Yeuwa tüna nanaã wüi meẽtchiü̃ ãmare: ngẽma dea. Eꞌna nacaꞌ nameẽtchima ngẽma nacüma nhuãcü i deagüü̃? Ngü̃! (Nawa naugütae Tiagu 1:26.) Ngẽmacaꞌ nhuãcü name ideagüü̃ na Yeuwaü̃ itaãẽẽẽgüü̃caꞌ?

1. Nhuãcü tá togümaã nüü̃ tiuü̃ãcüma?

Rü Tupanaarü ore nüü̃ niu na ‘name niĩ i wüichigü yigü tataãẽẽẽgü rü yigü taporaeẽẽ i torü õwa.’ (1 Techarónicacü̃ãꞌ 5:11) Nagu narüĩnü nümaü̃gü i duü̃ü̃gü nanawaꞌeü̃ na nüü̃ curüngü̃ẽẽ, rü nüü̃ cutaãẽẽẽ. Nanaweꞌ nacaꞌ cugutchaãẽ. Nhuãcü tá cunaü i ngẽma? Cuma nüü̃ cucuaꞌüü̃ naca i meü̃ i nacümagü, rüeꞌna nacaꞌ cudau i nümaü̃ i wetchicurugü na nüü̃ cunaweꞌü̃caꞌ. Notürü nagu narüĩnü nhuãcü tá namaã nüü̃ quiuü̃ãcüma, erü ngẽma cucüma namaã quiuü̃ rü tá nanataãẽẽẽ urü tama. Rü ngẽmacaꞌ guü̃guma cumecümaãcü namaã nüü̃ quiu. — Provérbios 15:1.

2. Ngeü̃rüüü̃ i deagü na tama name togümaã ideagüü̃?

Rü Tupanaarü ore nhanagürü: “Rü tama name i chixexü̃ i oremaã pidexagü.” (Nawa naugütae Epéchiucü̃ãꞌ 4:29.) Ngẽma nanaweꞌ na tanawaꞌegü nüü̃ tarüoe na yigü ingaeü̃, rüeꞌna togümaã taguchiga ngẽmaãcü ngúü̃ nüü̃ tingeẽẽgü rü ta tama tchiri togütchiga tideagü rü doraü̃ tiu. — Nawa naugütae Provérbios 16:28.

3. Taꞌacü tüü̃ narüngü̃ẽẽ tá na meã togümaã ideagüü̃caꞌ?

Rü torü deagü nanaweꞌ taꞌacü taãẽwa nagu tarüĩnüẽ. (Luca 6:45) Rü ngẽmacaꞌ name na yigü taporaẽẽ na meü̃gu tarüĩnüü̃caꞌ i guü̃ma i ngẽma ore i aicüma meã iwéü̃ rü guü̃ma i ngẽma Tupanapeꞌewa meü̃, rü guü̃ma i ngẽma meü̃ i duü̃ü̃gü namaã taãẽü̃, rü guü̃ma i ngẽma meü̃ i Tupanaü̃ nacaꞌ icuaꞌüü̃güü̃. (Piripucü̃ãꞌ 4:8) Rü nhumatchi rü nameẽtchi na meã nüü̃ taunetagü i teémaã tá taãmücügü rü taꞌacü tá tüü̃ taãẽẽẽruü̃. (Provérbios 13:20) Rü meã nagu narüĩnü nhuãcü tá togümaã nüü̃ iuü̃ãcüma, erü torü deagümaã bemana tá togüü̃ tataãẽẽẽ rüꞌẽna ngúü̃ nüü̃ tingeẽẽü̃. Tupanaarü ore nhanagürü: “Rü nangexma i duü̃xü̃gü i norü dexamaxã ngúxü̃ tüxü̃ ingexẽẽxü̃. Natürü ngẽma duü̃xü̃ i aixcüma nüxü̃ cuáxü̃ rü norü dexamaxã tüxü̃ nataãẽxẽxẽ.” — Provérbios 12:18.

 YEERA NÜÜ̃ CUCUAꞌ

4. Nauãẽ i curü deagümaã

Nhuguãcü, taꞌacü i togümaã nüü̃ tiugü rü yicama ngẽmagagu tangetchaü̃ẽẽ. (Tiagu 3:2) Nawa naugütae Gárataanecü̃ãꞌ 5:22, 23. Yicama pegümaã pideagü ngẽmatchiga:

• Ngẽma wetchicurugü nanaweꞌ muü̃tchi i meü̃ i nacümagü. Ngeü̃rüüü̃ i ngẽma nacümagü na Yeuwacaꞌ ícucatchaü̃? Rü nhuãcü i ngẽma nacümagü cuü̃ narüngü̃ẽẽ tá?

Nawa naugütae 1 Corĩ́tiucü̃ãꞌ 15:33. Yicama pegümaã pideagü ngẽmatchiga:

• Rü tamücügü rü taꞌacü nüü̃ tauneta na tüü̃ taãẽẽẽruü̃ü̃caꞌ, nhuãcü tá ngẽma tüü̃ rüngü̃ẽẽ urü nanatchieẽẽ i tacüma ideagüü̃?

Nawa naugütae Eclesiastes 3:1, 7. Yicama pegümaã pideagü ngẽmatchiga:

• Nhugu nameü̃ curütchianemareü̃ rü ícuyanguẽẽü̃ na quideaü̃caꞌ?

 5. Meã togütchiga quidea

6. Rü cumecümaãcü rü ngetchaü̃ãcü cutanüü̃maã quidea

 TAꞌACÜ MARÜ NÜÜ̃ CUCUAꞌ

Rü torü i deagü nüü̃ nangema i pora. Rü tanawaꞌegü i tauãẽ namaã i torü deagü natchiga i taꞌacü tiuü̃, nhugu tideaü̃ rü nhuãcü tideaü̃.

Ngeü̃rüüü̃ i curü ngãü

• Nhuãcü curü deamaã rü togüü̃ curüngü̃ẽẽ?

• Ngeü̃rüüü̃ i oregü na tama name togümaã ideagüü̃?

• Taꞌacü tüü̃ narüngü̃ẽẽ tá na meã togümaã ideagüü̃caꞌ?