Taꞌacü Ngetchutchu naüü̃

Taꞌacü nawa icuaꞌgüü̃ i Ngetchutchuarü cuaꞌruü̃?

2. Ngẽguma tautchaü̃ãcüma togüü̃ tanguꞌẽẽgu, duü̃ü̃gü tama nüü̃ inarüngüma rü maü̃newa ínanguꞌ i nguꞌẽẽtaegü.

 Ngetchutchurüü̃ naü

3. Taṹ ãũrima quideaütchiü̃. Natchiga nidea i taꞌacü popera i nguꞌruü̃wa nangẽma rü tama duü̃ü̃maã quidea i guü̃ma i taꞌacü nüü̃ cucuaꞌ i ngẽmatchiga. Ngẽguma nüna cucagu rü yana namaã naĩnü rü nüü̃ inanguü̃ẽẽ i norü ngãü̃. Tchi nüma rü tama nüü̃ nacuaꞌgu rüeꞌna nüü̃ niugu i taꞌacü tama Tupanaarü Orewa ne naũ, yeera i cagü naü na nüü̃ curüngü̃ẽẽü̃caꞌ na meã natchigagu narüĩnüü̃caꞌ. Ngẽguma nüma rü marü nüü̃ nacuaꞌgu i wüi nguꞌẽẽtae rü to natchiga nüü̃ nanguꞌẽẽ.

4. Namaã i taꞌacü marü nüü̃ nacuaꞌü̃ rü curü ngúetanüü̃ü̃ rüngü̃ẽẽ na ngẽwacaü̃ü̃ i natchigagüü̃ nacuaꞌü̃caꞌ. Cuaꞌãtchiruü̃, naü̃pa na icunaügü i wüi ngúeruü̃ natchiga i yueü̃ írüdagüü̃, name paãma natchiga nidea i taꞌacü nüma rü nüü̃ nacuaꞌü̃ i taꞌacü nangupetüü̃ ngẽguma wüi duü̃ü̃ nayugu.

5. Meã nüü̃ nacuaꞌ cuaꞌruü̃maã nüü̃ nanguꞌẽẽ. Naü̃pa na wüi cuaꞌruü̃maã nüü̃ cunguꞌẽẽ, cugüna naca:

1.    ‘Ngẽma cuaꞌruü̃ natautcha niĩ?’

2.   ‘Tchorü ngúetanüü̃ nüü̃ nacuaꞌü̃ i ngẽma cuaꞌruü̃?’

3.   ‘Ngẽma cuaꞌruü̃ tchorü ngúetanüü̃ü̃ rüngü̃ẽẽ na nüna nacuaꞌãtchiü̃caꞌ i taꞌacü narümemaẽ niĩ rüeꞌna i cuaꞌruü̃naicatama nacuaꞌãtchi?’