NGÚERUÜ̃ 41
Taꞌacü i Tupanaarü Ore nüü̃ niu i ngẽãẽü̃tchiga?
Muü̃ma i duü̃ü̃gü rü tama norü me niĩ na nüü̃ niu i ngẽãẽü̃tchiga. Ngẽguma i Tupanaarü Ore nüü̃ yaugu i ngẽãẽü̃tchiga nawa dea meã ngóü̃ niĩ ngetchaü̃ãcü. Rü taꞌacü nüü̃ yauü̃ rü torü mecaꞌ niĩ, erü Tanatü Yeuwa meã nüü̃ nacuaꞌ i taꞌacü tacaꞌ rümemaẽü̃ niĩ. Nüma tüü̃ nanguꞌẽẽ taꞌacü tanawaꞌe iügü na nüü̃ tataãẽẽẽü̃caꞌ rü taꞌacü tá tüü̃ rüngü̃ẽẽ na guü̃gutáma tataãẽgüü̃caꞌ.
1. Taꞌacü Yeuwa nagu narüĩnü i ngẽãẽü̃tchiga?
Rü ngẽãẽü̃ wüi Yeuwaarü ãmare niĩ rü yatüna rü ngeü̃na naãü̃ na marü ningĩgü. Ngẽma i ngĩgüü̃ rü ngẽma ãmaremaã naãacügü rü nanaweꞌ na nügü nangetchaü̃gü. Rü Tupanaarü Ore nüü̃ niu: “Rü name nixĩ i ngĩmaxã cutaãxẽ i ngẽma curü ngextü̱xüma̱x.” (Provérbios 5:18, 19) Yeuwa nanawaꞌe na ngĩcügü rü nügümaã niaicumacü, ngẽmacaꞌ wüi õgütanüü̃ na marü ningĩü̃ rü tagutáma to ngeü̃maã rüꞌena to yatümaã ipeü̃. — Nawa naugütae Ebréugü 13:4.
2. Taꞌacü niĩ i tchieü̃ ngẽãẽü̃?
Rü Tupanaarü Ore nüü̃ niu na “ngẽma duü̃xü̃gü i naĩ i ngemaã ipexü̃ . . . rü nataxũtáma i nachica i ngextá Tupana ãẽ̱xgacü íyiĩxü̃wa.” (1 Corĩ́tiucü̃ãꞌ 6:9, 10) Rü dea gregugawa na Tupanaarü Orewa naümatüü̃ i tchieü̃ ngẽãẽü̃tchiga ngẽma niĩ porneía. Taꞌacütchiga niĩ i ngẽma dea? (1) Ngẽguma wüi yatü rü wüie ngemaã ngẽãẽü̃ na tama nügümaã ningĩgüü̃, a (2) rü ngẽguma wüi yatü i to yatüü̃maã ngẽãẽgu rüeꞌna ngẽguma i ngeü̃gü rü narüü̃ ngeü̃gümaãtama nangẽãẽgügu (3) rü ngẽguma wüi duü̃ü̃ naeü̃gümaã namaü̃gu. Ngẽguma nüü̃ narüogu i tchieü̃ ngẽãẽü̃, rü ngẽma i tórü mecaꞌ niĩ rü ngẽmaãcü tá Yeuwaü̃ tataãẽẽẽ. — 1 Techarónicacü̃ãꞌ 4:3.
YEERA NÜÜ̃ CUCUAꞌ
Rü nüü̃ nadau i nhuãcü tá nüü̃ narüo i tchieü̃ ngẽãẽü̃ rü ta nhuãcü na Tupanapeꞌewa cuüüne rü ngẽma i curü mecaꞌ niĩ.
3. Nüü̃́ narüo i naünearü ngútchaü̃
Rü Tupanaarü Orewa nangẽma wüi yatü ga yaõcü naãéga Yuchégu na nügü naporaẽẽü̃ na Tupanapeꞌewa naüüneü̃caꞌ. Nawa naugütae Gênesis 39:1-12. Yicama pegümaã pideagü ngẽmatchiga:
-
Tüꞌcüü̃ ga Yuché ninha? — Nüü̃ cudau i wetchicuru 9.
-
Cucaꞌ, eꞌna ga Yuché üü̃ taꞌacü niĩ weꞌguü̃? Tüꞌcüü̃?
Nhuãcü tá i paü̃gü rü ngetüꞌüü̃gü i nhuꞌma ga Yuchérüü̃ i tchieü̃ ngẽãẽü̃tchawa nibumüü̃? Nüü̃ cudau i VÍDEO.
Yeuwa nanawaꞌe na nüü̃ tarüoü̃ i naünearü ngútchaü̃. Nawa naugütae 1 Corĩ́tiucü̃ãꞌ 6:18. Yicama pegümaã pideagü ngẽmatchiga:
-
Taꞌacü tá cuü̃́ nanangútchaü̃ẽẽ na cuüü̃caꞌ i naünearü ngútchaü̃?
-
Taꞌacü tá cuüü̃ na nüü̃ rüoü̃caꞌ i naünearü ngútchaü̃?
4. Cugü cuporaẽẽ na nüü̃ curüoü̃caꞌ i tchieü̃ cuü̃ nangútchaü̃
Taꞌacü tá tüü̃ nagutchaü̃ẽẽ na Tupanapeꞌewa iüünegüü̃caꞌ? Nüü̃ cudau i VÍDEO. Yicama pegümaã pideagü ngẽmatchiga:
-
Vídeowa wüi taeneẽ rü nangugü i norü ĩnügü na taꞌacü naüü̃, rü ngẽma nüü̃́ nanangútchaü̃ẽẽ na tama namaꞌmaã niaicumacüü̃caꞌ. Nhuꞌmatchi taꞌacü ga naüü̃?
Rü õgütanüü̃gü rü niaicumagü nhuguãcü nanawaꞌe nügü naporaẽẽgü na nüü̃ rüoü̃caꞌ i ĩnügü i tchieü̃gü. Taꞌacü tá cuü̃ narüngü̃ẽẽ na tama nagu curüĩnüü̃caꞌ i ngẽmaü̃gü i tchieü̃gü? Nawa naugütae Piripucü̃ãꞌ 4:8. Yicama pegümaã pideagü ngẽmatchiga:
-
Taꞌacü niĩ i ngẽmaü̃gü meü̃gü na name niĩ i nagu tarüĩnüü̃?
-
Ngẽguma Tupanaarü Orewa taugütaegu rüeꞌna yigü taporaẽẽ i Yeuwacaꞌ tapuracüe, nhuãcü tá tüü̃ narüngü̃ẽẽ na nüü̃ rüoeü̃caꞌ i tchieü̃ tüü̃ nangútchaü̃?
5. Rü Yeuwaarü mugü rü tórü mecaꞌ niĩ
Yeuwa rü meã nüü̃ nacuaꞌ taꞌacü yiĩ tacaꞌ meü̃. Nüma tüü̃ nanguꞌẽẽ nhuãcü tá napeꞌewa iüünegü rü tüꞌcüü̃ name niĩ ngẽma iüü̃. Nawa naugütae Provérbios 7:6-27 urü nüü̃ cudau i VÍDEO. Yicama pegümaã pideagü ngẽmatchiga:
-
Wetchicurugüwa naweꞌ na ngẽma ngetüꞌüü̃ ãũcümawa nangẽmaü̃, nhuãcü ngẽma nangupetüü̃? — Nüü̃ cudau i Provérbios 7:8, 9.
-
Rü Provérbios 7:22, 23, 26wa, nanaweꞌ na tchieü̃ ngẽãẽü̃ tüü̃ natchieẽẽü̃. Nhuꞌmatchi tchi yigü iporaẽẽgu na iüüneü̃caꞌ, ngeü̃rüüü̃ niĩ i gutchaü̃gü na tama tüü̃ nanguü̃ tá?
-
Tchi taüünegu i Yeuwapeꞌewa, nhuãcü tá ngẽma tüü̃ narüngü̃ẽẽ na tüü̃ nangẽmaü̃caꞌ i maü̃ taguma gúü̃?
Nümaü̃gü i duü̃ü̃gücaꞌ tama name i taꞌacü i Bíblia nüü̃ iu natchiga wüi yatü i to yatümaã ngẽãẽü̃ rüeꞌna wüie ngeü̃ i to ngeü̃maã ngẽãẽü̃. Notürü Yeuwa ngetchaü̃waꞌecü niĩ rü nanawaꞌe na guãma i yiema guü̃gutáma tataãẽgü. Nhuꞌmatchi tanawaꞌegü taꞌacü niĩ weꞌguü̃ taügü i torü maü̃wa. Nawa naugütae 1 Corĩ́tiucü̃ãꞌ 6:9-11. Yicama pegümaã pideagü ngẽmatchiga:
-
Ega wüi yatüü̃ nangútchaü̃gu i to yatü rüeꞌna ega wüi ngeü̃ü̃ nangútchaü̃gu i to ngeü̃, eꞌna Tupanapeꞌewa ngẽma niĩ i ngútchaü̃icatama tchieü̃ na inawaꞌegü nüü̃ rüoü̃?
Guãma tanawaꞌe yatoraü̃ẽẽ i torü maü̃wa na Yeuwaü̃ tataãẽẽẽü̃caꞌ. Tüꞌcüü̃ name na ngẽma naü? Nawa naugütae Salmos 19:8, 11. Yicama pegümaã pideagü ngẽmatchiga:
-
Rü Yeuwaarü mugü na tamaã nüü̃ niu nhuãcü tá imaẽ, eꞌna taucürüwa niĩ i naga iĩnüẽü̃? Tüꞌcüü̃ ngẽmaãcü nagu curüĩnü?
Yeuwa marü muü̃ma düü̃ü̃güü̃ narüngü̃ẽẽ na norü mugüga naĩnüü̃caꞌ natchiga nhuãcü namaẽ. Nhaãcü ta cuü̃ narüngü̃ẽẽ tá.
NÜMAÜ̃ DUÜ̃Ü̃GÜ NÜÜ̃ NIU: “Ngẽguma tare duü̃ü̃gü nügü nangetchaü̃gügu rü tama gutchinü niĩ na nügümaã ngẽãẽü̃.”
-
Taꞌacü namaã nüü̃ quiu tá?
TAꞌACÜ MARÜ NÜÜ̃ CUCUAꞌ?
Rü ngẽãẽü̃ wüi Yeuwaarü ãmare niĩ na yatüna rü ngeü̃na ningĩgüü̃ nanaãü̃.
Ngeü̃rüüü̃ i curü ngãü̃?
-
Taꞌacü niĩ i tchieü̃ ngẽãẽü̃?
-
Taꞌacü tá tüü̃ narüngü̃ẽẽ na nüü̃ rüoeü̃caꞌ i tchieü̃ ngẽãẽü̃?
-
Rü Yeuwaarü mugü na tamaã nüü̃ niu nhuãcü imaeü̃, tüꞌcüü̃ i torü mecaꞌ niĩ?
YEERA NACAꞌ NADAU
Nüü̃ nadau tüꞌcüü̃ name na Tupanapeꞌewa wüi yatü rü wüie ngeü̃ nügümaã ningĩgü.
Rü Tupanaarü Ore nüü̃ niu na homossexualismo ngẽma gutchinü niĩ. Notürü nüü̃ nadau tüꞌcüü̃ tama ngẽma duü̃ü̃gütchi taaie.
Nawa naugütae nhuãcü i Tupanaarü mugü i ngẽãẽü̃tchiga rü tüü̃ ínapoü̃ü̃.
Wüi yatü na naü̃pa rü to yatümaã ngẽãẽü̃, notürü nanaütchicüüẽẽ ga norü maü̃ na Tupanaü̃ nataãẽẽẽü̃caꞌ. Naugütae ngẽma yatüarü oretchiga: “Tchamaã namecüma.”
“Tupanaarü Ore rü nanaütchicüü i duü̃ü̃güarü maü̃” (Dauü̃taecü, 1 abriuarü 2011gu)
a Rü ta ngẽma dea porneía niĩ: Ngẽguma wüi duü̃ü̃ naãꞌmaã naügu i ngẽãẽü̃ to duü̃ü̃maã, rüeꞌna ngẽguma i duü̃ü̃gü nügümaã naügu i ngẽãẽü̃ naꞌmacagu rü ta ngẽguma wüi duü̃ü̃ rü ningõgüetchagu i to duü̃ü̃arü ngeꞌwa urü natchanewa na nüü̃ nangẽmaü̃caꞌ i naünearü ngútchaü̃.
