽruü̃’ ngẽma tüü̃́ nanangútchaü̃ẽẽ tá na nüü̃ nacuaꞌü̃caꞌ i Yeuwatchiga. — Titu 2:10.

 YEERA NÜÜ̃ CUCUAꞌ

5. Name na aicuma yiĩü̃ guü̃ma i taꞌacü taüü̃wa

 6. Aicumaü̃ tiĩgü ngẽma niĩ i torü mecaꞌ

Ngẽguma aicumaü̃ tiĩgügu, nhuguãcü nümaü̃gü gutchaü̃gü tüü̃ nangupetü. Notürü nameẽtchima na guü̃guma aicuma tiĩgüü̃. Nawa naugütae Salmos 34:12-16. Yicama pegümaã pideagü ngẽmatchiga:

• Ngẽguma aicuma tiĩgu, nhuãcü ngẽma tüü̃ narüngü̃ẽẽ tá i torü maü̃wa?

1. Ngẽguma wüi ngĩcü nügümaã aicuma niĩgügu ngẽma tá i norü ngĩü̃ naporaẽẽ

2. Ngẽguma i puracütanüü̃gü aicuma niĩgügu rü norü ãẽꞌgacü yeera nagu nayaõ tá

3. Ngẽguma i duü̃ü̃gü wüi ĩãnecü̃ãꞌ rü aicuma niĩgügu rü ãẽꞌgacügü nüü̃ tá nangetchaü̃gü

 TAꞌACÜ MARÜ NÜÜ̃ CUCUAꞌ?

Yeuwa nanawaꞌe na namücügü rü guü̃guma aicuma niĩgü i norü deagüwa rü taꞌacü naüü̃wa.

Ngeü̃rüüü̃ i curü ngãü̃?

• Nhuãcü tá aicuma tiĩgü wüitchigü i nguneü̃gu?

• Tüꞌcüü̃ tama name na nagu tarüĩnü na Tupana tama nüü̃ nadau i taꞌacü iügüü̃?

• Tüꞌcüü̃ cunawaꞌe i aicuma quiĩ guü̃ma i taꞌacü cuüü̃wa?