NGÚERUÜ̃ 37
Taꞌacü i Tupanaarü Ore nüü̃ niu natchiga i puracü rü dĩẽru?
Cuma marü cuoégaãẽü̃ i puracügagu rü dĩẽrugagu? Nhuguãcü tüü̃ nagutcha ipuracüü̃ i tapatacü̃ãꞌna idau rü ta nacaꞌíra idau i Tupanaü̃ icuaꞌüü̃güü̃. Notürü i Tupanaarü Orewa nangẽma meü̃ ucuꞌẽgü na tüü̃ tá rüngü̃ẽẽü̃.
1. Taꞌacü i Tupanaarü Ore nüü̃ niu i puracütchiga?
Tupana nanawaꞌe na taãẽmaã tapuracüe. Rü Tupanaarü Ore nüü̃ niu “rü ngẽma rümemaexü̃ nüxü̃́ ya yimá yatü nixĩ nax nachibüxü̃ rü naxaxexü̃ rü nangṍõxü̃ i ngẽma norü puracütanü”. (Eclesiastés 2:24) Yeuwa napuracüütchi. Rü nhuãcü tá narüü̃ taügü? Tanawaꞌegü yigü taporaẽẽ na meã tórü puracü iügüü̃caꞌ. Ngẽmaãcü Yeuwa tá tamaã nataãẽ rü ngẽmamaã tataãẽgü ta.
Rü puracü nameẽtchi niĩ. Notürü tama tanawaꞌegü na i tórü puracü rü Yeuwaü̃ yacuaꞌüü̃güarü yeera niĩ. (Juã́ũ 6:27) Tchi i Yeuwacaꞌíra tadaugu i tórü maü̃wa rü tamaã nanauegu na tüna nanaã tá i taꞌacü inawaꞌegü na meã imaẽü̃caꞌ.
2. Taꞌacü i Tupanaarü Ore nüü̃ niu i dĩẽrutchiga?
Rü Tupanaarü Ore nüü̃ niu i ngẽma dĩẽru rü wüi poü̃ruü̃ niĩ. (Provérbios 10:15) Notürü ta nawa nüü̃ tacuaꞌgü na tama tanawaꞌe i dĩẽruicatama na itaãẽgüü̃caꞌ. Ngẽmacaꞌ i Tupanaarü Ore tamaã nüü̃ niu ‘rü tama name na dĩẽruguama tarüxĩnüẽxü̃’, notürü name na namaã tataãẽgü i ngẽma marü tüü̃ ngẽmaü̃. (Nawa naugütae Ebréugü 13:5.) Tchi ngẽma ucuꞌẽgüga taĩnüẽgügu rü tama tarümaãtchi tá, rü nagu tarüĩnüe i taꞌacü tüü̃ tauü̃. Rü tá nüü̃ tarüoe i ngetanü. (Provérbios 22:7) Rü tama tá i ngeü̃rüü̃́emare taügü na tüü̃ nangẽmagüü̃caꞌ i dĩẽru rü bai taĩnücaꞌwaꞌe tá i dĩẽrucaꞌ.
3. Nhuãcü tá i tórü dĩẽrumaã togüü̃ rüngü̃ẽẽ?
Yeuwa ngetchaü̃waꞌeü̃ niĩ rü ‘ngẽguma ítamemaregü togüna naxããxgu rü namaã tangauxü̃ i torü ngẽmaü̃xgü’. (1 Timúteu 6:18) Ngẽmaãcü narüü̃ taügü ngẽguma inaãwaꞌegu i tórü dĩẽru i yaõgüü̃tücumüü̃ tarüngü̃ẽẽü̃caꞌ rü ngẽguma nüü̃ rüngü̃ẽẽgügu i ngẽma ngü̃ẽẽwaꞌegüü̃, notürü guü̃arü yeera nameẽtchi na taeneẽgüü̃ urü taeyagüü̃ tarüngü̃ẽẽ. Rü Yeuwacaꞌ nameẽtchi i tüꞌcüü̃ na inaãwaꞌeü̃ i tórü dĩẽru rü tama nhure i dĩẽru itaãwaꞌe. Ngẽguma i tórü ngútchaü̃maã togüü̃ tarüngü̃ẽẽgu ngẽma tá tüna nanaã i taãẽ rü Yeuwa tamaã nataãẽ tá. — Nawa naugütae Puracügü 20:35.
YEERA NÜÜ̃ CUCUAꞌ
Nüü̃ nadau tüꞌcüü̃ name na Yeuwaü̃ yacuaꞌüü̃güü̃ rü puracüarü yeera nameẽtchi niĩ. Rü ta namaã tataãẽgü i ngẽma marü tüü̃ ngẽmaü̃.
4. Yeuwaü̃ quicuaꞌüü̃ tá ngẽguma meã cupuracügu
Ngẽguma Yeuwamücü iĩgügu ngẽma tá tüü̃ narüngü̃ẽẽ na meã i torü puracü iügüü̃caꞌ. Nüü̃ cudau i VÍDEO. Yicama pegümaã pideagü ngẽmatchiga:
-
Vídeowa nanaweꞌü̃ nhuãcü ga Jonas i norü puracü naüü̃, rü taꞌacü yeera cuü̃ name na natchigaü̃ cucuaꞌü̃?
-
Nhuãcü nüma nanaweꞌü̃ na Yeuwaü̃ nicuaꞌüü̃ rü yeera puracüü̃ narümemaẽü̃?
Nawa naugütae Corochacü̃ãꞌ 3:23, 24. Yicama pegümaã pideagü ngẽmatchiga:
-
Tüꞌcüü̃ nameẽtchi na puracütanüü̃ meü̃ tiĩgü?
Rü puracü nameẽtchi niĩ. Notürü tama tanawaꞌegü na i tórü puracü rü Yeuwaü̃ yacuaꞌüü̃güarü yeera niĩ.
5. Name na namaã tataãẽgü i ngẽma marü tüü̃ ngẽmaü̃
Muü̃tchiü̃ i duü̃ü̃gü rü dĩẽruguama narüĩnüẽ, notürü i Tupanaarü Ore tüü̃ naucuꞌẽ toraü̃ãcü nacüma iügüü̃caꞌ. Nawa naugütae 1 Timúteu 6:6-8. Yicama pegümaã pideagü ngẽmatchiga:
-
Ngeü̃rüüü̃ niĩ i ucuꞌẽgü na tüna naã i Tupanaarü Ore?
Woo na tüü̃ nangẽmaü̃ nore ngẽmaü̃gü, rü ngẽmamaã tataãẽgü. Nüü̃ cudau i VÍDEO. Yicama pegümaã pideagü ngẽmatchiga:
-
Woo nüü̃ nangẽmaü̃ nore dĩẽru, taꞌacü natanüü̃güü̃ nataãẽẽẽ?
Tchi wüi duü̃ü̃ marü dĩẽruãü̃gu notürü nacaꞌ nadauama na yeera nadĩẽruãü̃caꞌ, tüꞌcüü̃ ngẽma naãũcümaü̃? Ngetchutchu wüi cuaꞌruü̃wa namaã nüü̃ niuü̃ i ngẽmatchiga. Nawa naugütae Luca 12:15-21. Yicama pegümaã pideagü ngẽmatchiga:
-
Taꞌacü nüü̃ cucuaꞌ ngẽma Ngetchutchuarü cuaꞌruü̃wa? — Nüü̃ cudau i wetchicuru 15.
Nawa naugütae Provérbios 10:22 na meã cunangugüü̃caꞌ namaã 1 Timúteu 6:10. Yicama pegümaã pideagü ngẽmatchiga:
-
Taꞌacü cucaꞌ yeera nameẽtchi niĩ: Yeuwamücü quiĩ urü cumuarü diẽruãü̃? Tüꞌcüü̃?
-
Ngẽguma wüi duü̃ü̃ dĩẽruguama rüĩnügü, ngeü̃rüüü̃ niĩ i gutchaü̃gü nüü̃ ngupetüü̃ tá?
6. Yeuwa tá tüna nadau taꞌacü inawaꞌegüü̃wa
Ngẽguma i gutchaü̃gü tamaã ngupetügu i puracügagu rü dĩẽrugagu, rü tanaweꞌgü tchi i Yeuwagu iyaõgüü̃ urü tama. Nüü̃ cudau i VÍDEO rü nüü̃ nacuaꞌü̃ i taꞌacü cuü ngẽguma ngẽma gutchaü̃gü nangupetügu.
-
Vídeowa, ngeü̃rüüü̃ niĩ i gutchaü̃ na ngẽma taeneẽü̃ nangupetüü̃?
-
Rü ngẽma gutchaü̃gu, taꞌacü naüü̃?
Nawa naugütae Mateu 6:25-34. Yicama pegümaã pideagü ngẽmatchiga:
-
Rü ngẽma duü̃ü̃gü na Yeuwacaꞌíra nadaugü, taꞌacü Yeuwa namaã nanauegu?
NÜMAÜ̃ DUÜ̃Ü̃GÜ NÜÜ̃ NIU: “Tchanawaꞌe ãũrima tchapüracüü̃ na tchapatacü̃ãꞌna tchadauü̃caꞌ, rü ngẽmacaꞌ na guü̃ma ngutaqueꞌegüwa tama tchaũü̃.”
-
Ngeü̃rüüü̃ niĩ i wetchicuru i Tupanaarü Orewa cuü̃́ nüü̃ nacuaꞌẽẽ i Yeuwacaꞌíra idauü̃ rü ngẽma rümemaẽü̃ yiĩü̃?
TAꞌACÜ MARÜ NÜÜ̃ CUCUAꞌ?
Rü puracü rü dĩẽru nameẽtchi niĩ, notürü ngẽma tama tanawaꞌegü na tüü̃ nanagutchaü̃ẽẽ i Yeuwaarü puracü iügüü̃.
Ngeü̃rüüü̃ i curü ngãü̃?
-
Taꞌacü tá cuü̃ narüngü̃ẽẽ na meã nagu curüĩnüü̃caꞌ i puracütchiga?
-
Tüꞌcüü̃ nameẽtchi na namaã tataãẽgü i ngẽma marü tüü̃́ ngẽmaü̃?
-
Yeuwa tamaã nanauegu na meã i norü duü̃ü̃güna nadau tá, nhuãcü cunaweꞌ tá na ngẽma norü unetagu cuyaõ?
YEERA NACAꞌ NADAU
Eꞌna i Tupanaarü Ore nüü̃ niu na dĩẽru natchieü̃?
“Eꞌna i dĩẽru niĩ i guü̃ma i tchieü̃güarü ügü?” (Artchigu sitewa: jw.org)
Nhuãcü tá ngetchaü̃waꞌeü̃ iĩü̃ rü ngẽmaãcü i Yeuwaü̃ tataãẽẽẽ.
“Taꞌacü i Tupanaarü Ore nüü̃ niu natchiga i togümaã ngetchaü̃waꞌecü iĩü̃?” (Artchigu sitewa: jw.org)
Eꞌna taĩnücaꞌwaꞌe i dĩẽrucaꞌ ngẽma gutchinü niĩ?
Nüü̃ nadau tüꞌcüü̃ ngẽma yatüarü maü̃ nayatoraü̃ẽẽ rü ngẽmagagu ínayatchaãtchi naĩnücaꞌwaꞌe i dĩẽrucaꞌ rü nacaꞌ nangĩ.
