Rü nagü nameẽtchi imaẽü̃caꞌ, erü nataugutchi i nagü rü tautchima tamaẽ. Tupana tüna nanaã i maü̃ rü ngẽmacaꞌ nüicatama tamaã nüü̃ niu taꞌacü tá taü i nagümaã. Notürü, taꞌacü nüü̃ niu i nagütchiga? Eꞌna weꞌguü̃ niĩ inangṍü̃ i ngẽma namatchi i ãgüü̃ rüeꞌna ega tidaꞌawegu tüü̃ nanaüü̃ i nagümaã? Rü taꞌacü tá tüü̃ rüngü̃ẽẽ na taügüü̃caꞌ taꞌacü niĩ weꞌguü̃ i ngẽmatchiga?

1. Taꞌacü Yeuwa nagu narüĩnü i nagütchiga?

Nũcüma Yeuwa ga norü duü̃ü̃güü̃ nhanagürü: “Guü̃ma i maü̃ ngẽmaü̃ rü nagüwa niĩ i nangẽmaü̃ i maü̃.” (Levítico 17:14) Rü Yeuwacaꞌ rü nagüwa nangẽma i maü̃, rü marü nüü̃ tacuaꞌgü na Yeuwacaꞌ naüüneü̃ i maü̃.

2. Taꞌacü Tupana nüü̃ niu i nagütchiga?

Naü̃pa na yaõgüü̃tücumü nangoꞌü̃, Yeuwa nüü̃ niu ga norü duü̃ü̃gümaã na tama nanangṍgüü̃caꞌ ga nagü. (Nawa naugütae Gênesis 9:4 rü Levítico 17:10.) Rü yicama na yaõgüü̃tücumü nangoꞌgüü̃, Yeuwa wena ga õgütanüü̃güna nanaã ga ngẽma mu, rü yemagagu ga Natücumü i Wipeꞌe Ãgüü̃ nüü̃ naucuꞌẽ: “Rü tama name na penangṍxü̃ ya nagü.” — Nawa naugütae Puracügü 15:28, 29.

Notürü, nhuãcü tá ngẽma Tupanaarü muga taĩnüẽgü na tama tanangṍü̃caꞌ i nagü? Cuaꞌãtchiruü̃, tchi wüi duturu cumaã nüü̃ niugu na tama quiaüü̃caꞌ i dégü? Nhuꞌmatchi cuma tama quiaü tá. Notürü eꞌna weꞌguü̃ niĩ tá cunangṍgu i wüi õna nangẽmaü̃ i dégü, rüeꞌna naǘẽẽ curü tarumawa i dégü? Tama. Ngẽgumarüü̃ na ngẽma Tupanaarü muga taĩnüẽgüü̃caꞌ rü tama tanangṍ ya nagü rü bai inangṍü̃ i ngẽma namatchi i ãgüü̃ rüeꞌna i namatchi i ngẽma naü̃nagü i wẽnaãü̃ rü ta tama tanangṍ i õna nagümaã üẽü̃.

Rü tchi wüi duturu rü wüi duü̃ü̃ idaꞌawecüü̃ narümeẽẽtchaü̃ i nagümaã, taꞌacü tá naü? Name na meã nanangugü i ngẽma, erü nümaü̃gü tratamentos de saúde rü tama nawüigu i ngẽma Tupanaarü mugümaã, cuaꞌãtchiruü̃ ngẽguma i nagü tarumawa naǘẽẽgu rü ta tagüarü aiepewa nangẽmagü rü íragü i íraü̃püꞌügüü̃, na ngẽma niĩ i 4 nagüarü üyegü: glóbulos vermelhos, glóbulos brancos, plaquetas rü plasma. Notürü nangẽma togü tratamentos de saúde i tüü̃ nagutchaẽü̃ na nangugüü̃ tchi nawüiguü̃ i Tupanaarü mugümaã urü tama, erü nümaü̃gü tratamentos de saúde rü naü namaã i frações i ngẽma nagüarü 4 üyewa ne ũü̃, urü ngẽguma wüi duü̃ü̃ nidaꞌawegu rü duturu nanawaꞌe nüü̃ narümeẽẽ nagümaãtama. Nhaãcü name na wüitchigü i yiema meã tanangugü ngẽmatchiga rü taꞌacü tá taügü. a — Gárataanecü̃ãꞌ 6:5.

 YEERA NÜÜ̃ CUCUAꞌ

3. Meã nüü̃ cuuneta i tratamento na Yeuwaü̃ taãẽẽü̃ tá

Nhuãcü tá nüü̃ cuuneta i tratamentos de saúde wüiguü̃ i Tupana nagu rüĩnümaã i nagütchiga? Nüü̃ cudau i VÍDEO. Yicama pegümaã pideagü ngẽmatchiga: Tüꞌcüü̃ name i ngẽma ucuꞌẽgüga taĩnüẽgü?

• Nayumüẽ rü nacaꞌ inaca i cuaꞌ. — Tiagu 1:5.

• Nacaꞌ nadau i Tupanaarü ucuꞌẽgü rü nagu rüĩnü na nhuãcü tá naga cuĩnü. — Provérbios 13:16.

• Nangugü ngeü̃rüüü̃ niĩ i tratamento de saúde ngẽmaü̃ i curü ĩãnewa.

• Nüü̃ nadau ngeü̃rüüü̃ niĩ i tratamento de saúde i tama cuyauü̃ tá.

• Ngẽguma nüü̃ cuunetagu wüi tratamento de saúde, name na naü̃pa nagu curüĩnü: Eꞌna tchauãẽwatama nüü̃ tchacuaꞌ na Tupanapeꞌewa rü togüpeꞌewa taꞌacü tchaüü̃ tá rü naweꞌguü̃? — Puracügü 24:16. b

• Nüna nacuaꞌãtchi na cute urü cumaꞌ rü ãncião rü curü Tupanaarü Orearü nguꞌẽẽtaeruü̃ rü tama name na cucaꞌ nüü̃ naunetagü i tratamento de saúde, cunawaꞌe na cuãẽwatama nüü̃ cuuneta i ngẽma — Romacü̃ãꞌ 14:12.

• Wüi poperawa naümatü i taꞌacü nüü̃ cuuneta.

4. Rü Yeuwaarü Orearü Uruü̃gü nanawaꞌe i meü̃ tratamento de saúde

Rü Tupanaarü muga taĩnüẽgü i nagütchiga rü ngẽmaãcü ta tüü̃ nangẽma wüi meü̃ i tratamento de saúde. Nüü̃ cudau i VÍDEO.

Nawa naugütae Titu 3:2. Yicama pegümaã pideagü ngẽmatchiga:

• Ngẽguma i duturumaã nüü̃ tiugügu, tüꞌcüü̃ name niĩ mecümaãcü namaã nüü̃ tiugü?

 5. Rü nagüarü frações

Tagüarü aiepewa nangẽmagü i ãgümücü üyegü: glóbulos vermelhos, glóbulos brancos, plaquetas rü plasma. Rü wüitchigü ngẽma 4 üyegüwa nangẽma íraü̃ üyegü i naéga nagüarü frações. c Nümaü̃gü üüü̃ rü naüẽü̃ i nagüarü fraçõesmaã, rü duturugü namaã nanaüü̃gü i nümaü̃gü daꞌawegü urü ngẽguma wüi duü̃ü̃ poraãcü dugu rü namaã ínayatchaãtchiẽ ya nagü.

Rü õgütanüü̃gütchigü nanawaꞌe i Tupanaarü Oremaã meã nügü nanguꞌẽẽ i naãẽ na meã nüü̃ nacuaꞌü̃caꞌ taꞌacü tá naü, tchi nanayaugu tá urü tama tratamento de saúde i nagüarü fraçõesmaã. Bemana nümaü̃gü õgütanüü̃gü nanayau i tratamento de saúde rü nagüarü fraçõesmaã. Notürü togü bemana tama nayau i ngẽma.

Ngẽguma nüü̃ cuunetagu wüi tratamento de saúde rüeꞌna ngẽguma tá tama cunayaugu wüi tratamento de saúde, rü name na cuãẽwa cugüna cuca:

• Nhuãcü tá meã duturumaã nüü̃ tchiu i tüꞌcüü̃ na tchanayau i tramento de saúde i nagüarü fraçõesmaã urü tüꞌcüü̃ tama tchanayau i ngẽma?

 TAꞌACÜ MARÜ NÜÜ̃ CUCUAꞌ?

Yeuwa nanawaꞌe na tacaꞌ i nagü üüneü̃ niĩ.

Ngeü̃rüüü̃ i curü ngãü̃?

• Tüꞌcüü̃ Yeuwacaꞌ rü nagü üüneü̃ niĩ?

• Rü Tupanaarü mu rü nüü̃ niu na tama nangṍü̃ i nagü rü nanaweꞌ na nacaꞌ nagutchinü ega tarumawa naüẽẽgu i nagü, tüꞌcüü̃ nüü̃ tacuaꞌgü i ngẽma?

• Nhuãcü tá meã nüü̃ tauneta tratamento de saúde i nagümaã?