Nhuãcü tá i nhaa popera cuü̃ narüngü̃ẽẽ?
Naü̃pa inaügü i ngẽma Tupanaarü Orearü nguꞌ, nuã cuugütae. Yicama nüü̃ cudau i VÍDEO.
NÜÍRA ÜYE
Nawa naugütae i wüitchigü i natchimaü̃ i cagü (A). Nawa naugütae i wetchicurugü nhaü̃ nacüwawa “nawa naugütae” (B). Rü ta name na nawa cuugütae i wetchicurugü i naweꞌü̃ i ĩnügü i meẽtchigüü̃.
NORÜ TARE ÜYE
Guü̃guma i taꞌacü nüü̃ cucuaꞌ nguꞌẽẽruü̃wa rü tá nüü̃ cuyangau ngetá nhaü̃wa “Yeera Nüü̃ Cucuaꞌ” (C). Rü numerugü (D) nanaweꞌ i ĩnügü i meẽtchigüü̃. Nüü̃ nadau curü nguꞌẽẽtaeruü̃maã, rü Tupanaarü Orewa naugütae rü nüü̃ cuyangautchigüü̃caꞌ i ngãü̃gü rü nüü̃ cudau i vídeogü.
Rü Wüitchigü i nguꞌẽẽruüwa rü tá nüü̃ cuyangau VÍDEOGÜ ngẽmatchiga ideãü. Nümaü̃ Vídeogüwa nangema duü̃ü̃güarü ore aicumaü̃. Rü togü Vídeogü cuaꞌãtchiruü̃ taꞌacü ngupetüü̃ i maü̃wa.
Rü nüü̃ cudau i natchicünaꞌãgü rü taꞌacü i ngẽma naümatüü̃ (E), rü ta nagu curü ĩnü i taꞌacüwa quidea ngẽma üye “Nümaü̃ Duü̃ü̃gü Nüü̃ Niu” (F).
NORÜ TAMAEPÜꞌ ÜYE
Ngẽguma naguꞌgu ngẽma nawa cunguꞌü̃ rü nüü̃ cuyangau tá ngẽma nhaãcü ümatüü̃ “Taꞌacü Marü Nüü̃ Cucuaꞌ?” rü ta “Ngeü̃rüüü̃ i Curü Ngãü̃?” (G). Naümatü i nguneü̃ nagu niguꞌ i ngẽma nawa cunguꞌ. Rü nawa “Ngẽma naü” (H), nhaü̃wa ngẽma taꞌacü tá cuüü̃. Ngetá nhaü̃wa “Yeera Nacaꞌ Nadau” (I) rü nangẽma ta yeera natchigagü na nüü̃ cucuaꞌü̃caꞌ.
Nawa ngẽmaü̃
|
|
|
|
Nhuãcü tá namaã curü ũü̃ i namatügü i Tupanaarü Orewa ngẽmagüü̃?
Rü Tupanaarü Ore 66 poperagü nangẽma. Nawa tare natchipeꞌe nangẽma: Rü Ore Ümatüü̃ Hebraicogawa-Aramaicogawa (“Velho Testamento”) rü ta Ore Ümatüü̃ Gregugawa (“Novo Testamento”).
Naéga i popera muãtüü̃ i nacaꞌ cudau ta Tupanaarü Oregu (A). Yicama capituru (B) i nacaꞌcudau ta rü wetchicuru urü wetchicurugü i nawa ta cuugütae (C).
Cuaꞌãtchiruü̃, Juã́ũ 17:3 rü naégaü̃ Juã́ũarü popera, capituru 17, wetchicuru 3.
