Wüitchigü i yiemagü rü tüü̃ nangema i tacümatama i nhuãcü taãtchiruü̃ rü nhuãcü yigü tarümeẽẽü̃. Notürü nangema i ucuꞌẽgü i Tupanaarü orewa i tüü̃ rüngü̃ẽẽü̃ na tüü̃ meü̃gu ticuꞌü̃ i tama Yeuwaü̃ tarümaãtchiẽãcü. Ngĩa nüü̃ tadaugü i nümaü̃gü ucuꞌẽgü.

1. Taꞌacü tá tüü̃ narüngü̃ẽẽ ngẽguma nüü̃ taunetagu nhuãcü taãtchiruü̃ rü nhuãcü yigü tarümeẽẽü̃?

Rü yiemagü rü Yeuwaarü duü̃ü̃gü tiĩgü rü ngẽmacaꞌ tanawaꞌegü ‘rü meamare üxü̃ i naxchirugu ticu̱xgü, rü meamare yigü tamexẽẽyaegü, rü tama poraãcü yigü tanga̱xãẽgü uirumaã rü meruxü̃gümaã rü naxchiru i tatanüxü̃maã’. Rü ngẽmaãcü tanaweꞌ na “aixcüma Tupanaaxü̃́ yaxõgüxü̃.” (1 Timúteu 2:9, 10) Ngẽma wetchicurugü tüü̃ nanguꞌẽẽ ãgümücü i ucuꞌẽgü: (1) Rü tacüma na nhuãcü yigü icuꞌcutchiü̃ rü nhuãcü yigü imeẽẽyaegü rü nanawaꞌe nanaweꞌü̃ na tórü Tupana ya Yeuwaü̃ tangetchaü̃güü̃. Woo na yiema Yeuwaarü Orearü Uruü̃gü itoraü̃ãcü yigü imeẽẽü̃, tanawaꞌegü guü̃guma Yeuwaü̃ tataãẽẽẽ tacümawa yigü imeẽẽü̃. (2) Tanawaꞌegü ‘rü meamare üü̃ i nachirugu ticuꞌgü’ rü ngẽmacaꞌ tama tanawaꞌegü na natchiru ãũrima tawa íãũ rü tatchiru nanaweꞌ i taüne rü ngẽmagagu duü̃ü̃gü tüü̃ narüdaunüü̃. (3) Rü tama name i nagu taĩ i nacümagü i ngẽma duü̃ü̃gü i tama Tupanaü̃ cuaꞌüü̃güü̃ ngẽguma yigü imeẽẽgu. (4) Tacüma i yigü imeẽẽü̃gu tanawaꞌegü togüpeꞌewa tanaweꞌ na aicüma Tupanaaü̃́ yaõgüü̃. — 1 Corĩ́tiucü̃ãꞌ 10:31.

2. Nhuãcü tá yigü imeẽẽü̃cüma rü taeneẽgüãü̃́ nanangútchaü̃ẽẽ i meü̃ urü tchieü̃?

Rü wüitchigü i yiemagü nüü̃ tauneta i tacümatama i yigü icuꞌcutchiü̃, notürü tanawaꞌegü nagu tarüĩnüe nhuãcü tá tachiru togüü̃́ nanangútchaü̃ẽẽ i meü̃ urü tchieü̃. Erü tama tanawaꞌegü na tchiẽü̃gu togüü̃ tayiẽẽ. “Rü name nixĩ i taeneẽãxü̃́ tanangúchaü̃xẽẽ na ngẽmaãcü nüxü̃ rüngü̃xẽẽxü̃ca̱x na yexeraãcü yaxõõxü̃ca̱x.” — Nawa naugütae Romacü̃ãꞌ 15:1, 2.

3. Nhuãcü tá yigü icuꞌcutchiü̃cüma rü togüü̃́ nanangútchaü̃ẽẽ i Yeuwaü̃ nacuaꞌgüü̃tchaü̃ü̃?

Rü guü̃guma tanawaꞌegü meã yigü imeẽẽü̃, ngẽmaétüwa narümemae niĩ ngẽguma tórü ngutaqueꞌegüwa rü pregaçãowa taĩgu. Rü tama tanawaꞌegü na tatchirugagumare rü togü i duü̃ü̃gü tama Yeuwaarü oreü̃ naĩnütchaü̃. Notürü tanawaꞌegü ‘rü guxü̃ma i togü i duü̃xü̃gü nüxü̃ nadaugü na ñuxãcü aixcüma namexẽchixü̃ i ngẽma ore i duü̃xü̃güxü̃ namaã ingúexẽẽxü̃ nachiga ya Tupana ya tórü maxẽxẽẽruü̃’. Rü ngẽmaãcü tá ngẽma duü̃ü̃gü yeera Yeuwatchigaü̃ nacuaꞌgütchaü̃. — Tito 2:10.

 YEERA NÜÜ̃ CUCUAꞌ

4. Ngẽguma meã yigü imeẽẽü̃gu tanaweꞌ na Yeuwaü̃ tangetchaü̃

Tüꞌcüü̃ tacaꞌ nameẽtchi i yigü imeẽẽü̃cüma? Nawa naugütae Salmo 47:2. Yicama pegümaã pideagü ngẽmatchiga:

• Yeuwaarü duü̃ü̃gü tiĩgü. Ngẽmacaꞌ tüꞌcüü̃ tacaꞌ nameẽtchi i yigü imeẽẽü̃cüma?

• Rü meã nüü̃ tauneta i nhuãcü tá yigü imeẽẽü̃ ngẽguma i torü ngutaqueꞌegüwa rü pregaçãowa taĩgu, taꞌacügu curüĩnü? Rü tüꞌcüü̃?

 5. Nhuãcü tá meã nüü̃ tauneta i taꞌacümaã tá yigü icuꞌcutchiü̃

Nüü̃ cudau i VÍDEO.

Nüeꞌtama nhuregu naãtanügü i tatchiru, notürü tatchiru rü name niĩ guü̃guma nangemãtaü̃ rü namaã nawüiguü̃ i ngẽma natchica nawa ingẽmagüü̃. Nawa naugütae 1 Corĩ́tiucü̃ãꞌ 10:24 rü 1 Timúteu 2:9, 10. Yicama pegümaã pideagü ngẽmatchiga:

• Na tama iãtchirugüü̃ rü gáumaã, eeü̃maã rüeꞌna inhutchiruraü̃mareü̃.

• Na tama iãtchirugüü̃ i ãũrima cuwa iãũ, rü nawa i cungooneü̃ i nacaꞌ duü̃ü̃gü cuü̃ dawenüü̃.

Nũcüma Yeuwa ga norü duü̃ü̃güna nanaã ga yema mugü i nhaü̃: “Wüie ya ngee rü tama name taãtchiruü̃ i yatüü̃tchirumaã, bai na wüi yatü naãtchiruü̃ i ngeẽtchirumaã. Erü guü̃ma i ngẽma üü̃ rü Yeuwa ya Tupana natchi naai.” (Deuteronômio 22:5) Ngẽma yaõgüü̃ rü tama nanawaꞌe nagu naĩü̃ i ngẽma mugü. Notürü ngẽma mugü tüü̃ nanguꞌẽẽ i taꞌacü Yeuwa nagu rüĩnüü̃. Yicama pegümaã pideagü ngẽmatchiga:

• Muü̃ma i ngeü̃gü rü nügü nameẽẽ i yatütchiruãcü rü yatüü̃ na nügü nameẽẽü̃ i ngeẽtchiruma. Notürü tüꞌcüü̃ tama name nüü̃ idaugüü̃ i ngẽma nacüma?

Nawa naugütae 1 Corĩ́tiucü̃ãꞌ 10:32, 33 rü 1 Juã́ũ 2:15, 16. Yicama pegümaã pideagü ngẽmatchiga:

• Nagu narüĩnü i ngẽma ca: Eꞌna ngẽma tchaucüma na tchaãtchiruü̃ rü yaõgüü̃ü̃gü tchieü̃gu nayiẽẽü̃ rü togüü̃?

• Nhuãcü duẽẽgü tügü tameẽẽgü i curü ĩãnewa?

• Ngẽma nacüma i nhuãcü tügü tameẽẽgüü̃ i tümatchiruwa ya duẽẽgü, cucaꞌ nameü̃ na yaõgüü̃ ngẽmaãcü naãtchirugüü̃? Tüꞌcüü̃?

 TAꞌACÜ MARÜ NÜÜ̃ CUCUAꞌ

Ngẽguma meãma nangugügu i nhuãcü iãtchiruü̃ i Tupanaarü oremaã rü ngẽmaãcü tanaweꞌ na Yeuwaü̃ rü togüü̃ tangetchaü̃gü.

Ngeü̃rüüü̃ i curü ngãü̃?

• Tüꞌcüü̃ i Yeuwacaꞌ nameẽtchi i nhuãcü iãtchiruü̃ rü nhuãcü yigü imeẽẽü̃?

• Ngeü̃rüüü̃ i ucuꞌẽgü tüü̃ narüngü̃ẽẽ na meã iãtchirugüü̃ rü meã yigü imeẽẽgüü̃?

• Tüꞌcüü̃ tá ngẽma tatchiru nanaüü̃ i togü meã urü tchiri Yeuwatchigaü̃ nideagüü̃?.