Ngẽguma taeneẽgüü̃tanüwa ingemagügu rü nhama ãẽꞌgacü Dawirüü̃ yigü tacuaꞌgü, “nax ñuxãcü namexechixü̃ i ngẽxguma ngẽma Tupanaarü duü̃xü̃gü rü aixcüma wüxigu Tupanaga naxĩnüegu rü nügü nangechaü̃gügu”. (Salmo 133:1) Notürü na wüiwa ingemagüü̃caꞌ rü nanawaꞌe na wüitchigü yigü íporaẽẽü̃ na yigü ingetchaü̃güü̃ rü tama iyanaõẽẽü̃.

1. Ninhucümaraü̃güü̃ i Yeuwaarü duü̃ü̃gü?

Ngẽguma to natchiü̃ãnewa ngutaqueꞌewa cuũgu woo na tama nüü̃ cucuaꞌü̃ i nagagü i nawa yadeagüü̃ rü cugü cucuaꞌ na cutchiü̃ãnewa cungemaü̃tama. Tüꞌcüü̃? Erü Tupanaarü orearü nguẽtaegüarü poperagü rü nawüigu i guü̃ i naãnewa. Rü yigü taporaẽẽgü ta na naweꞌü̃caꞌ i ngetchaü̃. Woo tchi yawacüãꞌ iĩgügu, guẽma i yiemagü ‘rü Yeuwaü̃ tataãẽẽẽgaẽgü na nüü̃ icuaꞌüü̃güü̃caꞌ i wüiwa’. — Sofonías 3:9.

2. Taꞌacü cuüü̃ na wüiwa ingẽmagüü̃caꞌ?

“Penaxwa̱xe i aixcüma guxü̃ i perü ngúchaü̃maã pegü pengechaü̃gü.” (1 Pedru 1:22) Nhuãcü ngẽma ucuꞌẽga i ĩnüe? Rü nadawenü taeneẽgücüma i meü̃gu rü tama i nacüma i tchieü̃gu. Guü̃ma i taeneẽgümaã naãmücü rü naca nadau nüü̃ cucuaꞌü̃ i wüitchigü i taeneẽgü. Rü pora naü na tama cuãẽwa tchiri cunayauü̃caꞌ i togü naca na to nacüma nüü̃ ngẽmaü̃. — Nawa naugütae 1 Pedru 2:17. a

3. Taꞌacü cuüü̃ ngẽguma taeneẽgüü̃ cungetchaü̃ẽẽgu?

Woo tipecaduãgü, notürü wüiwa tangemagü. Nhuguãcü ta togüü̃ tangetchaü̃ẽẽgü. Rü ngẽmacaꞌ Tupanaarü ore nüü̃ niu “rü name nixĩ i wüxichigü i pema na pegümaã yaxna pexĩnüẽxü̃” rü ta nüü̃ niu “rü yexgumarüü̃ ga tórü Cori na pexü̃́ nüxü̃ ngechaü̃xü̃rüü̃, rü name nixĩ i togüaxü̃́ nüxü̃ pengechaü̃gü.” (Nawa Naugütae Corochacü̃ãꞌ 3:13.) Rü mueꞌpüꞌcüna marü Yeuwaü̃ tangetchaü̃ẽẽgü. Rü ngẽmaẽtüwa nüma rü tüü̃́ nüü̃ nangetchaü̃. Ngẽmacaꞌ Yeuwa nanawaꞌe na yiemagü rü taeneẽgüü̃́ nüü̃ tangetchaü̃gü. Ngẽguma nüü̃ cudaugu na togüü̃ cungetchaü̃ẽẽ rü paa nameẽẽ i ngẽma gutchaü̃. — Nawa naugütae Mateu 5:23, 24. b

 YEERA NÜÜ̃ CUCUAꞌ

4. Ega cuãẽwa tama meã cunayaugu i togü, name niĩ nüü̃ curüo i ngẽma ĩnü

Rü tanawaꞌegü guü̃ma i taeneẽgüü̃ ingetchaü̃güü̃. Notürü tama natautcha na wüie ya duẽẽü̃ cungetchaü̃ ya tama cumaã wüigue. Taꞌacü tüü̃ narüngü̃ẽẽ tá? Nawa naugütae Puracügü 10:34, 35. Yicama pegümaã pideagü ngẽmatchiga:

• Yeuwacaꞌ rü guü̃ma i duü̃ü̃gü nawüigu, ngeerüü̃́emare i duü̃ü̃ rü name nüü̃ nicuaꞌüü̃. Taꞌacügu curüĩnü i ngẽmatchiga? Nhuãcü nüü̃ idawenüü̃ i togü i duü̃ü̃gü i tama tamaã wüiguü̃?

• Ngeü̃rüüü̃ i nacüma i tchieü̃ nüü̃ nangema i duü̃ü̃gü cutchiü̃ãnewa? Rü tüꞌcüü̃ cuma tama name i namaã cuwüiguãẽü̃?

Nawa naugütae 2 Corĩ́tiucü̃ãꞌ 6:11-13. Yicama pegümaã pideagü ngẽmatchiga:

• Nhuãcü cuma nüna cungaicama ya cueneẽgü i tama cumaã wüigucü?

5. Nüü̃́ nüü̃ nangetchaü̃ rü togümaã ínangümüeẽẽ

Yeuwa taguma tchieü̃ tamaã naü. Rü guü̃guma tüü̃́ nüü̃ nangetchaü̃ i torü tchieü̃gü. Nawa naugütae Salmo 86:5. Yicama pegümaã pideagü ngẽmatchiga:

• Taꞌacü tüü̃ nanguẽẽ i ngẽma i wetchicuru Yeuwaarü ngetchaü̃tchiga?

• Tüꞌcüü̃ Yeuwana moẽ cuãü̃ naca i norü ngetchaü̃?

• Rü tanawaꞌegü na wüiwa ingemagüü̃. Notürü taꞌacü nanatchieẽẽ i torü ngetchaü̃ i togümaã?

Nhuãcü Yeuwarüü̃ tiĩgü rü guü̃guma wüiwa tangemagü i taeneẽgümaã rü taeyagümaã? Nawa naugütae Provérbios 19:11. Yicama pegümaã pideagü ngẽmatchiga:

• Taꞌacü cuü ngẽguma wüi duü̃ü̃ cuü̃ ngetchaü̃ẽẽgu?

 Nhuguãcü yiemagü togüü̃ tangetchaü̃ẽẽgü. Ngẽguma nangupetügu i ngẽma, taꞌacü tá taü? Nüü̃ cudau i VÍDEO. Yicama pegümaã pideagü ngẽmatchiga.

• Videowa, taꞌacü tanaü i taeya na tügü tarüngümüeẽẽü̃caꞌ?

 TAꞌACÜ MARÜ NÜÜ̃ CUCUAꞌ?

Ngẽguma yigü ingetchaü̃gügu rü yigüü̃́ nüü̃ tangetchaü̃gü, rü ngẽmaãcü nüü̃ tarüngü̃ẽẽgü na wüiwa ingemagüü̃caꞌ i tatücumüwa.

Ngeü̃rüüü̃ i curü ngãü̃?

• Ega cuãẽwa tama meã cunayaugu i togü, taꞌacü tá cuü na nüü̃ curüoü̃caꞌ i ngẽma ĩnü?

• Ega wüi taeneẽmaã cunugu urü cumaã nanugu, taꞌacü cunawaꞌe cuü?

• Tüꞌcüü̃ i Yeuwarüü̃ cunawaꞌe togüü̃́ nüü̃ cungetchaü̃?