NGÚERUÜ̃ 12
Rü Nangetchaü̃waꞌe rü Namecümawaꞌe
1 Te 2:7, 8
TAꞌACÜ TÁ CUÜÜ̃? Cunaweꞌü̃ rü duü̃ü̃güü̃ na nüü̃ cungetchaü̃ rü na nüü̃ curüngü̃ẽẽtchaü̃.
NHUÃCÜ TÁ CUNAÜÜ̃ I NGẼMA?
-
Nagu curüĩnüü̃ i duü̃ü̃gü. Ngẽguma tá ícunameẽẽgu wüi ore togüü̃caꞌ quiugu rü nagu curüĩnü gutchaü̃güwa na duü̃ü̃güü̃ nangẽmaü̃ rü taꞌacügu ínarüĩnü ngẽmatchiga.
-
Meã nüü̃ cuuneta i curü deagü. Cugü naporaẽẽ na duü̃ü̃güü̃́ cunangútchaü̃ẽẽ rü nüü̃ cunataãẽẽẽ rü ta nüü̃ cunaporaẽẽ. Rü tama tchiri ore quidea na tá duü̃ü̃güü̃ ngetchaü̃ẽẽ. Rü tama tchiri quidea duü̃ü̃güna erü tama Yeuwaü̃ nicuaꞌüü̃gü rü bai norü nguꞌẽẽtae.
-
Mecümamaã nüü̃ quiuü̃. Cunaweꞌü̃ na duü̃ü̃güü̃ cungetchaü̃ curü deawa rü cucümawa. Guü̃guma nacuetcha.
