TOGÜÜ̃ NANGUꞌẼẼ
NGÚERUÜ̃ 10
Curü ngútchaü̃maã nüü̃ rüngü̃ẽẽ
Ucuꞌẽ: “Pexna tanaxã ga Tupanaarü ore. Rü tama Tupanaarü orexicatama pexna taxãxchaü̃ ga yexguma, natürü marü ítamemare nax pexca̱x itanaxãxü̃ i torü maxü̃ rü ta, yerü poraãcü pexü̃ tangechaü̃gü.” — 1 Te. 2:8.
Taꞌacü Ngetchutchu naüü̃
1. Nüü̃ nadau i VÍDEO, rüeꞌna nawa naugütae Juã́ũ 3:1, 2. Yicama, nanangãü̃ i nhaa cagü:
-
Tüꞌcüü̃ Nicodému rü Ngetchutchuü̃tagu nanaũane ga tchütacü? — Nüü̃ nadau Juã́ũ 12:42, 43.
-
Ngetchutchu Nicodémumaã nidea woo marü tchutacü niĩ. Nhuãcü ngẽma rü nanaweꞌ na Ngetchutchucaꞌ narümemaẽ niĩ togüü̃ nanguꞌẽẽ?
Taꞌacü nawa icuaꞌgüü̃ i Ngetchutchuarü cuaꞌruü̃?
2. Tanaweꞌgü na aicuma duü̃ü̃güü̃ ngetchaü̃güü̃ ngẽguma tama nüü̃ rütchauegu na nüü̃ rüngü̃ẽẽgüü̃caꞌ na Ngetchutchuwe narüĩü̃.
Ngetchutchurüü̃ naü
3. Duü̃ü̃maã Tupanaarü Orecaꞌ nangúe ngetá rü nhugu nüü̃́ namegu. Bemana rü nüü̃́ name nacaꞌ nangú i nagu wüi nguneü̃rica i yüügütchigüwa. Ngetá yeera nüü̃́ name na nacaꞌ nangúeü̃caꞌ? Norü puracüwa, napatawa rüeꞌna to natchicawa? Tchi tama nagutchagu, nanameẽẽ i curü nguneü̃gü na curü ngúetanüü̃ü̃ curüngü̃ẽẽü̃caꞌ.
4. Guü̃guma namaã nacaꞌ nangúe. Tchi cugutchaãẽgu, rü taṹ cunayanaoẽẽ i norü ngú. Rü nhaü̃gu rüĩnü:
-
Eꞌna to nguneü̃gu i ngẽma yüügu natautchaü̃ na namaã nacaꞌ cungúeü̃caꞌ?
-
Eꞌna natautchaü̃ na namaã nacaꞌ cungúeü̃caꞌ i dearuü̃wa rüeꞌna internetwa?
-
Eꞌna name to taenena nacaꞌ cuca na curü ngúetanüü̃maã nangúeü̃caꞌ?
5. Nayumüẽ na meã nagu rüĩnüü̃caꞌ. Yeuwacaꞌ naca na cuü̃ narüngü̃ẽẽü̃caꞌ na tama nüü̃ curütchau rü curü ngúetanüü̃ü̃ nanguꞌẽẽamaü̃caꞌ woo tama guü̃guma Tupanaarü Orecaꞌ nanguꞌ rüeꞌna tama paa nanaütchicüü̃ i norü maü̃. (Pir. 2:13) Aicuma niĩ na curü ngúetanüü̃ meü̃ i nacümagü nüü̃́ nangẽma, rü ngẽmaãcü nayumüẽ na guü̃guma ngẽmagu curüĩnüü̃caꞌ.
