NGÚERUÜ̃ 59
Naporaama woo cuwe naãgügu nagagu i curü õ!
Paama guü̃ma i yaõgüü̃ rü nawa tá natchopetü na nawe naãgüü̃ naca i norü õ. Eꞌna ngẽmacaꞌ nanawaꞌeü̃ imuü̃eü̃?
1. Tücüü̃ tawe tá naãgü?
Tupanaarü Ore nhanagürü: “Rü aixcüma cumaã nüxü̃ chixu rü guxãma ya yíxema naxwa̱xegüe na Ngechuchu ya Cristuca̱x tamaxẽxü̃, rü togü tá tümachi naxaie rü chixri tá tümamaã nachopetü.” (2 Timúteu 3:12) Ngetchutchuwe naãgü nacaꞌ na tama natanüwa nangemaü̃ i nhama naanearü ngútchaü̃gü ngẽmacaꞌ rü tawe tá naãgü i ãẽꞌgacügü rü yaõgüü̃tücumü nacaꞌ na tama natanüwa i ngẽmagüü̃ i nhama naane i Tchatanaarü. — Juã́ũ 15:18, 19.
2. Nüü̃ tacuaꞌgü na paama tá tawe naãgüü̃, notürü nhuãcü ta yigü itameẽẽ?
Rü name nhuꞌmatama cunaporaẽẽ i curü õ i Yeuwacaꞌ rü guü̃ma i nguneü̃gu nayumüẽ rü naugütae i Tupanaarü orewa rü guü̃guma nawa naũ i ngutaqueꞌegü. Ngẽmaãcü tá cunaporaeẽẽ i curü õ rü ta cugü icumeẽẽ ngẽguma cuwe naãgügu i ãẽꞌgacügü rü cutanüü̃gü rü togü. Ngetchutchuarü ngúeü̃ ga Pauru rü poraãcü nawe naãgü rü nhanagürü: “Nüma ya Cori nixĩ ya choxü̃ rüngü̃xẽẽcü. Rü ngẽmaca̱x taxuca̱xma chamuü̃.” — Ebréugü 13:6.
Rü yeeraãcü pregaçãowa inaũ na cunaporaẽẽü̃caꞌ i curü õ i Yeuwacaꞌ rü tama cumuü̃ü̃caꞌ i yatügüü̃. (Provérbios 29:25) Tchi tama cumuü̃gu na pregaçãowa cuũü̃ rü yeeraãcü tá cupora i wipeꞌewa cunaüü̃ i ngẽma puracü ngẽguma ãẽꞌgacügü nanatchuꞌugu. — 1 Techarónicacü̃ãꞌ 2:2.
3. Yaõama cuwe naãgügu, nhuãcü ngẽma tá cuü̃ narüngü̃ẽẽ?
Tauema ya duü̃ẽ tüü̃ name ngẽguma tümawe naãgügu. Notürü yaõgüamagu ngẽguma towe naãgügu rü taporaeama i torü õwa. Rü yeeraãcü tá Yeuwana tangaicamagü erü ngẽguma taü̃ma i gutchaü̃güwa i ngẽmagu rü nagu rüĩnügü na tama yana namaã iĩnüü̃ rü tanayaugü tá i ngẽma norü pora ya Tupana. (Nawa naugütae Tiagu 1:2-4) Yeuwa rü nüü̃ nacuaꞌ i ngẽma torü oõẽgü rü aurima nacaꞌ nangetchaü̃. Tupanaarü ore nhanagürügü: “Rü ngẽxguma ṯacü rü mexü̃ i pexüxü̃gagu ngúxü̃ pingegügu rü yaxna namaã pexĩnüẽgu, rü ngẽma waxi nixĩ i Tupanapẽ́xewa mexü̃.” (1 Pedru 2:20) Nüma nüü̃ niu na nayaugüü̃ tá i maü̃ i taguma guü̃ i meẽtchiü̃ i naanewa nagagu i torü õ rü ngetá inatauü̃wa i duü̃ü̃gü i towe ãgüü̃. — Mateu 24:13.
YEERA NÜÜ̃ CUCUAꞌ
Nüü̃ nadau tüꞌcüü̃ woo ngẽguma towe naãgügu rü Yeuwamaã tiaicumaama. Rü ta nüü̃ nadau nhuãcü Yeuwa toétü nawemeꞌ i ngẽmagagu.
4. Cuma rü nüü̃ curüporamae i cutanüü̃gü cuwe ãgüü̃ nagagu i curü õ
Ngetchutchu meama nüü̃ nacuaꞌ na nümaü̃gü i tatanüü̃gü tama nanawaꞌegüü̃ na yiema rü Yeuwaü̃ icuaꞌüü̃gü. Nawa naugütae Mateu 10:34-36. Yicama pegümaã pideagü ngẽmatchiga:
-
Ngẽguma wüi duü̃ü̃ Yeuwaü̃ nicuaꞌüü̃gu, taꞌacü bemana i norü natanüü̃wa nüü̃ nangupetü?
Na nüü̃ nadauü̃caꞌ i wüi cuaꞌruü̃, nüü̃ cudau i VÍDEO. Yicama pegümaã pideagü ngẽmatchiga.
-
Taꞌacü tá cuüü̃ tchi wüi duü̃ü̃ i cupatawa urü cumücü tama nanawaꞌegügu na Yeuwaü̃ quicuaꞌüü̃?
Nawa naugütae Salmo 27:10 rü Marcu 10:29, 30. Rü nüü̃ nadaumatüwena i ngẽma wetchicurugü rü pegümaã pideagü ngẽmatchiga:
-
Nhuãcü ngẽma wetchicurugü rü cuü̃ narüngü̃ẽẽ i yana namaã cuĩnü i ngẽguma cutanüü̃ urü wüi cumücü cuwe naãgügu?
5. Yeuwacaꞌ cupuracüama woo cuwe naãgü
Rü name niĩ tama tamuü̃ ngẽguma togü i duü̃ü̃gü tüü̃ nanatchieẽẽ i Yeuwacaꞌ tapuracüegu. Nüü̃ cudau i VÍDEO. Yicama pegümaã pideagü ngẽmatchiga:
-
Nhuãcü ngẽma cuaꞌruü̃ i videowa curü õ naporaẽẽ?
Nawa naugütae Puracügü 5:27-29 rü Ebréugü 10:24, 25. Yicama pegümaã pideagü ngẽmatchiga:
-
Tüꞌcüü̃ name niĩ Yeuwacaꞌ tapuracüeama woo tüna nanatchuꞌu i pregaçãowa urü ngutaqueꞌegüwa?
6. Yeuwa cuü̃ narüngü̃ẽẽ i yana namaã cuĩnüü̃
Rü Yeuwaarü Orearü Uruü̃gü i guü̃raü̃ü̃ i taunecü nüü̃ ngẽmagüü̃ rü wüitchigü i norütama i nacümagümaã rü Yeuwamaã niaicumagü i norü puracü naügüama woo nawe naãgüü̃. Na nüü̃ cucuaꞌü̃caꞌ taꞌacü nüü̃ narüngü̃ẽẽ i nümaü̃gü i taeneẽgü. Nüü̃ cudau i VÍDEO. Yicama pegümaã pideagü ngẽmatchiga:
-
Wideowa, taꞌacü ga nüü̃ narüngü̃ẽẽ i taeneẽ i yana namaã naĩnüü̃?
Nawa naugütae Romacü̃ãꞌ 8:35, 37-39 rü Piripucü̃ãꞌ 4:13. Yicama pegümaã pideagü ngẽmatchiga:
-
Nhuãcü ngẽma wetchicuru nanaporaeẽẽ i curü õ na gutchaü̃güü̃ curüporamaeü̃?
Nawa naugütae Mateu 5:10-12. Yicama pegümaã pideagü ngẽmatchiga:
-
Tüꞌcüü̃ cutaãẽ woo cuwe naãgügu?
Milhões ga Yeuwaarü duü̃ü̃gü nanayaugü nawe ãgüü̃ narüporamae. Rü cuma rü ta cunayau!
NÜMAÜ̃ DUÜ̃Ü̃GÜ NÜÜ̃ NIU: “Tchama rü tama yana namaã tchaĩnü tá tchi tchawe naãgügu.”
-
Ngeü̃rüüü̃ i Tupanaarü ucuꞌẽgü rü ngẽma duü̃ü̃ü̃ narüngü̃ẽẽ i yana namaã naĩnüü̃?
TAꞌACÜ MARÜ NÜÜ̃ CUCUAꞌ?
Ngẽguma yigü taporaẽẽgu na Yeuwamaã iaicumagüamaü̃caꞌ woo towe naãgüü̃ rü poraãcü yana namaã taĩnüe, rü ngẽma nacaꞌ nameẽtchi!
Ngeü̃rüüü̃ i curü ngãü̃?
-
Tüꞌcüü̃ ngẽma õgütanüü̃gü nawe tá naãgü?
-
Nhuãcü tá yigü itameẽẽ ngẽguma towe naãgügu?
-
Tüꞌcüü̃ nagu cuyaõ rü Yeuwacaꞌ cupuracüama woo cuwe naãgügu?
YEERA NACAꞌ NADAU
Nüü̃ cudau taꞌacü nüü̃ narüngü̃ẽẽ i wüi taeneẽ rü yana namaã naĩnü yeguma pocupataü̃wa nayemagu i norü õgagu.
Nüü̃ nadau taꞌacü ingĩgüü̃ü̃ narüngü̃ẽẽ i guü̃guma Yeuwacaꞌ napuracüe woo mucüma ga taunecü rü nawe naãgüü̃.
Nüü̃ nacuaꞌ nhuãcü yana namaã naĩnü rü tama namuü̃ woo nawe naãgü.
“Nhuãcü tá yigü itameẽẽ ngẽguma towe naãgügu?” (Dauü̃taecü, Juliuarü 2019gu)
Nüü̃ nadau tüꞌcüü̃ nüü̃ tacuaꞌgü na tatanüü̃güwa ngúü̃ tinge i torü õgagu. Rü ta nüü̃ nadau nhuãcü yigü rüngü̃müẽẽü̃ rü Yeuwamaã tiaicumagü woo tawe tá naãgü?
Duü̃ü̃gü nügü nitoye aicumaü̃ i tupanaarü oregagu. (Dauü̃taecü, Otubruarü 2017gu)
