Rü ngẽma ngewacaꞌ ingĩgüü̃ rü nanawaeꞌgü na guü̃guma nataãẽgüü̃. Rü ngẽma yaõgüü̃ i marü ãmaü̃ rü ãteü̃ i mucüma ya taunecü nügüü̃tawa nangẽmagüü̃ na nügü naporaẽẽgüü̃ na Tupanaarü orearü ucuꞌẽgüga naĩnüeü̃caꞌ rü nataãẽgüü̃caꞌ.

1. Ngeü̃rüüü̃ i Tupanaarü Orearü ucuꞌẽgü nacaꞌ i nategü?

Yeuwa nüü̃ nauneta i yatü na natanüü̃ẽru niĩü̃caꞌ. (Nawa naugütae Epéchiucü̃ãꞌ 5:23.) Yeuwa nanawaꞌe na ngẽma natanüü̃ẽru unetaü̃ nagu naĩü̃ rü guü̃ i natanüü̃ü̃ narüngü̃ẽẽü̃. Tupanaarü ore rü nüü̃ niu: “Rü name nixĩ i nama̱xü̃ nangechaü̃ ya yatü”. (Epéchiucü̃ãꞌ 5:25)Taꞌacütchiga niĩ ngẽma? Rü mecü nate rü nanaweꞌ i namaꞌü̃ nangetchaü̃ i napatawa rü togü i duü̃ü̃güpeꞌewa. Nüma rü ngiü̃ ínapoü̃ rü nügü naporaẽẽ na tüna nadauü̃caꞌ i taꞌacü tanawaꞌeü̃wa ya namaꞌ (1 Timúteu 5:8) Notürü, nüma rü nüna nadau i ngẽmaarü yeera i norü õna i üüneü̃.(Mateu 4:4) Rü cuaꞌãtchiruü̃, rü nüma rü wüigu namaꞌmaã nayumüẽgü rü Tupanaarü orewa naugütaegü. Rü ngẽma nate rü namaü̃ nangetchaü̃ rü tüna nadau rü nanaporaẽẽ i norü ãmücü i Yeuwamaã. — Nawa naugütae 1 Pedru 3:7.

2. Ngeü̃rüüü̃ i Tupanaarü Orearü ucuꞌẽgü nacaꞌ i namaꞌgü?

Rü Tupanaarü Ore nüü̃ niu “pema i ngexü̃gü rü penaxwa̱xe i petega pexĩnüẽ”. (Epéchiucü̃ãꞌ 5:33) Nhuãcü tüma namaꞌ rü tanaü i ngẽma? Rü tüma tanawaꞌe nüü̃ tangetchaü̃ i tümatecümagü i meü̃ rü norü pora naüü̃ na tüna rü naacügüna nadau. Rü tüma rü ngetchaü̃ taweꞌ ngẽguma nüü̃ tarüngüẽẽgu i ngẽma i naunetaü̃wa, rü tamecümaãcü rü ngetchaü̃ãcü namaã tidea woo ngẽguma nüma rü tama yaõcü niĩgu. Rü ta tama togümaã tchiri natchiga tidea.

3. Nhuãcü ingĩgüü̃ nanaporaẽẽgü i norü ngĩtchiga?

Tupanaarü ore rü namaꞌtchiga rü natetchiga nidea: “Rü ngẽmaãcü i ngẽma taxre rü ñoma wüxitama i duü̃xü̃rüü̃ tá nixĩgü.” (Mateu 19:5) Rü ngẽma nüü̃ nanaweꞌ na nümagü nanawaꞌegüü̃ nanaporaẽẽü̃ i ngẽma norü ngetchaü̃ na tama narüoü̃caꞌ. Rü wüigu nügümaã nanangupetüẽẽ i norü nguneü̃gü rü nügümaã nideagü i aicumaü̃ i ngetchaü̃ãcü i norü ĩnügütchiga. Rü nate rü namaꞌ aũrima nügü nangechaü̃gü notürü nüíra Yeuwaü̃ yeeraãcü nangetchaü̃gü. Rü ngẽma ingĩgüü̃ rü name na nacaꞌ naũãẽgüü̃ na tama to i duü̃ü̃ü̃ nangetchaü̃ü̃caꞌ i tama namaꞌ rüeꞌna nate iĩü̃.

 YEERA NÜÜ̃ CUCUAꞌ

4. Rü nate nanawaꞌe tüü̃ nangetchaü̃ rü tüna nadau ya namaꞌ

5. Rü yíema ãtee rü tanawaꞌe na nüü̃ tangetchaü̃ü̃ ya tümate rü naga taĩnüü̃

Rü Tupanaarü ore namaꞌü̃ naucuꞌẽ rü tümatega taĩnüü̃ rü nüẽtama rü yaõcü niĩ urü tama. Nawa naugütae 1 Pedru 3:1, 2. Yicama pegümaã pideagü ngẽmatchiga:

• Ngẽguma tchi cute tama Yeuwaarü orearü uruü̃ niĩgu rü cunawaꞌe na nüma rü Yeuwaarü duü̃ü̃ niĩü̃. Taꞌacü narümemaẽ niĩ cucaꞌ: guü̃ i nguneü̃gu cutemaã Tupanaarü oretchiga quideaü̃ rüeꞌna wüi namaꞌ ngetchaü̃waꞌe, mecümawaꞌe rü naga ĩnüwaꞌe quiĩ? Rü tüꞌcüü̃?

Rü wüigu nate rü namaꞌ nayadeetchi meü̃ i ngẽmaü̃gü. Notürü bemana namaꞌ rü tama tanayau i taꞌacü tümate ideetchiü̃. Rü ngẽma ngupetügu rü name tüma nüü̃ tiu i taꞌacü nagu tarüĩnüü̃, notürü ngetchaü̃ãcü rü naga taĩnüãcü, nüna tacuaꞌãtchiãcü na Yeuwa tümatena nanaã i pora na nayadeetchiü̃caꞌ i taꞌacü rümemaẽü̃ nacaꞌ i natanüü̃gü.  Rü tüma rü tanawaꞌe meã tümateü̃ tarüngü̃ẽẽü̃ nawa ngẽma yadeetchiü̃. Ngẽmaãcü, namaꞌ rü tümatanüü̃ tarüngü̃ẽẽ na nataãẽgüü̃caꞌ. Nawa naugütae 1 Pedru 3:3-5. Yicama pegümaã pideagü ngẽmatchiga:

• Taꞌacü Yeuwa nagu narüĩnü ngẽguma namaꞌ tümateü̃ tanaweꞌgu i ngetchaü̃?

6. Rü natautcha na nüü̃ rüporamaẽ i gutchaü̃gü i cuãmaꞌgu rü cuãtegu

 TAꞌACÜ MARÜ NÜÜ̃ CUCUAꞌ?

Rü nate rü namaꞌ ãũrima nataãẽgü ngẽguma nügümaã nanaweꞌgu i ngetchaü̃ i Tupanaarü orearü ucuꞌẽgüga naĩnüẽgu.

Ngeü̃rüüü̃ i curü ngãü̃?

• Taꞌacü nate naüü̃ na nataãẽü̃caꞌ i norü ngĩgütchigawa?

• Taꞌacü namaꞌ tanaü na tataãẽü̃caꞌ i tümaarü ngĩgütchigawa?

• Ngẽguma tchi marü iquingĩgu, ngeü̃rüüü̃ i Tupanaarü Orearü ucuꞌẽgü rü curü ngĩü̃ naporaẽẽ?