NGÚERUÜ̃ 50

Nhuãcü tá tatanüü̃gü nataãẽgüü̃? — Natchipeꞌe 2

NAPAÜ

Rü taacügü wüi ãmare i Yeuwa tüna ãü̃ niĩgü. Rü Yeuwa nanawaꞌe na papagü rü mamagü meã nüna nadaugü i naacügü. Yeuwa rü papagüna nanaã meü̃ i ucuꞌẽgü na naacügüü̃ narüngü̃ẽẽü̃caꞌ i nanatüga naĩnüẽü̃caꞌ na guü̃ i natanüü̃gü i nataãẽü̃caꞌ.

1. Ngeü̃rüüü̃ i ucuꞌẽgü i Tupanaarü orearü i papagücaꞌ?

Yeuwa nanawaꞌe na nanatügü rü naacügüü̃ nangetchaü̃güü̃ rü yeeraãcü wüiwa nangupetügüẽẽü̃ i norü nguneü̃gü. Nüma rü ta nanawaꞌe na nanatügü rü nüna nadauü̃ i naacügü rü nüü̃ naucuꞌẽgüü̃ i Tupanaarü Oremaã. (Provérbios 1:8) Nüma rü nhanagürü i nanatügüü̃: “Rü name nixĩ i meã penayaexẽẽ, rü peyaxucu̱xẽgü rü penangúexẽẽ na meã tórü Coriaxü̃́ yaxõgüãxü̃ca̱x.” (Nawa naugütae Epéchiucü̃ãꞌ 6:4.) Yeuwa rü nataãẽ ngẽguma papagü naga naĩnüẽgu i ngẽma ucuꞌẽgü. Nüma rü ta nataãẽ ngẽguma nanatügü nanayaugügu i ngẽma puracü na naacügüü̃ nayaẽü̃, tama togüemeꞌẽwa nanangẽmaẽãcü i ngẽma norü puracü.

2. Ngeü̃rüüü̃ i ucuꞌẽgü i Tupanaarü orearü i naacügücaꞌ?

Yeuwa rü nhanagürü i naacügüü̃: “Pa Buxü̃güx, rü name nixĩ i guxü̃wama penatü rü peega pexĩnüẽ, erü ngẽma nixĩ i namaã nataãẽxü̃ ya tórü Cori.” (Nawa naugütae Corochacü̃ãꞌ 3:20.) Ngẽguma naacügü nanatüga naĩnüẽgu rü nüü̃ nangetchaü̃gü rü Yeuwaü̃ nataãẽẽẽ. Rü ta nanatügüü̃ nataãẽẽẽgü. (Provérbios 23:22-25) Ngetchutchu rü meü̃ ga cuaꞌruü̃ niĩ yeguma nabugu. Nüma rü nangeãrü pecaduã. Ngemaẽtüwa, tauguma ínanangeꞌ na nanatügüga naĩnüü̃ rü nüü̃ nangetchaü̃ü̃ woo niĩ nipecaduãgüü̃. — Lucas 2:51, 52.

3. Nhuãcü tá natanüü̃gü yeeraãcü Tupanana nangaicamagü?

Ngẽguma cuma rü papa urü ẽꞌna mama piĩgü, aicuma cunawaꞌe na penegü yeeraãcü Yeuwaü̃ nangetchaü̃güü̃. Nhuãcü tá ngẽma peüü̃? Penaügüãcü i taꞌacü i Tupanaarü ore nüü̃ iuü̃: “¡Rü guxü̃gutáma namaxã penangúexẽxẽ i pexacügü! [nhaü̃tchiga niĩ, i Yeuwaarü ore] Rü nachigagu tá namaxã pidexagü i pepatagüwa rü ngextá ípexĩxü̃wa”. (Deuteronômio 6:7) “Rü guxü̃gutáma namaxã penangúexẽxẽ” nhaü̃tchiga niĩ na pema nanawaꞌe penanguꞌẽãmaü̃ rü ngẽma nüü̃ niutchaü̃ na penangúeẽẽü̃ i namaã nüü̃ wenatama peugüãcü, erü pema nüü̃ pecuaꞌ na penegü nügüerugu namaã nanguü̃ü̃caꞌ i wüi ngẽmaü̃ rü nanawaꞌe mueꞌpüꞌcüna namaã nüü̃ piuü̃. Ngẽmaãcü, taꞌacü ngẽma wetchicuru nüü̃ niutchaü̃ü̃ pema nanawaꞌe guü̃guma nacaꞌ pedau i natchica na Yeuwatchiga pideaü̃ penegümaã. Ngẽmacaꞌ, ínaüütchi wüi nguneü̃ i gucüma ya yüügu Yeuwaü̃ picuaꞌüü̃caꞌ i wüiwa. Ngẽguma nataugu i penegü rü ngẽmaãcütama ípenaüütchi i nguneü̃ na Tupanaarü orecaꞌ penguꞌeü̃.

YEERA NÜÜ̃ CUCUAꞌ

Nüü̃ nadau i ucuꞌẽgü tá peü̃ rüngü̃ẽẽü̃ na nataãẽgüü̃caꞌ rü ínapoü̃güü̃caꞌ.

4. Penanguꞌẽẽ i penegü i ngetchaü̃ãcü

Penanguꞌẽẽü̃ i penegü rü tama natautcha. Nhuãcü Tupanaarü ore peü̃ narüngü̃ẽẽ? Nawa naugütae Tiagu 1:19, 20. Yicama pegümaã pideagü ngẽmatchiga:

Nhuãcü nanatügü nanaweꞌ i ngetchaü̃ ngẽguma nanegümaã nideagu?
Tüꞌcüü̃ papa urü mama tauguma nanawaꞌe nanaweꞌãtchiẽü̃ i nane ngẽguma inanugu? a

5. Ípenapoü̃ i penegü

Na ípenapoü̃ü̃caꞌ i penegü, nameẽtchima na pema natchiga namaã pedaugüü̃ i naü̃nearü ngútchaü̃tchiga, woo pema tama peü̃ namegu i ngẽma peüü̃. Nüü̃ nadau i VÍDEO. Yicama pegümaã pideagü ngẽmatchiga:

VÍDEO: Ípenapoü̃ i penegü nawa i tchieü̃ (2:58)

Tüꞌcüü̃ tama natautcha i nümaü̃gü papagücaꞌ na natchiga nideagüü̃ i nanegümaã i naü̃nearü ngútchaü̃tchiga?
Ngeü̃rüüü̃ i nacümaãcü i nümaü̃gü i papagü natchiga nideagüü̃ i naü̃nearü ngútchaü̃ i nanegümaã?

Nhama i Tupanaarü ore nüü̃ iuü̃rüü̃, i Tchataná rü yeeraãcü nanatchieẽẽ i naãne. Nawa naugütae 2 Timúteu 3:1, 13. Yicama pegümaã pideagü ngẽmatchiga:

Wetchicuru 13 nagu nidea i duü̃ü̃gü tchiecümagüü̃, rü nüü̃ tacuaꞌgü na nümaü̃gü i duü̃ü̃gü buegüü̃ nidaugüü̃. Nhuꞌmatchi tüꞌcüü̃ name i papagü rü nanegümaã nidea i naü̃nearü ngútchaü̃tchiga na nananguꞌẽẽ rü nügü ínapoü̃güü̃caꞌ?

Marü nüü̃ cucuaꞌ i ngẽma?

Yeuwaarü Orearü Uruü̃gü nüü̃ nangema i muü̃ma i poperagü i papagüü̃ rüngü̃ẽẽü̃ na natchiga nideagüü̃caꞌ i naü̃nearü ngútchaü̃tchiga rü nananguꞌẽẽü̃ na nügü ínapoü̃güü̃caꞌ i bueü̃ i yaugüü̃na. Nüü̃ nadau i nümaü̃gü cuaꞌruü̃gü:

Naacügüü̃ ínapoü̃ (vídeo)
Aprenda do Grande Instrutor, capituru 10 rü 32
“Como falar com seus filhos sobre sexo” (Nacaꞌ idautchi!, n.º 5 de 2016)

6. Cue rü cunatüü̃ nangetchaü̃

Buü̃gü rü ngetüꞌüü̃gü nanawaꞌegü nanatüga naĩnüeü̃ i ngẽguma ngetchaü̃ãcü namaã nideagügu. Nüü̃ cudau i VÍDEO. Yicama pegümaã pideagü ngẽmatchiga:

VÍDEO: Tchaunatügümaã tchideaü̃? Nhuãcü? (2:19)

Tüꞌcüü̃ name niĩ ngetüꞌüü̃gü nügü naporaẽẽgü na nanatügümaã yadeagüü̃caꞌ?
Nhuãcü wüi ngetüꞌüü̃ rü name nanatügümaã yadeaü̃ i naga naĩnüãcü?

Nawa naugütae Provérbios 1:8. Yicama pegümaã pideagü ngẽmatchiga:

Nhuãcü wüi ngetüꞌüü̃ nanawaꞌe naãcümaü̃ ngẽguma nanatügü namaã nüü̃ niugu i taꞌacü naüü̃?

7. Yeuwaü̃ pecuaꞌüü̃ i natanüü̃wa

Yeuwaarü Orearü Uruü̃gü rü ínanaüütchi i gucüma ya yüügu i wüi i nguneü̃ na Tupanaarü orecaꞌ nanguꞌẽẽü̃ i wüiwa. Ngẽma naãéga Yeuwaü̃ ticuaꞌüü̃ i tatanüü̃maã. Nhuãcü i ngẽma nguꞌẽẽtae iüü̃? Nüü̃ cudau i VÍDEO. Yicama pegümaã pideagü ngẽmatchiga:

VÍDEO: Yeuwaü̃ ticuaꞌüü̃ i tatanüü̃maã — Ngẽma gutchaü̃gü rü ngẽma norü meü̃gü (8:04)

Nhuãcü wüi natanüü̃ nüü̃ nangema i wüi unetagü na Yeuwaü̃ nicuaꞌüü̃ i natanüü̃maã?
Nhuãcü i papagü name nanaüü̃ i Yeuwaü̃ nicuaꞌüü̃ i natanüü̃maã i metchigaãcü rü nanegüü̃ narüngü̃ẽẽgüãcü? — Natchicünaꞌã nadau i norü ügüwa.
Cucaꞌ taꞌacü niĩ nagutchaẽẽü̃ i Yeuwaü̃ quicuaꞌüü̃ i natanüü̃wa?

Nũcüma ga Iraétanüü̃güwa, Yeuwa nanawaꞌe na wüitchigü natanüü̃gü nideagüü̃ guü̃guma i norü oretchiga. Nawa naugütae Deuteronômio 6:6, 7. Yicama pegümaã pideagü ngẽmatchiga:

Nhuãcü cuma nagu quiũ i ngẽma ore nüü̃ iuü̃?

Ĩnügü nacaꞌ i Yeuwaü̃ ticuaꞌüü̃ tatanüü̃maã:

Inameẽẽü̃ i ngutaqueꞌetchiga.
Iugütaeü̃ i wüi Tupanaarü oretchigawa rü natchiga namaã ideaü̃.
Ngẽguma cune nabuemaregu, inaĩẽ rü inadiü̃ puracü i buü̃gücaꞌ i sitewa jw.org.
Ngẽguma cune nangetüꞌüü̃gügu, idea natchiga wüi popera nacaꞌ i ngetüꞌüü̃gü i sitewa jw.org.
Naütchicünaꞌã teé i wüi natchiga Tupanaarü orewa ngẽmaü̃wa i cunegümaã.
Nadawenü i wüi vídeo i sitewa jw.org rü natchiga namaã idea.

NÜMAÜ̃ DUÜ̃Ü̃GÜ NÜÜ̃ NIU: “Tupanaarü ore nagutchaütchi i buü̃gücaꞌ.”

Taꞌacü i cuma ngẽmatchiga quiuü̃?

TAꞌACÜ MARÜ NÜÜ̃ CUCUAꞌ?

Yeuwa nanawaꞌe na (1) nanatügü rü nanegüü̃ nangetchaü̃ü̃ nananguꞌẽẽü̃ nangetchaü̃güü̃ rü ínanapoü̃güü̃ (2) rü nanegü naĩnüẽü̃ rü nanatügüü̃ nangetchaü̃güü̃ (3) rü natanüü̃gü nüü̃ wüigu nicuaꞌüü̃güü̃.