NGÚERUÜ̃ 3
Cagü Naü
Mateu 16:13-16
TAꞌACÜ TÁ CUÜÜ̃? Rü mecümaãcü cagü naü na duü̃ü̃gü nüü̃ cuaꞌtchaü̃caꞌ i ngãü̃ rü ta orewa nagu narüĩnü rü cunaweꞌ rü ĩnügü i meẽtchigüü̃.
NHUÃCÜ TÁ CUNAÜÜ̃ I NGẼMA?
-
Duü̃ü̃güü̃ nüü̃ nacuaꞌtchaü̃ẽẽ. Cagü naü na duẽẽgü yeeraãcü nüü̃ nacuaꞌtchaü̃güü̃caꞌ rü natchiga nagu narüĩnüü̃.
-
Nüü̃ rüngü̃ẽẽ na nagu narüĩnügüü̃caꞌ. Rü muẽꞌpüꞌcüna cagü naü na duü̃ü̃güü̃ curüngü̃ẽẽcaꞌ na nügüãẽwa nagu narüĩnüü̃ẽẽcaꞌ rü nüü̃ nacuaꞌgüü̃caꞌ ngẽma yeera natchiga yadeaü̃.
-
Wenaarü namaã quidea ĩnügü i meẽtchigüü̃. Cagü naü na nüü̃ nacuaꞌtchaü̃caꞌ i ngẽmatchiga. Tchi cunawaꞌegu na nüna nacuaꞌãtchi wüi ĩnü i meẽtchiü̃, rü cagü naü na naü̃pa tümamaã nüü̃ quiutchigaü̃ na nüna namaã cucuaꞌãtchiü̃caꞌ ĩnü i meẽtchiü̃, rü cagü naü rü yicama namaã nüü̃ iutchiga ngẽguma curü ore marü naguꞌgu.
