Ngetchutchu rü norü ngúeü̃gümaã nüü̃ niuü̃ na tama nhama i naanecü̃ãꞌ niĩgüü̃caꞌ. (Juã́ũ 15:19) Nhuãcü tá ngẽma Ngetchutchuarü muga taĩnüẽgü? Rü tama purítchicaü̃ tarüngü̃ẽẽ rü bai gueragü. Notürü tama natautcha ngẽma mugüga taĩnüẽgü, erü nhugüãcü togü tüü̃ nacugüe i ngẽmagagu. Nhuꞌmatchi nhuãcü tá i Yeuwamaã tiaicumacü rü tama nhama i naanecü̃ãꞌ tiĩgü?

1. Taꞌacü niĩ õgütanüü̃gü nagu narüĩnüẽ i ngẽma yatüarü ãẽꞌgacütchiga?

Rü õgütanüü̃gü rü ãẽꞌgacügüga naĩnüẽ, ngẽmaãcü ngẽma Ngetchutchuarü orega taĩnüẽ nhanagürü: “Ãẽ̱xgacüna ngĩxü̃ pexã i ngẽma ãẽ̱xgacüarü ixĩcü.” Rü ngẽmacaꞌ i natchiü̃anearü mugüga taĩnüẽ rü meã nüü̃ tanaütanü namaã i dĩẽru i ĩãneaü̃ i ütanüü̃. (Marcu 12:17) Rü Tupanaarü Ore nanguꞌẽẽ na nangẽma i yatüarü ãẽꞌgacügü erü Yeuwa tama nanatchuꞌu i ngẽma. (Romacü̃ã 13:1) Ngẽmacaꞌ i yatüarü ãẽꞌgacüga taĩnüẽ. Notürü nüü̃ tacuaꞌgü na Tupana rü guãétüwa nangẽmaü̃, rü nüicatama rü norü ãẽꞌgacü rü guü̃ma gutchaü̃güü̃ nanameẽẽ tá.

2. Nhuãcü tanaweꞌgü na tama i nhama naanecü̃ãꞌ tiĩgü?

Ngẽgumarüü̃ ga Ngetchutchu rü toma tama purítchicaü̃ tarüngü̃ẽẽ. Yeguma ga duü̃ü̃gü nüü̃ nadaugu na Ngetchutchu rü Tupanaarü poramaã nanaüü̃ ga muü̃ma ga meü̃gü rü norü ãẽꞌgacüü̃ yangucutchiẽẽgütchaü̃ notürü tama nanayauü̃. (Juã́ũ 6:15) Tüꞌcüü̃? Erü nhanagürü: “Choma rü tama ñoma i naãnewa ãẽ̱xgacü chixĩ.” (Juã́ũ 18:36) Nhuꞌmatchi, rü Ngetchutchuarü ngúeü̃gü tiĩgü ngẽmacaꞌ tama nhama naanecü̃ã tiĩgü, cuaꞌãtchiruü̃ tama gueragu taãgü. (Nawa naugütae Miqueias 4:3.) Rü ta tama ítanapoü̃ i wüi ãẽꞌgacü rüeꞌna purítchicatücumü rü bai tchiri natchiga tideagü, rü toma tama woneraü̃ ticuaꞌüü̃gü toomatchigü. Notürü tama nagu tidaucüraü̃ i tatchiü̃ane. (1 Juã́ũ 5:21) Ngẽmaãcü i Tupanaarü Ãẽꞌgacümaã tiaicumaü̃.

 YEERA NÜÜ̃ CUCUAꞌ

3. Rü aicumaü̃tchi i õgütanüü̃gü tama purítchicagu naãgü rü bai i gueragu

Ngetchutchu rü norü ngúeü̃gü tama nhama i naanecü̃ãꞌ niĩgüü̃ rü yemacaꞌ tama purítchicagu naãgü rü bai i gueragu, rü tanawaꞌegü narüü̃ taügü. Nawa naugütae Romacü̃ãꞌ 13:1, 5-7 rü 1 Pedru 2:13, 14. Rü ta nüü̃ cudau i VÍDEO yicama pegümaã pideagü ngẽmatchiga:

• Tüꞌcüü̃ i yatügüarü ãẽꞌgacüga taĩnüẽgü?

• Nhuãcü tá tanaweꞌ na yatüarü ãẽꞌgacüga taĩnüẽgü?

Ngẽguma tare natchiü̃anegü nügü nadaigügu, nhuguãcü ngẽma togü i natchiü̃anegü nüü̃ niu na tama nüü̃ narüngü̃ẽẽ i ngẽma guera. Notürü norü aicuma rü nüü̃ narüngü̃ẽẽtchire na ngẽma tare i natchiü̃anegü na nügü nadaigüamaü̃caꞌ. Notürü nhuãcü tanaweꞌ na Ngetchutchuarü muga iĩnüẽü̃ na tama nhama i naanecü̃ãꞌ iĩgüü̃caꞌ?Nawa naugütae Juã́ũ 17:16. Rü ta nüü̃ cudau i VÍDEO yicama pegümaã pideagü ngẽmatchiga:

• Nhuãcü i õgütanüü̃gü nanaweꞌgü na tama purítchicaü̃ narüngü̃ẽẽ?

Tchi wüi ãẽꞌgacü nanawaꞌegu na taügü taꞌacü Tupanapeꞌewa natchieü̃, taꞌacü tá taügü? Nawa naugütae Puracügü 5:28, 29. Rü ta nüü̃ cudau i VÍDEO yicama pegümaã pideagü ngẽmatchiga:

• Tchi wüi ãẽꞌgacü nanawaꞌegu na wüi muga iĩnüẽgü, notürü ngẽma mu rü tama nawüigu i Tupanaarü mugümaã, ngeü̃rüüü̃ga taĩnüẽü̃?

• Nhugu niĩ i õgütanüü̃gü tama yatügüarü ãẽꞌgacüga naĩnüü̃?

 4. Naweꞌ na cuma rü tama i nhama naanecü̃ãꞌarü quiĩü̃ i curü ĩnügüwa rü taꞌacü cuüwa

Nawa naugütae 1 Juã́ũ 5:21. Rü ta nüü̃ cudau i VÍDEO yicama pegümaã pideagü ngẽmatchiga:

• Vídeowa nanaweꞌ tüꞌcüü̃ Ayenge tama nanawaꞌeü̃ rü wüi purítchicatücumücü̃ãꞌ rü bai woneraü̃ nicuaꞌüü̃?

• Cucaꞌ taꞌacü Ayenge naüü̃ rü naweꞌguü̃?

Taꞌacü tüü̃ nagutchaü̃ẽẽ na tama nhama naanecü̃ãꞌ iĩgüü̃caꞌ? Nüü̃ cudau i VÍDEO. Yicama pegümaã pideagü ngẽmatchiga:

• Ngẽguma tatchiü̃ane rü to natchiü̃anemaã nügü naĩnücaꞌwaꞌegu, nhuãcü tá inaweꞌgü na tama nhama naanecü̃ãꞌ tiĩgü?

• Ngẽguma i wüi ãẽꞌgacüarü unetagü na tüü̃ narüngü̃ẽẽ rüeꞌna tüü̃ natchieẽẽ, nhuãcü tá tanaweꞌ na tama nhama naanecü̃ãꞌ tiĩgü?

• Taꞌacü nüü̃ tadawenü i terevisãowa rü nüü̃ taĩnüẽ i rádiowa rü nüü̃ tadaumatü i poperagu urü internetwa, nhuãcü ngẽma tüü̃ nagutchaü̃ẽẽ na tama nhama naanecü̃ãꞌ iĩgü?

 TAꞌACÜ MARÜ NÜÜ̃ CUCUAꞌ?

Rü õgütanüü̃gü rü nügü naporaeẽẽ na tama nhama i naanecü̃ãꞌ niĩgüü̃caꞌ, rü norü ĩnügüwa, rü norü deagüwa rü taꞌacü naügüwa.

Ngeü̃rüüü̃ i curü ngãü̃?

• Taꞌacü i ãẽꞌgacüna ngĩü̃ taã?

• Tüꞌcüü̃ tama nhama i naanecü̃ãꞌ iĩgü?

• Nhuãcü tanaweꞌ na tama nhama i naanecü̃ãꞌ iĩgü?