NGÚERUÜ̃ 55
Rü nüü̃ rüngü̃ẽẽ ya curü yaõgüü̃tücumü
Guü̃ma i natchicawa muü̃ma i duü̃ü̃gü Yeuwaü̃ nicuaꞌüü̃gü ya muü̃nema i yaõgüü̃tücumüwa. Ngẽma duü̃ü̃gü nüü̃ nangetchaü̃gü i Yeuwaarü ucuꞌẽgü rü nanangü̃ẽẽgü i yaõgüü̃tücumü. Ngẽmaãcü cunaüü̃ i curü natücumüwa?
1. Nhuãcü nüü̃ curüngü̃ẽẽ i yaõgüü̃tücumü i curü poramaã rü curü nguneü̃maã?
Guẽma i yiemagü rü name nüü̃ ta rüngü̃ẽẽü̃ i yaõgüü̃tücumü. Cuaꞌruü̃, cuma rü name tüü̃ quiga ya yíema yaegüe na ngutaqueꞌepataü̃wa naĩü̃caꞌ? Rüꞌena name cunangü̃ẽẽü̃ i to i ngẽmaü̃güwa, rü taewa urü cunameẽẽpataü̃. (Nawa naugütae Tiagu 1:27.) Rü name ta na yigü imeẽẽmareü̃ nacaꞌ na nüna idau rü nameẽẽü̃ ya ngutaqueꞌepataü̃. Ngẽma iüü̃ rü tauema poraãcü tá tüü̃ tamu. Notürü name tanaüü̃ i tórü ngútchaü̃maã rü Tupanaü̃ rü taeneẽgüü̃ ingetchaü̃ü̃gagu rü tanaügü i ngẽma. — Salmo 110:3.
Ngẽma Yeuwaarü Orearü Uruü̃gü marü ibaiegüü̃ name nüü̃ narüngü̃ẽẽü̃ i yaõgüü̃tücumü i to nacümaãcü. Rü taeneēgü rü name nügü naporaẽẽ na natücumüwa ngü̃ẽẽtaeruü̃ urü yatü yaõgüü̃tücumümaã icuaꞌü̃ yaĩgüü̃caꞌ. Rü taeneẽgü rü taeyagü rü name napuracüe na pioneiro niĩgüü̃caꞌ. Rü nümaü̃gü i Yeuwaarü Orearü Uruü̃gü nüü̃ narüngü̃ẽẽ nanaügüü̃caꞌ ya ngutaqueꞌepataü̃gü. Rü to i taeneēgü rü taeyagü na to i natchiü̃ãnewa naĩü̃ na yaõgüü̃tücumügüü̃ narüngü̃ẽẽü̃caꞌ.
2. Nhuãcü tórü ngẽmaü̃gümaã yaõgüü̃tücumüü̃ tarüngü̃ẽẽ?
Rü name niĩ ‘rü ngẽma tórü ngẽmaü̃gümaã Tupanaü̃ icuaꞌüü̃!’ (Provérbios 3:9) Tacaꞌ nameetchima tanaü i ofertagü na tórü ngẽmaü̃gümaã tanangü̃ẽẽü̃caꞌ i tórü yaõgüü̃tücumü rü puracü i guü̃ i naanewa. (Nawa naugütae 2 Corĩ́tiucü̃ãꞌ 9:7.) Tórü ofertagü nüü̃ narüngü̃ẽẽ i taeneẽgü rü taeyagü rü ngẽguma namaã nangupetügu i gutchaü̃gü i taütchicü. Rü muü̃tchiü̃ i taeneẽgü rü taeyagü rü ngẽma dĩẽru i norü puracüwa ngiü̃ nayaugücüwa rü guꞌcü i yüüarü nguneü̃gu urü tawemacügu rü tá ngiü̃ naãgü i norü ofertagü. (Nawa naugütae 1 Corĩ́tiucü̃ãꞌ 16:2.) Rü ngiü̃ taãgü i tórü ofertagü i ngutaqueꞌepataü̃arü dĩẽrutchiü̃wa urü tórü sitewa donate.pr418.com. Ngẽguma ngiü̃ taãgügu i tórü ofertagü ngẽmaãcü tanaweꞌ na Yeuwaü̃ tangetchaü̃gü.
YEERA NÜÜ̃ CUCUAꞌ
Nüü̃ nadau i nümaü̃gü nacümagü na yaõgüü̃tücumüü̃ tarüngü̃ẽẽü̃caꞌ.
3. Nüü̃ rüngü̃ẽẽ i yaõgüü̃tücumü i curü ofertagümaã
Yeuwa rü Ngetchutchu rü nüü̃ nangetchaü̃gü i ngẽma duü̃ü̃gü i taãẽãcüma ngĩü̃ iãgüü̃. Cuaꞌãtchirüü̃, Ngetchutchu nüü̃ nadau yeguma wüi ga ngecü ga yutecü ga ngearü dĩẽruãcü ga tupaucaarü dĩẽruchiü̃gu rü ngĩü̃ iãcü tümaarü oferta. Nawa naugütae Luca 21:1-4. Yicama pegümaã pideagü ngẽmatchiga:
-
Eꞌna tanawaꞌe ngĩü̃ taãgü i muü̃tchiü̃ i dĩẽru na Yeuwa tamaã nataãẽü̃caꞌ?
-
Ngẽguma taãẽãcüma ngĩü̃ taãgügu i tórü ofertagü rü taꞌacü Yeuwa rü Ngetchutchu nagu narüĩnü i ngẽmatchiga?
Rü nüü̃ nacuaꞌü̃caꞌ taꞌacü taeneẽgü naüü̃ i tórü ofertagümaã, Nüü̃ cudau i VÍDEO. Yicama pegümaã pideagü ngẽmatchiga.
-
Nhuãcü i tórü ofertagü rü nüü̃ narüngü̃ẽẽ i yaõgüü̃tücumü guü̃ i naanewa ngẽmagüü̃?
4. Name tá yigü imeẽẽmareü̃ na nüü̃ narüngü̃ẽẽü̃caꞌ
Rü nũcümaü̃ Yeuwaarü duü̃ü̃gü rü meã nüna nadau rü nanameẽẽgü ya ngutaqueꞌepataü̃ na Yeuwaü̃ nawa nicuaꞌüü̃güü̃caꞌ. Notürü, tama nanawaꞌe ga dĩẽrugürica. Nawa naugütae 2 Reis 22:4-6. Yicama pegümaã pideagü ngẽmatchiga:
-
Nhuãcü ga Iraétanüü̃gü rü nüü̃ narüngü̃ẽẽ na nüna nadaugüü̃caꞌ ga Tupanapata?
Na nüü̃ cudauü̃caꞌ nhuãcü Yeuwaarü Orearü Uruü̃gü rü Iraétanüü̃gürüü̃ nanaüü̃ i ngẽma, nüü̃ cudau i VÍDEO. Yicama pegümaã pideagü ngẽmatchiga.
-
Tüꞌcüü̃ name niĩ guü̃guma nameẽẽü̃ ya ngutaqueꞌepataü̃?
-
Nhuãcü tá cuma nüü̃ curüngü̃ẽẽ?
5. Pa taeneẽgü pegü peporaẽẽ na yeeraãcü i perü yaõgüü̃tücumüü̃ perüngü̃ẽẽü̃caꞌ
Rü Tupanaarü ore nüü̃́ nanangútchaü̃ẽẽ i yatügü yaõgüü̃ rü nügü naporaẽẽ na nüü̃ narüngü̃ẽẽü̃caꞌ i yaõgüü̃tücumüwa. Na nüü̃ cudauü̃caꞌ i wüi cuaꞌruü̃, nüü̃ cudau i VÍDEO. Yicama pegümaã pideagü ngẽmatchiga.
-
Rü videowa, taꞌacü Ryan nanaü na yeera nüü̃ narüngü̃ẽẽü̃caꞌ i norü yaõgüü̃tücumüwa?
Rü Tupanaarü ore nüü̃ niu rü ngeü̃rüüü̃ i nacümagü nanawaꞌe i taeneẽgü na natücumüwa ngü̃ẽẽtaeruü̃ rü yatü yaõgüü̃tücumümaã inacuaꞌgüü̃caꞌ. Nawa naugütae 1 Timúteu 3:1-13. Yicama pegümaã pideagü ngẽmatchiga:
-
Ngeü̃rüüü̃ i nacümagü nanawaꞌe i taeneẽgü na natücumüwa ngü̃ẽẽtaeruü̃ rü yatü yaõgüü̃tücumümaã inacuaꞌgüü̃caꞌ?
-
Ngeü̃rüüü̃ i nacümagü i norü natanüü̃güaü̃ nangemaü̃? — Nüü̃ nadau wetchicuru 4 rü 11.
-
Ngẽguma taeneẽgü nügü naporaẽẽgu na nüü̃ nangemaü̃caꞌ i ngẽma nacümagü, nhuãcü guü̃ i yaõgüü̃tücumüü̃ narüngü̃ẽẽ?
WÜI DUÜ̃Ü̃ CUNA NACA: “Ngetá ne naũ i Yeuwaarü orearü uruü̃güarü dĩẽru?”
-
Taꞌacü i curü ngãü̃?
TAꞌACÜ MARÜ NÜÜ̃ CUCUAꞌ?
Ngẽguma yigü taporaẽẽgu rü yaõgüü̃tücumüü̃ tarüngü̃ẽẽü̃caꞌ i tórü poramaã rü tórü nguneü̃maã rü tórü ngẽmaü̃gümaã rü ngẽmaãcü Yeuwaü̃ tataãẽẽẽ.
Ngeü̃rüüü̃ i curü ngãü̃?
-
Nhuãcü tanangü̃ẽẽ i yaõgüü̃tücumü i tórü poramaã rü tórü nguneü̃maã?
-
Nhuãcü tanangü̃ẽẽ i yaõgüü̃tücumü i tórü ngẽmaü̃gümaã?
-
Nhuãcü tá cunangü̃ẽẽ i curü yaõgüü̃tücumü?
YEERA NACAꞌ NADAU
Nüü̃ nadau rü tüꞌcüü̃ Tupana tama i norü duü̃ü̃güü̃ namu na ngĩü̃ naãü̃ i ofertagü i nhuꞌma.
“Taꞌacü i Tupanaarü ore nüü̃ niu i ofertagütchiga?” (Artchigu sitewa: jw.org)
Ngẽma yatüü̃gü i marü inabaiegüü̃ rü nanayaugü i puracügü i yaõgüü̃tücumüwa. Notürü taꞌacü ngupetüü̃ ngẽguma ngeü̃gü i marü ibaiegüü̃ inawaꞌegu nüna nadaugü i ngẽma puracügü?
“Anciãogü rü nüü̃́ nangema i pora i yaõgüü̃tücumüwa?” (Dauü̃taecü, Fevereruarü 2021gu)
Nüü̃ nacuaꞌ nümaü̃gü Yeuwaarü Orearü Uruü̃gü na nügü naporaẽẽü̃ na nayangegüü̃caꞌ i poperagü i taeneẽgücaꞌ.
Rü Congowa namaã nanue i poperagü na nananguꞌẽẽü̃caꞌ i Tupanaarü oretchiga (4:25)
Nhuãcü i Yeuwaarü Orearü Uruü̃gü namaã nacuaꞌ i ofertagü tama namaã nawüiguãcü i togü yaõgüü̃tücumü?
