NGÚERUÜ̃ 38
Moẽ inaã ngẽma ãmare i maü̃caꞌ
Rü torü maü̃wa tüü̃ nangẽma nguneü̃gü taãẽcü. Woo ngẽguma gutchaü̃gü tüü̃ ngupetügügu, tüü̃ nangẽma nguneü̃gü taãẽgü. Nhuꞌmatchi nhuãcü tá Yeuwana moẽ taãgü rü ngẽma ãmare i maü̃caꞌ iĩü̃? Tüꞌcüü̃ narümemaẽ nanaügü i ngẽma?
1. Tüꞌcüü̃ tanawaꞌe inaweꞌü̃ na tacaꞌ nameẽtchiü̃ i maü̃?
Tanawaꞌegü tanaweꞌ na tacaꞌ nameẽtchiü̃ i maü̃ erü i torü maü̃ wüi ãmare niĩ na Tanatü Yeuwa tüna naãü̃. ‘Rü aicuma nawa nangẽma i maü̃’ erü nüma nanaü i maü̃. (Salmos 36:9) “Rü nümatama guxãna nanaxã i maxü̃, rü tüxna nanaxã ya buanecü ya namaã ingü̃ãtanücüücü.” (Puracügü 17:25, 27, 28) Ngẽma wetchicuru nanaweꞌ na Yeuwa tüna nanaã guü̃ma i taꞌacü tanawaꞌegü na namaã guãma maü̃ü̃caꞌ. Notürü Yeuwa yeera tacaꞌ nanaü rü tüna naã guü̃ma i taꞌacü tanawaꞌegü na taãẽmaã guãma maẽü̃caꞌ. — Nawa naugütae Puracügü 14:17.
2. Nhuãcü tá Yeuwaü̃ tanaweꞌ na tacaꞌ nameẽtchi i maü̃?
Norü yumüẽwa ga Dawi rü Tupanaü̃ nhanagürü: ‘Rü cuxetü rü nüxü̃ nadau ga chaxü̃ne ga yexguma noxri chanaxĩxĩchigu.’ (Salmos 139:16) Ngẽma nanaweꞌ na yegumacürüwa cuéãnüwa nori cunaĩĩtchigu rü curü maü̃ i Yeuwacaꞌ nameẽtchi niĩ. (Nawa naugütae Mateu 10:29-31.) Rü maü̃ Yeuwacaꞌ nameẽtchi niĩ, rü ngẽmacaꞌ ãũrima nangetchaü̃ ngẽguma wüi duü̃ü̃ rü togüü̃ yamágu urü nügü yamágu. (Êxodo 20:13) a Yeuwa rü ãũrima nangetchaü̃ ngẽguma ãũcümaü̃wa inangẽmaẽgu i torü maü̃ rü togüarü ta. Ngẽguma torü maü̃na idaugügu rü togüarü maü̃ü̃ tangetchaü̃, ngẽmaãcü tanaweꞌ na tacaꞌ rü maü̃ wüi meẽtchiü̃ ãmare niĩ.
YEERA NÜÜ̃ CUCUAꞌ
Nüü̃ nadau nhuãcü tá nüü̃ tanaweꞌgü na tacaꞌ rü maü̃ wüi ãmare na meẽtchiü̃ niĩü̃.
3. Nüna nadau i saúde
Rü Yeuwaarü duü̃ü̃gü rü namaã naunetagü na guü̃ne ya norü maü̃nemaã nüü̃ nicuaꞌüü̃gü. Rü ngẽmacaꞌ nügütama Tupanana naãgüü̃ na wüi i ãmare i maü̃ü̃ na niĩgüü̃caꞌ. Nawa naugütae Romacü̃ãꞌ 12:1, 2. Yicama pegümaã pideagü ngẽmatchiga:
-
Tüꞌcüü̃ cunawaꞌe nüna cudau i curü saúde?
-
Ngeü̃rüüü̃ niĩ nümaü̃gü nacümagü na cunaüü̃caꞌ i ngẽma?
4. Inauãẽ na tama nangupetüü̃caꞌ ãnüpaa urü yu
Rü Tupanaarü Ore tüü̃ naucuꞌẽ na tama taügüü̃caꞌ i taꞌacü i ãũcümagüü̃. Nüü̃ cudau i VÍDEO na nüü̃ cucuaꞌü̃caꞌ i taꞌacü cunawaꞌe cuüü̃ na tama ãũcümaü̃wa cunangẽmaẽü̃caꞌ i curü maü̃ rü togüarü ta.
Nawa naugütae Provérbios 22:3. Yicama pegümaã pideagü natchiga taꞌacü i cuma rü togü nawaꞌe peügüü̃ na tauü̃ma tchieü̃ peü̃ ngupetüü̃caꞌ:
-
Ĩpatawa.
-
Puracütchicawa.
-
Ngẽguma taügügu esportes.
-
Ngẽguma caru natopeꞌegu rüeꞌna toomatchigü.
5. Nüü̃ nangetchaü̃ i õtchanaarü maü̃ na taũta nabuü̃
Dawi meã nüü̃ niu na Yeuwa nacaꞌ naoégaãẽü̃ i wüi õtchana naéanüwa naĩĩtchiü̃. Nawa naugütae Salmos 139:13-17. Yicama pegümaã pideagü ngẽmatchiga:
-
Rü Yeuwacaꞌ nhugu niĩ i maü̃arü ügü, ngẽguma nori naéanüwa naĩĩtchigu urü ngẽguma marü naõtchanagu?
Rü mugü i Yeuwa iraéutanüü̃güna naãü̃ rü tüü̃ ínapoü̃ ga mama i ngĩrü õtchana taũta buü̃. Nawa naugütae Êxodo 21:22, 23. Yicama pegümaã pideagü ngẽmatchiga:
-
Ngẽguma wüi duü̃ü̃ rü tamatchire nanawaꞌeãcü wüi õtchana i taũta buü̃ nimácüraü̃gu, taꞌacü Yeuwa nagu narüĩnü ngẽma duü̃ü̃tchiga?
-
Rü ngẽguma wüi duü̃ü̃ rü nanawaꞌeãcü wüi õtchanaü̃ nimágu, taꞌacü Yeuwa nagu narüĩnü ngẽma duü̃ü̃tchiga? b
-
Ngeü̃rüüü̃ niĩ i curü ĩnü taꞌacütchiga Yeuwa nagu narüĩnü?
Woo wüie ngeü̃ meã nüü̃ cuaꞌü̃ niĩ nameẽtchi i wüi maü̃, bemana nagu irüĩnüama rü inawaꞌe ngĩgü yamáacü erü natauma i to taꞌacü nüü̃ taunetaü̃. Nawa naugütae Isaías 41:10. Yicama pegümaã pideagü ngẽmatchiga:
-
Tchi togü rü wüi ngeü̃ü̃ natchiewegu na naanügu yamáacüü̃caꞌ, rü teécaꞌ ica i ngü̃ẽẽ? Rü tüꞌcüü̃?
NÜMAÜ̃ DUÜ̃Ü̃GÜ NÜÜ̃ NIU: “Ngẽguma wüi ngeü̃ na naanügu yamáacügu, ngẽma tama tchieü̃ niĩ.”
-
Taꞌacü cuü̃́ nüü̃ nacuaꞌẽẽ na Yeuwacaꞌ meẽtchiü̃ niĩ i ngeü̃arü maü̃ rü õtchanaarü maü̃?
TAꞌACÜ MARÜ NÜÜ̃ CUCUAꞌ?
Rü maü̃ wüi ãmare niĩ i Yeuwa tüna ãü̃. Rü Tupanaarü Ore tüü̃ nanguꞌẽẽ na nüü̃ ingetchaü̃gü rü nüü̃ ípoü̃ü̃ i torü maü̃ rü togüarü maü̃ ta.
Ngeü̃rüüü̃ i curü ngãü̃?
-
Tüꞌcüü̃ i Yeuwacaꞌ nameẽtchi i maü̃?
-
Ngẽguma wüi duü̃ü̃ rü wüie duẽü̃ yamágu urü nügütama nimágu, taꞌacügu Yeuwa narüĩnüü̃?
-
Tüꞌcüü̃ cucaꞌ nameẽtchi i maü̃?
YEERA NACAꞌ NADAU
Nhuãcü tá Yeuwana moẽ taãgü moẽ ngẽma ãmerecaꞌ na yiĩü̃ i maü̃?
Tchi wüi ngeü̃ naanügu nayuacüẽẽgu, eꞌna Yeuwa tá tüü̃́ nüü̃ nangetchaü̃?
Nüü̃ nadau nhuãcü i Tupanaarü ĩnü i maü̃tchiga rü tüü̃ narüngü̃ẽẽ na meã nüü̃ taunetaü̃caꞌ i ĩãwaꞌegü.
“Esportes naãũcüma — Eꞌna nameü̃ na nagu iã?” (Nacaꞌ idautchi!, 8 otubruarü 2000gu)
Ngẽguma wüi duü̃ü̃ nügü nimátchaü̃gu, nüü̃ nadau nhuãcü i Tupanaarü Ore nüü̃ narüngü̃ẽẽ tá.
a Rü Yeuwa meã nüü̃ nacuaꞌ ngẽguma wüi duü̃ü̃ ngúü̃ ningegu, rü ngẽmagagu nügü nimátchaü̃. Nüma rü nanawaꞌe nüü̃ narüngü̃ẽẽ erü Yeuwa poraãcü tümacaꞌ nagutchaãẽẽẽ ya yíema tügü iyarütaueẽẽ. (Salmos 34:18) Notürü nhuãcü tá Yeuwa nüü̃ narüngü̃ẽẽ ngẽma duü̃ü̃gü i nügü imátchaü̃ü̃. Rü nüü̃ nadau ngẽma natchipeꞌewa “Yeera Nacaꞌ Nadau” ngẽma artchigu “Rü tchaugü tchimátchaü̃ — Eꞌna i Tupanaarü Ore tchoü̃ narüngü̃ẽẽ tá ngẽma ĩnügümaã?”.
b Tchi wüie ngee marü tügü timáacügu, tama tanawaꞌe ngẽmagagu ãũrima tangetchaü̃, erü Yeuwa tá ngĩü̃́ nüü̃ nangetchaü̃. Rü tchi cunawaꞌegu yeera nüü̃ cucuaꞌü̃ i ngẽmatchiga, rü nüü̃ nadau i ngẽma natchipeꞌegu “Yeera Nacaꞌ Nadau” ngẽma artchigu “Ngẽguma wüie ngeü̃ i naanügu nayuacügu rü taꞌacü Tupanaarü Ore nüü̃ niu i ngẽmatchiga?”.
