Ngetchutchu ya Cristu guü̃ma i yaõgüü̃ẽru niĩ. (Epéchiucü̃ãꞌ 5:23) Nhuꞌma nüma daũguü̃ naanewa nangema rü norü duü̃ü̃güü̃ narüngü̃ẽẽ nawa i ‘coriarü duü̃ü̃ i aicüma yanguẽẽü̃ rü naãẽ cuaꞌü̃’. (Nawa naugütae Mateu 24:45.) Rü Ngetchutchu nüü̃ nauneta rü nüna nanaã i pora na namaã nacuaꞌü̃caꞌ i norü puracü. Rü cori ya Cristuarü duü̃ü̃ i aicuma yanguẽẽü̃ niĩ taeneẽgücaꞌ napuracüe. Rü teé tiĩ ya tümaãrü coriarü duü̃ü̃ ya aicüma yanguẽẽ rü tümaãẽü̃ cuáe? Nhuãcü tüna nadau?

1. “Rü teé tiĩü̃ ya tümaãrü coriarü duü̃ü̃ ya aicüma yanguẽẽ rü tümaãẽü̃ cuáe?”

Yeuwa guü̃guma norü duü̃ü̃güna nadau i wüi yatüwa urü yatügütücumümaã. (Malaquias 2:7; Ebreugü 1:1) Ngetchutchuarü yuwena, rü ngúeü̃gü ga Ngechuchu imugüü̃ rü yatügü yaõgüü̃tücumümaã icuaꞌgüü̃ i Yerucharéü̃wa yematama naügü. (Puracügü 15:2) Rü ngẽmatama nangupetü i nhuꞌma. Yeuwa namaã napuracü i noretama yatügü yaõgüü̃tücumümaã icuaꞌgüü̃ na nanaãü̃caꞌ i õna üüneü̃ rü nüna nadau i pregação. Ngẽma natücumü i yatügü naãéga Natücumü i Wipeꞌe Ãgüü̃ i Yeuwaarü Orearü Uruü̃güarü. Nümagü rü ‘coriarü duü̃ü̃ i aicüma yanguẽẽü̃ rü naãẽ cuaꞌü̃’ niĩ rü Ngetchutchu nüna naãgaü̃ na meã nüna nadauü̃caꞌ. (Mateu 24:45a) Rü guü̃ma i yatügü Natücumü i Wipeꞌe Ã́güü̃ rü yaõgüü̃ üünegüü̃ niĩ i naãẽ üüneü̃maã. Daũwa Cristumaã niĩgü ãẽgaꞌcügü nawena i norü maü̃ nhama naanewa yaguꞌgu.

2. Nhuãcü coriarü duü̃ü̃ i aicüma yanguẽẽü̃ nanachibüeẽẽ i norü duü̃ü̃gü i õna üüneü̃maã?

Ngetchutchu nhanagürü rü coriarü duü̃ü̃ i aicüma yanguẽẽü̃ ‘rü meã oragu nanachibüeẽẽ i norü duü̃ü̃gü’. (Mateu 24:45b) Rü õna tüü̃ narüngü̃ẽẽ íporaü̃ rü imẽü̃, ngẽgumarüü̃ rü õna i üüneü̃ urü Tupanaarü orearü ucuꞌẽgü tüü̃ naporaẽẽ na guü̃guma Yeuwamaã tiaicumaü̃ rü tanaüü̃ i puracü Ngetchutchu tüü̃ muü̃. (1 Timúteu 4:6) Rü tanayaugü õna i üüneü̃ i ngutaqueꞌegüwa rü ngutaqueꞌegü ãũwa rü poperagüwa rü vídeogüwa i Tupanaarü orewa iĩü̃. Rü guü̃ma i ngẽma õna tüü̃ narüngü̃ẽẽ na nüü̃ icuaꞌü̃ i Tupana nawaꞌeü̃ rü nanaporaẽẽ i torü ãmücü i Yeuwamaã.

 YEERA NÜÜ̃ CUCUAꞌ

3. Yeuwaarü duü̃ü̃gü nanawaꞌe meama nanuü̃

Rü Natücumü i Wipeꞌe Ãgüü̃ Ngetchutchuga naĩnüe na meama nananuü̃caꞌ i puracü Yeuwaarü Orearü Uruügüarü. Rü yematama nangupetü ga nüira yaõgüü̃maã. Nüü̃ cudau i VÍDEO.

Nawa naugütae 1 Corĩ́tiucü̃ãꞌ 14:33, 40. Yicama pegümaã pideagü ngẽmatchiga:

• Nhuãcü i ngẽma wetchicuru nanaweꞌ na Yeuwa nanawaꞌe i norü duü̃ü̃gü meama nanuü̃?

4. Rü coriarü duü̃ü̃ i aicüma yanguẽẽü̃ rü naãẽ cuaꞌü̃ meã nanuü̃ i ngẽma puracü na togümaã nüü̃ iu i ore i meü̃

Nũcüma ga nüira õgütanüü̃caꞌ nameetchi ga togümaã nüü̃ niugüü̃ i ore i meü̃tchiga. Nawa naugütae Puracügü 8:14, 25. Yicama pegümaã pideagü ngẽmatchiga:

• Teé niĩ namaã icuaꞌü̃ ga nüira õgütanüü̃arü puracü?

• Eꞌna ga Pedru rü Juáü̃ meã nanayau togü ngúeü̃gü ga Ngechuchu imugüü̃arü ucuꞌẽgü?

Rü Natücumü i Wipeꞌe Ãgüü̃ i ngẽma puracümaã inacuaꞌü̃ na togümaã nüü̃ iugü i ore i meü̃ guü̃ma i naanewa rü ngẽma puracü nacaꞌ yeera narümemaẽ. Nüü̃ cudau i VÍDEO.

 Ngetchutchu nüü̃ nanguꞌẽẽ na togümaã nüü̃ iu i ore i meü̃tchiga rü ngẽma narümemaẽ niĩ. Nawa naugütae Marcu 13:10. Yicama pegümaã pideagü ngẽmatchiga:

• Tüꞌcüü̃ i Natücumü i Wipeꞌe Ãgüü̃caꞌ narümemaẽ niĩ i ngẽma puracü na togümaã nüü̃ iugü i ore i meü̃?

• Tüꞌcüü̃ toü̃ name na Natücumü i Wipeꞌe Ãgüü̃ meã namaã inacuaꞌ i ngẽma puracü?

5. Rü coriarü duü̃ü̃ i aicüma yanguẽẽü̃ rü naãẽ cuaꞌü̃ rü tüü̃ nanguꞌẽẽ

Rü Natücumü i Wipeꞌe Ãgüü̃ nüü̃ nanguꞌẽẽ i õgütanüü̃gü guü̃ i naanewa. Notürü, nhuãcü nüü̃ nanguꞌẽẽ i õgütanüü̃gü i nhuꞌma? Nüü̃ nadau nhuãcü nũcüma ga Natücumü i Wipeꞌe Ãgüü̃ nanaüü̃ i ngẽma? Nawa naugütae Puracügü 15:1, 2. Yicama pegümaã pideagü ngẽmatchiga:

• Taꞌacü niĩ ga gutchaü̃gü ga nüira õgütanüü̃gütanüwa ngupetüü̃?

• Teécaꞌ nadaugü ga Pauru rü Bernabé rü togü õgütanüü̃gü na yema gutchaü̃ü̃ yameẽẽgüãü̃caꞌ?

Nawa naugütae Puracügü 15:12-18, 23-29. Yicama pegümaã pideagü ngẽmatchiga:

• Rü naũpa na wüi uneta naüü̃ rü Natücumü i Wipeꞌe Ãgüü̃ ga nũcümagüü̃ nacaꞌ nadau i Yeuwaarü ucuꞌẽgü. Rü nhuãcü nanaügüü̃ ga yema? — Nüü̃ nadau i wetchicurugü 12, 15, rü 28, 29wa.

Nawa naugütae Puracügü 15:30, 31 rü 16:4, 5. Yicama pegümaã pideagü ngẽmatchiga:

• Eꞌna ga yema õgütanüü̃gü meã nanayau i Natücumü i Wipeꞌe Ãgüü̃arü ucuꞌẽgü?

• Rü yema õgütanüü̃gü naga naĩnüẽ rü yemacaꞌ nhuãcü Yeuwa naétü nawémeꞌ?

Nawa naugütae 2 Timúteu 3:16 rü Tiagu 1:5. Yicama pegümaã pideagü ngẽmatchiga:

• Nhuãcü Natücumü i Wipeꞌe Ãgüü̃ meã nüü̃ nacuaꞌ i taꞌacü naüü̃ i nhuꞌma?

 TAꞌACÜ MARÜ NÜÜ̃ CUCUAꞌ

Rü Natücumü i Wipeꞌe Ãgüü̃ niĩ i ‘coriarü duü̃ü̃ i aicüma yanguẽẽü̃ rü naãẽ cuaꞌü̃’ na Ngetchutchu nüü̃ naunetaü̃ na õgütanüü̃güna nanaãü̃caꞌ i õna i üüneü̃ guü̃ i naanewa.

Ngeü̃rüüü̃ i curü ngãü̃?

• Teé niĩ nüü̃ unetaü̃ i ngẽma ‘coriarü duü̃ü̃ i aicüma yanguẽẽü̃ rü naãẽ cuaꞌü̃’?

• Nhuãcü i Natücumü i Wipeꞌe Ãgüü̃ tüna nadau i nhuꞌma?

• Cuma rü Natücumü i Wipeꞌe Ãgüü̃gu cuyaõ?