NGÚERUÜ̃ 40
Nhuãcü tá taüüne i Tupanapeꞌewa?
Nagu curüĩnü i ngẽma cuaꞌruü̃: Wüi mama rü tümaacü ítameẽẽ na ngúepataü̃wa naũguü̃caꞌ. Ngĩma meã ingugü tchi marü naaiyagu rü tchi meãmare nameẽtchirugu. Rü ngẽma name niĩ i naacüarü saúdecaꞌ rü ta naweꞌ togüpeꞌewa na norü papa rü norü mama rü meã nüna nadaugüü̃. Guü̃ma i papagü rü mamagü nanawaꞌegü na naacügü guü̃guma namegü, ngẽgumarüü̃ tórü papa Yeuwa nanawaꞌe na wüitchigü i yiema imegüü̃ rü napeꞌewa meã imaẽü̃. Tchi ngẽmaãcü naügügu ngẽma tacaꞌ meü̃ niĩ tá rü ta Yeuwaü̃ tataãẽẽẽ tá.
1. Nhuãcü tá tórü ngẽmaü̃gümaã rü taünemaã i Tupanapeꞌewa taüünegü?
Yeuwa ‘nanawaꞌe i narüü̃ taüüne’. (1 Pedru 1:16) Rü nhuꞌmatchi tanawaꞌe iüüne i guü̃ma i taꞌacü iüü̃wa. Cuaꞌãtchiruü̃, guü̃ i nguneü̃gü taaiyagü rü tayautchirugü rü caru rü moto rü ta meã tanameẽẽ i tapata. Rü ta nüü̃ tarüngü̃ẽẽ ega taeneẽgü nanutaqueꞌegügu i Ngutaqueꞌepataü̃ nanameẽẽü̃caꞌ. Ngẽmaãcü Yeuwaü̃ tataẽẽgü tá. — 2 Corĩ́tiucü̃ãꞌ 6:3, 4.
2. Taꞌacü niĩ Tupanapeꞌewa ãũãtchiü̃ iĩü̃?
Rü Tupanaarü Ore nüü̃ niu na “tanaxwa̱xe na yigüna idaugüxü̃ na tama taxünemaã rü ẽ́xna taãẽmaã naxüxü̃ca̱x i ngẽma Tupanapẽ́xewa tama mexü̃”. (2 Corĩ́tiucü̃ãꞌ 7:1) Ngẽmacaꞌ yigü taporaẽẽ na nüü̃ rüoeü̃caꞌ i guü̃ma taꞌacü taüneü̃ rü taãẽü̃ tchieẽẽü̃. Tanawaꞌe na Yeuwa i tórü ĩnügümaã nataãẽ, ngẽmagagu nüü̃ tarüoe i tchieü̃ ĩnügü. (Salmos 104:34) Tanawaꞌegü meü̃ i deagü i nüü̃ iuü̃. — Nawa naugütae Corochacü̃ãꞌ 3:8.
Rü ta taꞌacü niĩ naü̃nemaã rüeꞌna naãẽmaã iügüü̃ na Tupanapeꞌewa ãũãtchiü̃ iĩü̃? Ngẽguma nayiigu ya pori rü tchóteꞌene rü toomatchigü droga rü taüneü̃ natchieẽẽ. Rü ngẽmacaꞌ rü tama tanayii ya tchóteꞌene rü bai ya pori iyigüü̃. Ngẽguma ngẽmaãcü naügügu, ngẽma name niĩ i torü saúdecaꞌ rü ta tanaweꞌ na tórü maü̃ü̃ ingetchaü̃gü, erü tórü maü̃ rü wüi ãmare niĩ. Rü nhuãcü tá i Tupanapeꞌewa meã tamaẽ? Tanawaꞌe yigü iporaẽẽ na nüü̃ rüoeü̃caꞌ i ngẽma nacüma ãũãtchiü̃ iĩü̃, cuaꞌãtchiruü̃ i masturbação a rü nüü̃ rüoü̃ na nüü̃ idau pornografia. b (Salmos 119:37 rü Epéchiucü̃ãꞌ 5:5) Nhuguãcü tama nataucha nüü̃ rüoü̃ i ngẽma nacüma tchieü̃, notürü Yeuwa tüü̃ narüngü̃ẽẽ tá na ngẽma nacüma tchieü̃ rüoü̃. — Nawa naugütae Isaías 41:13.
YEERA NÜÜ̃ CUCUAꞌ
Nüü̃ nadau tüꞌcüü̃ i Yeuwaü̃ tataẽẽgü ngẽguma üüneü̃gügu. Rü nhuãcü tá nüü̃ tarüoe i nacüma i ãũãtchiü̃ iĩü̃.
3. Ngẽguma meã yigü imeẽẽgu ngẽmaãcü i Yeuwaü̃ tataẽẽ
Ngẽguma iugütaegu i mugütchiga i Yeuwa ga iraéutanüü̃güna naãü̃, nawa nüü̃ tacuaꞌgü na nacaꞌ nameẽtchiü̃ i meã yigü imeẽẽgüü̃. Nawa naugütae Êxodo 19:10, 11 rü 30:17-19. Yicama pegümaã pideagü ngẽmatchiga:
-
Nhuãcü ngẽma wetchicurugü nanaweꞌ i taꞌacü Yeuwa nagu narüĩnü natchiga i taüne rü tórü ngẽmaü̃güna idaugüü̃?
-
Ngeü̃rüüü̃ niĩ i meü̃ i nacümagü i cuü̃ tá rüngü̃ẽẽü̃ na curü düetüwa i cumeü̃caꞌ?
Tanawaꞌe yigü iporaẽẽü̃ na meã imeü̃caꞌ woo i muü̃arü dĩẽruãgü rü ngearü i dĩẽruãgü rü ngeü̃rüü̃mare natchica i nawa imaü̃ü̃wa. Nüü̃ cudau i VÍDEO. Yicama pegümaã pideagü ngẽmatchiga:
-
Ngẽguma imegu rü ta i tórü ngẽmaü̃gü, tüꞌcüü̃ ngẽmaãcü tá Yeuwaü̃ tataẽẽgü i duü̃ü̃güpeꞌewa?
4. Nüü̃ rüo i nacüma tchieü̃gü
Yeuwa rü tüü̃ tá narüngü̃ẽẽ na nüü̃ tarüporamaeü̃caꞌ i nacüma tchieü̃
Tchi cuyipegu i pori rü tchóteꞌene urü togü ãwaꞌã cuü̃ ngẽmagu, cuma meã nüü̃ cucuaꞌ na nagutcha nüü̃ curüoü̃ i ngẽma. Nhuꞌmatchi, taꞌacü tá cuü̃ rüngü̃ẽẽ? Meã nagu curüĩnü nhuãcü ngẽma tchieü̃ i nacüma cuü̃ natchieẽẽü̃. Nawa naugütae Mateu 22:37-39. Yicama pegümaã pideagü ngẽmatchiga:
-
Tüꞌcüü̃ i droga rü pori nüü̃ nanagutchaẽẽ na wüi duü̃ü̃ i Yeuwamaã naãmücüü̃?
-
Nhuãcü i droga rü pori i natanüü̃ rü togüü̃ natchieẽẽ?
Meã nagu rüĩnü i nhuãcü tá nüü̃ curüo i ngẽma cucüma tchieü̃. c Nüü̃ cudau i VÍDEO.
Nawa naugütae Piripucü̃ãꞌ 4:13. Yicama pegümaã pideagü ngẽmatchiga:
-
Ngẽguma i duü̃ü̃ nayumüẽgu rü meã nanguꞌ i Tupanaarü Ore rü ta guü̃gu ngutaqueꞌegüwa naũ, nhuãcü ngẽma nüü̃ naporaẽẽ tá na nüü̃ narüoü̃caꞌ i nacüma tchieü̃?
5. Cugü cuporaẽẽ na nüü̃ curüoü̃caꞌ tchieü̃ i ĩnügü rü nacüma tchieü̃
Nawa naugütae Corochacü̃ãꞌ 3:5. Yicama pegümaã pideagü ngẽmatchiga:
-
Nhuãcü nüü̃ tacuaꞌgü na Yeuwacaꞌ naãũãtchiü̃ ngẽma nacüma i pornografia, rü masturbação rü sexting? d
-
Eꞌna taucürüwa niĩ na Yeuwapeꞌewa iüüne? Tüꞌcüü̃ ngẽmaãcü nagu curüĩnü?
Nüü̃ nadau nhuãcü tá nüü̃ cuo i ĩnügü na ãũãtchiü̃ niĩ. Nüü̃ cudau i VÍDEO.
Ngetchutchu nüü̃ niu wüi cuaꞌãtchiruü̃ tacaꞌ tüü̃ nguꞌẽẽü̃ na inawaꞌeü̃ yigü iporaẽü̃ i iüünegüü̃caꞌ. Nawa naugütae Mateu 5:29, 30. Yicama pegümaã pideagü ngẽmatchiga:
-
Ngetchutchu tama nüü̃ niutchaü̃ na tanawaꞌe taüneü̃ i tchieẽẽü̃, notürü tanawaꞌe yigü taporaẽẽ na nüü̃ rüoü̃caꞌ i ĩnügü ãũãtchiü̃ iĩü̃. Nhuꞌmatchi nhuãcü tá tanaügü i ngẽma? e
Tchi cugü cuporaẽẽgu na nüü̃ cuoü̃caꞌ i ĩnügü ãũãtchiü̃ iĩü̃, rü Yeuwa cumaã nataãẽ tá. Nawa naugütae Salmos 103:13, 14. Yicama pegümaã pideagü ngẽmatchiga:
-
Tchi cuü̃ nagutchagu na nüü̃ curüoü̃caꞌ i wüi nacüma ãũãtchiü̃ iĩü̃, nhuãcü ngẽma wetchicurugü cuü̃ tá narüngü̃ẽẽ na tama nüü̃ curütchauü̃caꞌ?
Tama nüü̃ narütchau!
Ngẽguma tchi wüi duü̃ü̃ naügu wenaarü ya gutchinü, rü nhaü̃gu narüĩnü: ‘Tchama rü tchatchie rü tá nüü̃ tcharütchau.’ Notürü meã nagu rüĩnü ngẽma cuaꞌruü̃: Ngẽguma wüi duü̃ü̃ narüngügu i wüi i inücaꞌwae i nawa inhaãtchiü̃, rü tama nüü̃ narütchau rü ínatchi rü inanhaãtchiama. Ngẽgumarüü̃ ngẽguma wüi duü̃ü̃ wenaarü naügu i gutchinütama rü name niĩ na tama nhaãcü narüĩnüü̃: ‘Marü tchatchie rü tá nüü̃ tcharütchau.’ Erü ngẽguma yigü iporaẽgu i nüü̃ rüoeü̃caꞌ wüi tacüma tchieü̃ nhureepüꞌcüna wena tanaügü i gutchinütama, ngẽma aiꞌrüguma guãmaã nangupetü. Nhuꞌmatchi taṹ nüü̃ curütchau! Erü i Yeuwaarü ngü̃ẽẽmaã nüü̃ curüo tá i ngẽma nacüma tchieü̃.
NÜMAÜ̃ DUÜ̃Ü̃GÜ NÜÜ̃ NIU: “Ngẽma niĩ wüi ãwaã, rü ngẽmacaꞌ tchoü̃ nagutcha na nüü̃ tcharüoü̃.”
-
Ngeü̃rüüü̃ niĩ i Tupanaarü Orearü wetchicuru na ngẽma duü̃ü̃ü̃ cuweꞌü̃ tá na Yeuwa tá nüü̃ narüngü̃ẽẽ?
TAꞌACÜ MARÜ NÜÜ̃ CUCUAꞌ?
Ngẽguma iüünegu rü taãẽwa rü taünewa rü ngẽma taꞌacü iügüü̃wa, ngẽmaãcü Yeuwaü̃ tataãẽẽẽ.
Ngeü̃rüüü̃ i curü ngãü̃?
-
Tüꞌcüü̃ narümemae niĩ na taüüne guü̃ma taꞌacü iügüü̃wa?
-
Nhuãcü i curü ngẽmaü̃güna rü cuü̃nena cudau tá i Yeuwapeꞌewa?
-
Taꞌacü cunawaꞌe cuü na cuüüneü̃caꞌ rü cuãẽwa rü guü̃ma taꞌacü cuüü̃wa?
YEERA NACAꞌ NADAU
Woo wüi duü̃ü̃ ngearü i dĩẽruãü̃, nhuãcü tá norü ngẽmaü̃güna rü naü̃nena nadau?
Nüü̃ nadau meü̃ ucuꞌẽgü i ngẽmatchiga, nhuãcü tá ícuyatchaãtchi i yipewa.
“Nhuãcü tá ícuyatchaãtchi na cuyipeü̃?” (Nacaꞌ idautchi!, maiuarü 2010gu)
Nüü̃ nacuaꞌ i taꞌacütchiga i duü̃ü̃gümaã nangupetüü̃ ngẽguma nüü̃ nadaugu i pornografia.
“Pornografia — Eꞌna tüü̃ natchieẽẽ urü tama?” (Dauü̃taecü, 1 agostuarü 2013gu)
Nüü̃ nadau nhuãcü wüi yatüü̃ nüü̃ narüoü̃ ngẽma nacüma tchieü̃ na nüü̃ nadauü̃ i pornografia.
“Mueꞌpüꞌcüna wena i nacüma tchieü̃, notürü düwa nüü̃ tcharüoü̃” (Dauü̃taecü nº 4 2016gu)
a Masturbação niĩ ngẽguma wüi duü̃ü̃ nügü ningṍgüetchagu i norü ngeꞌwa rüeꞌna natchanewa na nüü̃ nangẽmaü̃caꞌ i naü̃nearü ngútchaü̃ rüeꞌna ngẽguma togü i duü̃ü̃ naügu ngẽma.
b Pornografia niĩ i vídeogü rü natchicünaꞌãgü i ngeü̃ i ngetchiruü̃ i yatüü̃ i ngetchiruü̃ urü nügümaã nangẽãẽgüü̃ rü toomatchigü.
c Nawa “Yeera Nacaꞌ Nadau”, naugütae ngẽma artchiguwa: “Nhuãcü tá ícuyatchaãtchi i yipewa?” Rü nawa nüü̃ cudau tá i meü̃ ucuꞌẽgü natchiga nhuãcü nüü̃ curüo i wüi cucüma tchieü̃.
d Sexting urü Nude, ngẽma niĩ ngẽguma wüi duü̃ü̃ rü togüü̃ tawa cerurawa nanamugu rü natchicünaꞌãgü rü vídeogü ngetchiruãcü nimuü̃ rüeꞌna togüarü nacüma na nüü̃ nangẽmaü̃caꞌ i naünearü ngútchaü̃gü.
e Nüü̃ nadau nhuãcü tá nüü̃ rüoü̃ ngẽma i tchieü̃ nacüma i masturbação ngẽma capituru 25wa nhaü̃gu “Nhuãcü tá nüü̃ tcharüo i ngẽma nacüma i tchieü̃ i masturbação?” Ngẽma poperawa Os Jovens Perguntam — Respostas Práticas, Volume 1.
