Eꞌna marü ítchame?
Eꞌna marü ítchame na guãma nüü̃ tchiu i ore rü wüigu i yaõgüü̃tücumümaã?
Tchi cunawaꞌegu na tama ícubaieãcü ore quiu, rü name cunaüü̃ i nhaü̃:
Rü Tupanaarü Orecaꞌ cunguꞌ, rü guü̃gu cuyumüẽ rü ta ngutaqueꞌewa cuũü̃.
Rü Tupanaarü nguꞌẽẽtaegüü̃ cungetchaü̃, rü aicuma ngẽmagu cuyaõ rü ta togümaã quiutchaü̃ i ngẽmatchiga.
Yeuwaü̃ cungetchaü̃ rü quideetchi ta i cumücügü i Yeuwaü̃ ngetchaü̃güü̃.
Tama natanügu cuã i to yaõgüü̃tücumü rü bai puritchicagü.
Nawaꞌe i Yeuwaarü mugüga cuĩnüẽ, rü ta ãũrima Yeuwaarü Orearü Uruü̃gü quiĩü̃tchaü̃.
Tchi marü ítchamegu na guãmaã nüü̃ quiu i ore rü wüigu yaõgüü̃tücumümaã, nhuꞌmatchi rü curü Tupanaarü Orearü nguꞌẽẽtaeruü̃maã nüü̃ quiu i ngẽmatchiga. Ngẽmawena pema tá rü yatügü yaõgüü̃tücumümaã icuaꞌgümaã pengutaqueꞌegü, rü meã tá nangugü rü tchi marü ícumegu na tama ícubaieãcü ore quiu.
Eꞌna marü ítchame na ítchabaieü̃caꞌ?
Taꞌacü tá cuüü̃ rü na ícubaieü̃caꞌ?
Nawaꞌe marü na tama ícubaieãcü ore quiu rü wüigu i yaõgüü̃tücumümaã.
Guü̃guma i duü̃ü̃gümaã nüü̃ quiu i ore rü wüigu i yaõgüü̃tücumümaã.
Name na meã cunayau ngẽma nguꞌẽẽtaegü rü ucuꞌẽgü norü ‘coriarü duü̃ü̃ i aicuma yanguẽẽ rü naãẽ cuaꞌü̃’, rü naga cuĩnüü̃. — Mateu 24:45-47.
Wüi yumüẽwa i Yeuwana cugü cuã rü namaã cuuneta na guü̃gutáma nüü̃ cucuaꞌüü̃.
Tchi marü ítchamegu na ícubaieü̃caꞌ, nhuꞌmatchi rü curü Tupanaarü Orearü nguꞌẽẽtaeruü̃maã nüü̃ quiu i ngẽmatchiga. Ngẽmawena pema tá rü yatügü yaõgüü̃tücumümaã icuaꞌgümaã pengutaqueꞌegü, rü meã tá nangugü rü tchi cuma marü ítchamegu na ícubaieü̃caꞌ.
